Friday 28 December 2012
KNU ငြိမ်းချမ်းရေး ဆွေးနွေးရေး ကိုယ်စားလှယ်အဖွဲ့ ပြန်လည်ဖွဲ့စည်းမည်
ဖနိဒါ | ကြာသပတေးနေ့၊ ဒီဇင်ဘာလ ၂၇ ရက် ၂၀၁၂ ခုနှစ် ၁၈ နာရီ ၁၃ မိနစ်
ချင်းမိုင်(မဇ္စျိမ) ။ ။ ကရင်အမျိုးသားအစည်းအရုံး KNU ထိပ်ပိုင်းခေါင်းဆောင်များ ပြောင်းလဲလိုက်ပြီး ငြိမ်းချမ်းရေးဆွေးနွေးရေး ကိုယ်စားလှယ်အဖွဲ့လည်း အသစ်ပြန်လည် ဖွဲ့စည်းမည်ဟု တွဲဖက်အတွင်းရေးမှူး (၂) ပဒိုမန်းမန်း က ပြောသည်။
အစိုးရ၏ ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် ဆွေးနွေးမှုများ ပြုလုပ်ခဲ့သည့် ယခင် ကိုယ်စားလှယ်အဖွဲ့ ကို ဖျက်သိမ်းလိုက်ပြီး လာမည့် ဗဟိုအလုပ်အမှုဆောင် အစည်းအဝေးတွင် ကိုယ်စားလှယ်အဖွဲ့သစ်ကို ရွေးချယ် ဖွဲ့စည်းသွားမည်ဟု ဆိုသည်။
“ငြိမ်းချမ်းရေး လုပ်ငန်းစဉ်က KNU ရဲ့မူဝါဒအပေါ်မှာပဲ မူတည်ပါတယ်။ ခေါင်းဆောင်ပိုင်း အပြောင်းအလဲတော့ တိုက်ရိုက် မပတ်သက်ဘူး။ လုပ်ငန်းစဉ်က အရင်အတိုင်းပဲ ချမှတ်ထားတဲ့ အခြေခံ ၄ ဆင့် ပမာဏ အပစ်အခတ် ရပ်စဲပြီး ခိုင်မာတဲ့ အပစ်အခတ်ရပ်စဲရေးကို ဆက်ဆောင်ရွက်မယ်။ နိုင်ငံရေး ဆွေးနွေးမှု အဆင့်နှစ်ဆင့်ကို ဆက်သွားမယ်” ဟု ပဒိုမန်းမန်း က မဇ္စျိမကို ပြောသည်။
ယခင် ကိုယ်စားလှယ်အဖွဲ့ကို ၂ဝ၁၁ ခုနှစ်၊ နိုဝင်ဘာလအတွင်းက ဖွဲ့စည်းခဲ့ပြီး ထိုစဉ်က ဒု-ဥက္ကဋ္ဌ ပဒိုဒေးဗစ် တာကပေါ၊ အထွေထွေအတွင်းရေးမှူး နော်စီဖိုးရာစိန်၊ စစ်ဦးစီး ချုပ် ဗိုလ်ချုပ်ကြီး မူတူးစေးဖိုး၊ တရားရေးဌာနမှူး ပဒိုဒေးဗစ်ထော၊ ကျန်းမာရေးဌာမှ ဗိုလ်မှူးစောရောဂျာခင်နှင့် သစ်တော်ဌာနမှူး ပဒိုစောအားတိုး၊ ဘားအံခရိုင် ဥက္ကဋ္ဌ ပဒိုအောင်မော်အေးတို့ကို တို့ ဦးဆောင်ပါဝင်ခဲ့သည်။
နိုဝင်ဘာလ ၂၆ မှ ဒီဇင်ဘာလ ၂၆ ရက်နေ့ထိ ဘားအံခရိုင် တပ်မဟာ ၇ နယ်မြေတွင် ကျင်းပပြုလုပ်ခဲ့သော KNU ၏ ၁၅ ကြိမ်မြောက် ညီလာခံမှ ဥက္ကဋ္ဌသစ်အဖြစ် (ယခင် စစ်ဦးစီးချုပ်) ဗိုလ်ချုပ်ကြီး မူတူးစေးဖိုး ကို တင်မြှောက်လိုက်ပြီး စစ်ဦးစီးချုပ်သစ်အဖြစ် ဗိုလ်မှူးချုပ် စောဂျော်နီအား ပေးအပ်ခဲ့ပြီး ဒု-စစ်ဦးစီးချုပ်အဖြစ် ဗိုလ်မှူးချုပ် စောဘောကျော်ဟဲ အား တာဝန်ပေးအပ်လိုက်သည်။
ဒု- ဥက္ကဋ္ဌ နော်စီဖိုးရာစိန်၊ အတွင်းရေးမှူးချုပ် ပဒိုစောကွယ်ထူးဝင်း၊ တွဲဖက်အတွင်းရေးမှူး(၁) ပဒိုသောသီဘွဲ၊ တွဲဘက် အတွင်းရေးမှူး(၂) ပဒိုမန်းမန်း၊ အဖွဲ့ဝင်များအဖြစ် ပဒိုမန်းငြိမ်းမောင်၊ ပဒိုစောသမိန်ထွန်း၊ ပဒိုစောတာဒိုမှူး၊ ပဒိုရောဂျာခင်၊ ဗိုလ်မှူးချုပ်စောဂျော်နီနှင့် ဗိုလ်မှူးချုပ် စောဘောကျော်ဟဲ တို့ ၁၁ ဦးအား တာဝန်ပေးအပ်လိုက်ကြောင်း ဒီဇင်ဘာလ ၂၇ ရက် နေ့စွဲဖြင့် ထုတ်ပြန်ကြေညာလိုက်သည်။
ထိုသို့ ခေါင်းဆောင်မှု အပြောင်းအလဲများ လုပ်ခဲ့သော်လည်း ငြိမ်းချမ်းရေး ဆွေးနွေးမှုများမှာ မူလအတိုင်း ဆက်လက် လုပ်ဆောင်သွားမည်ဟု ပဒိုမန်းမန်းက ပြောသည်။
ထို့အပြင် အမျိုးသားရေး ဦးဆောင်မှု အခန်းကဏ္ဍတွင် အမျိုးသမီးများ ပါဝင်မှု ပိုမို အားကောင်းလာရေးကို ပံ့ပိုးဆောင်ရွက်သွားရန် အမျိုးသမီး ၃ဝ ရာခိုင်နှုန်း ပါဝင်ရန် သဘောတူခဲ့သည်ဟု ပဒိုမန်းမန်း က ပြောသည်။
“အမျိုးသမီးတွေ စီမံခန့်ခွဲမှုနဲ့ ဆုံးဖြတ်နိုင်တဲ့နေရာမှာ မူဝါဒပိုင်းဆိုင်ရာ ပတ်သက်တဲ့နေရာမှာ အမျိုးသမီးတွေ ပါဝင်လာ ဖို့၊ အားကောင်းလာဖို့၊ ဗဟိုကော်မတီအဆင့်မှာ အနည်းဆုံး အမျိုးသမီးတွေ ပါဝင်ရမယ်ဆိုတာ ဆုံးဖြတ်ချက် ချမှတ်
နိုင်ခဲ့တယ်။ အကောင်အထည်ဖော်တာက အချိန်အများကြီး လိုပါသေးတယ်” ဟု မဇ္စျိမကို ပြောသည်။ လက်ရှိတွင်မူ ဗဟိုကော်မတီ ၄၅ ဦးတွင် အမျိုးသမီး လေးဦးသာ ထားရှိနိုင်သေးသည်။
ဇန်နဝါရီလအတွင်းက နှစ်ဖက် အပစ်အခတ် ရပ်စဲရေး သဘောတူညီခဲ့ပြီး နောက်ဆုံး စက်တင်ဘာလ ၄ ရက်နေ့က နှစ်ဖက်တပ်များ လိုက်နာသင့်သော ကျင့်ဝတ်များအပေါ် သဘောတူ လက်မှတ် ရေးထိုးလိုက်နိုင်ခဲ့သည်။ ထိုဆွေးနွေးပွဲတွင် KNU ၏ တပ်မဟာ ၁ မှ ၇ ထိ တပ်နေရာ ချထားရေးနှင့် ပတ်သက်၍ တင်ပြခဲ့သည်။
ညီလာခံတွင် လူ့အခွင့်အရေး ကော်မတီတရပ် ဖွဲ့စည်းသွားရန်နှင့် အမျိုးသားစည်းလုံး ညီညွတ်ရေး၊ အုပ်ချုပ်ရေးနှင့် တည်ဆောက်ရေး တို့နှင့် စပ်လျဉ်း၍ ရှေ့လုပ်ငန်းစဉ်များကို ချမှတ်ခဲ့ပြီး စီးပွားရေးနှင့် ဖွံ့ဖြိုးရေး ဆိုင်ရာ မူဝါဒများ ကိုလည်း ချမှတ်သွားရန် သဘောတူခဲ့ကြသည်ဟု ကြေညာချက်တွင် ပါရှိသည်။
KNU ၏ ဌာန ၁၄ ခုမှ တာဝန်ခံများကိုလည်း ပြောင်းလဲတာဝန်ပေးအပ်ခဲ့ရာ ပဒိုမန်းဘထွန်း (သစ်တောဌာန)၊ ပဒိုစောနေစိုး (သယ်ယူပို့ဆောင်ရေးနှင့် လမ်းပန်းဆက်သွယ်ရေးဌာန)၊ စောအယ်လိုဆွေဦး (ကျန်းမာရေးနှင့် ကယ်ဆယ်ရေးဌာန)၊ စောလှထွန်း (စည်းရုံးရေးနှင့် ပြန်ကြားရေးဌာန)၊ စောလေမူး (လယ်ယာနှင့် စိုက်ပျိုးရေး ဌာန)၊ စောလှစေး (ပညာရေးနှင့် ယဉ်ကျေးမှုဌာန)၊ စောမြမောင် (မွေးမြူရေးနှင့် ငါးဖမ်းဌာန)၊ စောရောဂျော်ခင် (ကာကွယ်ရေးဌာန)၊ စောကဲလဲ (သတ္တုတွင်းဌာန)၊ စောကလိုစေး (တရားရေးဌာန)တို့ ဖြစ်သည်။
ယခင် ဒု-ဥက္ကဋ္ဌ တာဝန်ယူခဲ့သော စောဒေးဗစ်သာကဘောမှာ (မဟာမိတ်ရေးရာဌာန)၊ စောအောင်ဝင်းရွှေ (နိုင်ငံခြားရေးဌာန)၊ စောအာတိုး (တရားရေးနှင့် သာသနာရေးဌာန)၊ စောခေးဆယ် (အကောက်ခွန်နှင့် ဘဏ္ဍာရေး ဌာန)တို့ တာဝန်ပေးအပ်ခဲ့သည်ဟု သိရသည်။
ကွယ်လွန်သူ ပဒိုဒေးဗစ်ထော၏ တရားရေးဌာန တာဝန်ခံ နေရာတွင် ပဒိုအယ်ကလိုစေးအား တာဝန်ပေးလိုက်ပြီး ပဒိုစောလှငွေအား အရေးကြီးသည့် တပ်ပိုင်းဆိုင်ရာ တနေရာတွင် တာဝန်ပေးအပ်မည်ဟု သိရသည်။
http://www.mizzimaburmese.com/news/inside-burma/10659-knu----.html
သောက်ရေခပ်၊ ထိုးဘိုရေလှောင်တမံေ၇လျှံတက်မှု့ ကြောင့်ဒေသခံပြည်သူများ သောက်ရေခပ်၊ ထိုးဘိုရေလှောင်တမံေ၇လျှံတက်မှု့ ကြောင့်ဒေသခံပြည်သူများဆန္ဒပြ
December 28, 12, 2012
သောက်ရေခပ်၊ ထိုးဘိုရေလှောင်တမံေ၇လျှံတက်မှု့ ကြောင့်ဒေသခံပြည်သူများဆနပြ
Friday 23 November 2012
တိုင်းရင်းသား ခေါင်းဆောင်တွေ နဲ့ ဒေါ်အောင်ဆန်းစုကြည် ဆွေးနွေးချက်
2012-11-23
တိုင်းပြည်စီးပွားရေး ကောင်းလာရုံတခုတည်းနဲ့ မြန်မာနိုင်ငံက တိုင်းရင်းသားရေးရာ အခွင့်အရေးတွေကို အလိုအလျောက် ဖြေရှင်းသွားနိုင်မှာ မဟုတ်ဘူးလို့ အမျိုးသားဒီမိုကရေစီအဖွဲ့ချုပ် ဥက္ကဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်က မနေ့က ပြောလိုက်ပါတယ်။မနေ့က နေပြည်တော်မှာ ကျင်းပတဲ့ တိုင်းရင်းသားပါတီပေါင်းစုံက ကိုယ်စားလှယ်တွေနဲ့ နေပြည်တော်မှာ ကျင်းပတဲ့ မိတ်ဆုံစားပွဲမှာ ဒေါ်အောင်ဆန်းစုကြည်က ပြောခဲ့တာပါ။
ဒါ့အပြင် မြန်မာနိုင်ငံရဲ့ လူနေမှုအဆင့်အတန်းကို တိုင်းထွာကြည့်ရှုရာမှာ ငွေကြေးဥစ္စာချမ်းသာသူတွေကို ကြည့်ပြီး တိုင်းထွာတာမျိုး မဖြစ်သင့်ပဲ၊ ဆင်းရဲသားအများစုရဲ့ လူနေမှုဘ၀ ဘယ်လောက် မြင့်တက်လာသလဲဆိုတာကို အဓိကထား ကြည့်ရမယ်လို့လည်း ပြောခဲ့ပါတယ်။
ဒေါ်အောင်ဆန်းစုကြည်ဟာ တိုင်းရင်းသားပါတီတွေက ကိုယ်စားလှယ်တွေနဲ့ လွှတ်တော် အစည်းအဝေးပြီးတိုင်းမှာ အခုလို တိုင်းရင်းသား ခေါင်းဆောင်တွေနဲ့ ညစာစကားဝိုင်းပုံစံမျိုး နေပြည်တော်မှာ တွေ့ဆုံဆွေးနွေးနေကြဖြစ်ပါတယ်။
ဒီတကြိမ်မှာတော့ တိုင်းရင်းသားပါတီ ကိုယ်စားလှယ်တွေအပြင် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်တွေလည်း တက်ရောက်ခဲ့ပါတယ်။
မနေ့က ဒေါ်အောင်ဆန်းစုကြည် တိုင်းရင်းသားခေါင်းဆောင်တွေနဲ့ တွေ့ဆုံဆွေးနွေးခဲ့တာတွေကို RFA ၀ိုင်းတော်သူ ဒေါ်ခင်ခင်အိ က ကောက်နှုတ်တင်ပြထားပါတယ်။
http://www.rfa.org/burmese/news/dassk-meet-party-leader-11232012104144.html
တိုင်းရင်းသား ဒီဂရီကောလိပ် ကျောင်းသားများ ဆက်လက် ဆန္ဒပြမည်
ဖနိဒါ | သောကြာနေ့၊ နိုဝင်ဘာလ ၂၃ ရက် ၂၀၁၂ ခုနှစ် ၁၈ နာရီ ၃၃ မိနစ်
ကောလိပ်တွင် ပြန်လည် ပညာသင်ယူခွင့် မရမချင်း စစ်ကိုင်းတိုင်း၊ ရွာသစ်ကြီးကျောင်းသစ်မှ ကျောင်းသား ၅၀၀ ခန့်က ဆက်လက် ဆန္ဒပြသွားမည်ဟု သိရသည်။
ပြောင်းရွှေ့ခံရသော ရွာသစ်ကြီးတွင် နေထိုင်ရေး၊ ပညာသင်ကြားရေး အဆင်မပြေမှုများ ရှိသဖြင့် ကြာသာပတေးနေ့ ည ၇ နာရီမှ စတင်ကာ ၎င်းတို့၏ ပစ္စည်းအထုပ်အပိုးများကို သယ်ဆောင်၍ မူလ ပြည်ကြီးတံခွန် မြို့နယ်ရှိ
ကျောင်းသို့ လမ်းလျှောက် ဆန္ဒပြခဲ့သည်။
သောကြာနေ့ မွန်းလွဲ ၁၂ နာရီချိန်မှစ၍ ပြည်ကြီးတံခွန်ကျောင်းရှေ့ အပေါက်ဝမှ ကားလမ်း တလျှောက်တွင်
ကျောင်းသားများက တိုင်းရင်းသား ရိုးရာဝတ်စုံများ ဝတ်ဆင်ကာ ဒူးထောက်၍ ငြိမ်းချမ်းစွာ ဆန္ဒပြနေကြပြီး မူလကျောင်းအား ပြန်လည်တက်ခွင့်ပေးမည်ဟု တစုံတရာ အဖြေ မရမချင်း ဆက်လက် ဆန္ဒပြကြမည် ဖြစ်ကြောင်း မြို့ပြအင်ဂျင်နီယာ ကျောင်းသား ရှမ်းတိုင်းရင်းသား ကိုသိန်းကိုကိုအောင် က ပြောသည်။
“ကျနော်တို့ ကျောင်းပြန်ပေးမယ်ဆိုတဲ့ အဖြေမရမချင်း နေပူခံပြီးတော့ ထိုင်စောင့်နေတာပါ။ ကျနော်တို့ ခံစားချက်ကို လူကြီးတွေ အားလုံးသိစေချင်တဲ့သဘော လမ်းလျှောက်မယ်။ ကျနော်တို့ အခဲအခဲတွေ အများကြီးရှိတယ်။ အရင်
ကျောင်းတော်ကြီးကိုပဲ ဆက်လက် ပညာသင်ကြားချင်တာ” ဟု မဇ္ဈိမကို ပြောသည်။
မွန်းလွဲပိုင်းတွင် နယ်စပ်ရေးရာဝန်ကြီးဌာန ဒုတိယ ဝန်ကြီး ဗိုလ်ချုပ်ဇော်ဝင်း လာရောက်၍ ကျောင်းသားများ ဆန္ဒအတိုင်း အထက် ဝန်ကြီးဌာနသို့ တင်ပြမည်ဟု ပြောဆိုထားသည်ဟု ကိုသိန်းကိုကိုအောင် က ပြောသည်။
ကျောင်းသားများက ရွာသစ်ကြီးကျောင်းသို့ မပြောင်းရွှေ့လိုကြောင်း သမ္မတ ဦးသိန်းစိန်ထံ အသနားခံစာ နှစ်ကြိမ် တိုင်တိုင် တင်ပြခဲ့သော်လည်း မည်သည့် တုံ့ပြန်မှုမှ မရရှိခဲ့ဘဲ အခက်အခဲ အမျိုးမျိုးနှင့် ရင်ဆိုင်နေရသဖြင့် ယခုကဲ့သို့ ဆန္ဒပြရခြင်း ဖြစ်သည်ဟု ဆိုသည်။
အဆိုပါ ဒီဂရီကောလိပ်အား ၂ဝဝဝ ခုနှစ်က စတင်ဖွင့်လှစ်ခဲ့ပြီး သိပ္ပံ၊ ဝိဇ္ဇာနှင့် နည်းပညာများ သင်ကြားပေးနေရာ အမှတ်စဉ် ၁၁ ထိ ရှိခဲ့ရာမှ ၂ဝ၁၁ ခုနှစ်၊ စက်တင်ဘာလတွင် ရွာသစ်ကြီးကျေးရွာသို့ နယ်စပ်ရေးရာ ဝန်ကြီးဌာန၏
နှုတ်မိန့်ဖြင့် ပြောင်းရွှေ့ခံခဲ့ရသည်။
အစိုးရက တိုင်းရင်းသားအရေးအား ဦးစားပေးနေသည်ဟု ပြောသော်လည်း တိုင်းရင်းသား၏ ပညာရေးကို လစ်လျူရှု ခံနေရသည်ဟု ကျောင်းသားများ ခံစားနေရပြီး ၁၂ နှစ်တိုင်တိုင် ပြည်ထောင်စု စိတ်ဓါတ်ဖြင့် တည်ဆောက်ထားသည့် မူရင်းကျောင်းအား ဆက်လက် ထိန်းသိမ်းကာကွယ်စောင့်ရှောက်လိုသည့် ဆန္ဒရှိကြသည်ဟု ကိုသိန်းကိုကိုအောင် က ပြောသည်။
ရွာသစ်ကြီးလို နေရာမျိုးတွင် ခေတ်မီနည်းပညာများကို လေ့လာသင်ယူရသည်မှာ အခက်အခဲရှိပုံကို အင်ဂျင်နီယာ
ကျောင်းသား ရှမ်းလူမျိုး ကိုအောင်မင်းသန့် က “မြို့နဲ့ အလှမ်းမဝေးတဲ့ နေရာ၊ နည်းပညာတွေ အလွယ်တကူ သင်ယူနိုင်တဲ့ နဂိုနေရာမှာ ဆက်သင်ယူလိုတယ်။ IT ခေတ်ဆိုတော့ ဖွံ့ဖြိုးတိုးတက်တဲ့ နည်းပညာကို တတ်နိုင်သလာက် လေ့လာချင်တယ်။ မြို့ပြရဲ့ ဖွံ့ဖြိုးတိုးတက်မှုတွေ ကျနော်တို့ လေ့လာချင်တယ်။ ဖွံ့ဖြိုး တိုးတက်နေတဲ့အချိန်မှာ ကျနော်တို့က မြို့ပြနဲ့ အလှမ်းဝေးနေရာမှာ လေ့လာနေရာတယ်ဆိုတော့ အရမ်း ခက်ခဲတယ်” ဟု မဇ္စျိမကို ပြောသည်။
ဝေးလံခေါင်ဖျားသည့် တိုင်းရင်းသားဒေသများမှ တက္ကသိုလ်စာမေးပွဲအောင်မြင်သူများ အစိုးရဝန်ကြီး ဌာနတိုင်းတွင်
ပြန်လည် တာဝန်ထမ်းဆောင်ရေး ရည်ရွယ်၍ အဆိုပါ ကောလိပ်အား တက်ရောက်လာခြင်းဖြစ်၍ မြို့ပြ ဖွံ့ဖြိုး တိုးတက်မှုအား လေ့လာခွင့် ရလိုသည်ဟု သူက ဆိုသည်။
အကြောင်းပြချက် မသိရဘဲ ရုတ်တရက် ရွာသစ်ကြီးသို့ ပြောင်းရွှေ့ရသဖြင့် ဆရာ/ဆရာမ များလည်း များစွာ အခက်အခဲနှင့် ရင်ဆိုင်ရသည်ဟု ဆရာမ တဦးက ပြောသည်။
“သူတို့ ဖွံ့ဖြိုးနေတဲ့ အခြေအနေမှာ သူတို့ကို သူစိမ်းချိုး ချိုးလိုက်သလိုပါဘဲ။ ကျမတို့ အရမ်းခံစားရတယ်။ ကျမတို့ ဘက်ကလည်း အဆင်မပြေမှုတွေ များသလို၊ ကလေးတွေ အတွက်လည်း အရမ်းသနားမိတယ်။ သူတို့တွေက အရမ်း တက်လာတယ်လေ။ ကလေးတွေ ပညာဆက်သင်တယ်။ ဒါပေမယ့် သွားရေးလာရေးရော၊ နေရေးထိုင်ရေးရော ခက်ခဲလာတာကို တွေ့နေရလို့ စိတ်ညစ်ရတယ်” ဟု မဇ္စျိမကို ပြောသည်။
ဆန္ဒပြသူများအား အစိုးရ စစ်ကား သုံးစီး အင်အားအပြည့်နှင့် လာရောက်စောင့်ကြည့်နေသလို ထိုကောလိပ်
ကျောင်းသားများ လုံခြုံရေးအတွက် ယင်းတို့၏ ဆရာ၊ ဆရာမများလည်း စောင့်ကြည့်နေသည်ဟု ဆရာမ ပြောသည်။
အစားအသောက်အတွက် တရက်လျှင် လူတဦး ၁၅ဝ ကျပ် ထောက်ပံ့ပေးသော်လည်း လုံလောက်မှု မရှိသဖြင့်
ကျောင်းသားများ ကိုယ့်နည်းကိုယ့်ဟန်ဖြင့် ဖြေရှင်းနေရကာ ယခုနှစ် ဘတ်ဂျက်တွင် ကျောင်းသားတဦးလျှင် ကျပ် ၅ဝဝ စီပေးမည်ဟု သိရသော်လည်း ယနေ့ထိ ထောက်ပံ့ခြင်း မရှိသေးကြောင်း သူက မဇ္စျိမကို ပြောသည်။
ရွာသစ်ကြီးကျောင်းတွင် လျှပ်စစ်မီး မလုံလောက်ခြင်း၊ ဖုန်းဆက်သွယ်မှု ခက်ခဲခြင်း၊ အင်တာနက် မရရှိခြင်း၊ သင်ထောက်ကူ ပစ္စည်းများ ထားသိုရန် နေရာ မလုံလောက်ခြင်း၊ နေအလင်းရောင် ရရှိမှု နည်းခြင်း၊ မြို့ပြ ယဉ်ကျေးမှုဆိုင်ရာများ လေ့လာခွင့်များ မရှိခြင်းတို့ကြောင့် ယခုကဲ့သို့ ကျောင်းသားများ ဆန္ဒပြရသည်ဟု မန္တလေးမြို့မှ အမျိုးသားဒီမိုကရေစီအဖွဲ့ချုပ် အဖွဲ့ဝင် ကိုမျိုးနိုင်က ပြောသည်။
“သူတုိ့က နယ်စပ်ဒေသကနေ လာပြီးကျောင်းလာတက်တော့ မြို့ပြယဉ်ကျေးမှုကို သိချင်တာ။ အရင်ကျောင်းက သူတို့ ကိုယ်တိုင် စိုက်ပျိုး၊ ပြုစုခဲ့တဲ့ ဥယျာဉ် တော်တော်စုံတယ်။ အဲဒီကျောင်းမှာ ကောင်းတာက ကျောင်းအုပ်ကြီး ကနေ ဆရာမတွေအဆုံး စုပေါင်းရှင်ပြုတာတို့၊ အားလုံး ညီညီညွတ်ညွတ်နဲ့ ဆောင်ရွက်ခဲ့ကြတာ။ အဲဒီ အနေအထား ကနေ ပျက်သွားတာ။ ကလေးတွေက အဲဒါကို Feeling ဖြစ် (ခံစား)သွားတာ”ဟု သူက မဇ္စျိမကို ပြောသည်။
ထို ပြည်ကြီးတံခွန်ကျောင်းအား မန္တလာ ကောလိပ်ကျောင်း ဟူ၍ ဖွင့်လစ်မည်ဟု ကြားသိရသည်ဟု ကျောင်းသား များက ဆိုသည်။
ထိုကောလိပ်ကျောင်းတွင် ဝေးလံခေါင်ပါးသည့် နယ်စပ်ဒေသများမှ ကချင်၊ ရှမ်း၊ ချင်း၊ ကရင် စသည့် တိုင်းရင်းသား လူမျိုး ၃၃ မျိုးမှ ကျောင်းသား ၅ဝဝ ကျော် ပညာ သင်ကြားနေပြီး ဆရာ၊ ဆရာမများနှင့် ဝန်ထမ်း ၁ဝဝ ခန့် ရှိသည်ဟု သိရှိရသည်။
မြ၀တီမြို့နယ်၊ ထီးဝါ့ဘလောရွာ တွင် BGF တပ်သားသစ် ၈ဦး ဗိုလ်ချစ်သူ စည်းရုံးရရှိခဲ့
နိုဝင်ဘာလ ၂၃ရက်၊ ၂၀၁၂ခုနှစ်။ ဖိုးခွါးလေး (ကေအိုင်စီ)
နယ်ခြားစောင့်တပ်-BGF
တပ်သားသစ်စုဆောင်းရရှိရေး အတွက် ကရင်ပြည်နယ်၊ မြ၀တီမြို့နယ် အတွင်းရှိ
ထီးဝါ့ဘလောကျေး ရွာတွင် BGF အမှတ်(၃) တိုက်နယ်မှူး
ဗိုလ်မှူးကြီးစောချစ်သူကိုယ် တိုင် သွားရောက်စည်းရုံးခဲ့ရာ တပ်သားသစ် ၈ဦး
ရရှိခဲ့သည် ဟု သိရသည်။ထီးဝါ့ဘလောကျေးရွာ၌ ယခင်က DKBA တပ်ဖွဲ့တွင် အမှုထမ်းဆောင်ခဲ့ဖူးသူ စစ်မှုဟောင်းများကို BGF တပ်သားများအဖြစ် ပြန် လည် အမှုထမ်းရန် ဗိုလ်မှူး ကြီးစောချစ်သူက သွားရောက်စည်းရုံးခဲ့ခြင်းဖြစ်ကြောင်း ဒေသခံတစ်ဦးက ကေအိုင်စီသို့ ပြောသည်။
“သူ(ဗိုလ်ချစ်သူ)က ထီးဝါ့သလောရွာမှာ ရွာသူကြီးဆီကနေ ၁၅ယောက် တောင်းထားတယ်။ သူကြီးက ရှာပေးလို့ မရတော့ အရင်က DKBA မှာ စစ်မှုထမ်းဖူးတဲ့သူတွေကို စည်းရုံးတယ်။ အတင်းအဓမ္မတော့ မဟုတ်ဘူး။ နောက် ဆုံး ၈ယောက် ရသွားတာ ပေါ့”ဟု သူက ပြောသည်။
ဗိုလ်မှူးကြီးစောချစ်သူ စည်းရုံးရရှိခဲ့သော အဆိုပါ ရွာသား ၈ဦးသည် အများအားဖြင့် အိမ်ထောင်သည် များဖြစ်ကြပြီး ၂၀၀၈-၂၀၀၉ကတည်းက DKBA တပ်သားသစ် စုဆောင်းခံခဲ့ရဖူးသည့် စစ်တပ်အတွင်း ၃နှစ် တာဝန် ထမ်းဆောင်သူများဖြစ်သည်ဟု သူက ဆက်ပြောသည်။
သို့သော် ထီးဝါ့ဘလောကျေးရွာတွင် BGF တပ်သားသစ် စည်းရုံးကောက်ခံခြင်းနှင့်ပတ်သက်၍ မြ၀တီမြို့နယ်တွင် လှုပ်ရှားနေ သည့် BGF (၁၀၁၈)တပ်ရင်းမှူး ဗိုလ်မှူးစောမောင်ဝင်းအား ကေအိုင်စီမှ ဆက်သွယ်မေးမြန်းရာ မဟုတ်မှန်ကြောင်း ပြန်လည် ဖြေကြားခဲ့သည်။
ထို့အပြင် ထီးသ၀ါ့ဘလောကျေးရွာ အနီးဝန်းကျင်ရှိ သံပုရာရွာနှင့် ထီးလော်သေ့ရွာ၌လည်း အောက်တိုဘာလက အလားတူ BGF တပ်သားသစ်ရရှိရေးအတွက် ဗိုလ်မှူးကြီးစောချစ်သူမှ သွားရောက်စည်းရုံးခဲ့သော်လည်း တစ်ဦးတစ်ယောက်မျှ မရရှိခဲ့ ကြောင်း သိရသည်။
BGF အမှတ်(၃) တပ်နယ်မှူး ဗိုလ်မှူးကြီးစောချစ်သူသည် ကရင်ပြည်နယ်၊ နဘူးမြို့နယ်အခြေစိုက် အမှတ် (၁၀၁၇)၊ (၁၀၁၈)၊ (၁၀၁၉)နှင့် (၁၀၂၀) BGF တပ်ရင်းများကို အုပ်ချုပ်ရသူဖြစ်ပြီး ပြီးခဲ့သည့် အောက်တို ဘာလက သနေချားမြို့နယ်ရှိ ရွာအချို့ တွင် တပ်သားသစ် စုဆောင်းခဲ့သေးသည်။
ငြိမ်းချမ်းရေးကိစ္စ သတိရှိရန် KNU ကို ပြည်တွင်း ကရင်လူမှုအဖွဲ့ အစည်းများ ပြောဆို
နိုဝင်ဘာလ ၂၃ရက်၊ ၂၀၁၂ခုနှစ်။ ဖိုးခွါးလေး (ကေအိုင်စီ)
ငြိမ်းချမ်းရေးလုပ်ငန်းစဉ်များ
လုပ်ဆောင်ရာတွင် ကရင်အမျိုးသားအစည်းအရုံး-KNU အနေဖြင့် သတိရှိရန်နှင့်
ပြည်သူလူထုအ ကျိုးကို ရှေးရှု ရန် ပြည်တွင်း ရှိ ကရင်လူမှုအဖွဲ့အစည်း များက
ရန်ကုန်တိုင်း၊ အလုံမြို့ နယ်ရှိ Myanmar Baptist Convention – MBC
အဆောက်အဦး၌ နိုဝင်ဘာလ ၂၀ရက်နေ့၊ မြန်မာစံတော် ချိန် ၉နာရီမှ မွန်းလွဲ
၂နာရီအထိ ပြုလုပ်ခဲ့သည့် တွေ့ဆုံပွဲ တွင် KNU သို့ သတိပေး ပြောကြားခဲ့သည်။မြန်မာအစိုးရနှင့် KNU တို့ အပစ်အခတ်ရပ်စဲရေး ဆွေးနွေး သဘောတူခဲ့သည့်နောက်ပိုင်း ကရင်ပြည်နယ်အတွင်း လယ်ယာမြေ သိမ်းဆည်းခံရမှုမှာ ပိုင်ကျုံမြို့နယ်တွင် ၂၉,၁၄၈ဧက၊ လှိုင်းဘွဲမြို့နယ် ၂၀,၁၀၀ဧက၊ သျှမ်းရွာ သစ်မြို့နယ်တွင် ၂၁,၁၀၀ဧကရှိ လာသည်မှာ စိုးရိမ်ဖွယ်ရာဖြစ်ကြောင်း ၎င်းတွေ့ဆုံပွဲ တက်ရောက်ခဲ့သူ ကရင့်ရေးရာကော်မတီမှ စောကျော်စွာက ပြောသည်။
“ငြိမ်းချမ်းရေးလုပ်တဲ့အခါမှာ ပြည်သူလူထုအတွက် အကျိုးပြုမပြု ထည့်သွင်းစဉ်းစားဖို့။ နောက် ကရင်ပြည်နယ်မှာ ဒုက္ခသည် တွေ ပြန်လည်နေချထားရေးဆိုပြီး လယ်မြေတွေ အသိမ်းခံရတာ ရှိတယ်။ ဒါကို KNU က ကာကွယ်ပေး ဖို့။”ဟု တင်ပြပြောဆိုခဲ့ သည်။
အဆိုပါတွေ့ဆုံပွဲ၌ ပြည်တွင်းလူမှုအဖွဲ့အစည်း ကိုယ်စားလှယ်များ၏ မေးမြန်းချက်များကို KNU တွဲဖက်အတွင်းရေးမှူး(၂) ပဒိုစော ဒေါ့လေးမူ၊ ဗဟိုကော်မတီဝင် ဘိတ်-ထားဝယ်ခရိုင် ဥက္ကဌ ပဒိုစောကွယ်ထူးဝင်းနှင့် ဗဟိုကော်မတီဝင်လည်းဖြစ်၊ ကရင်အမျိုးသ မီးအစည်းအရုံး၏ တွဲဖက် အတွင်းရေးမှူး(၁) နော်ဘလူးမင်းနိုက်ဇန်တို့က KNU အဖွဲ့အတွင်းရှိ လက်ရှိ အခြေအနေများ အပါအ ၀င် အစိုးရနှင့် ဆက်လက် လုပ်ဆောင်သွားမည်များကို တုံ့ပြန်ရှင်းလင်း ပြောဆိုခဲ့ခြင်းဖြစ်သည်။
တွေ့ဆုံပွဲသို့ KNU ကိုယ်စားလှယ်များ အပါအ၀င် ရန်ကုန်တိုင်း ကရင်ရေးရာဝန်ကြီး စောထွန်းအောင်မြင့်နှင့် ကရင်ပြည်နယ်၊ ရန်ကုန်တိုင်းနှင့် ဧရာဝတီတိုင်းတို့မှ စာပေ၊ ယဉ်ကျေးမှုကော်မတီဝင်များ၊ ဒေသအသီးသီးမှ ကရင်နှစ်သစ်ကူး ကျင်းပရေးကော် မတီအဖွဲ့ဝင်များ၊ ကရင်နိုင်ငံရေးပါတီများမှ ကိုယ်စားလှယ်များနှင့် ပြည်တွင်း၊ နယ်စပ်မှ ဘာသာရေးခေါင်းဆောင်များ အပါအ ၀င် လူဦးရေ ၅၀နီးပါး တက်ရောက်ခဲ့ကြသည်။
တွေ့ဆုံပွဲတက်ရောက်ခဲ့သည့်
ဖလုံ-စဝေါ်ဒီမိုကရက်တစ်ပါတီ-PSDP ၏ ဒုဥက္ကဌ မန်းအောင်ပြည်စိုးကလည်း
ငြိမ်းချမ်းရေး တည် ဆောက်မှုအပိုင်းတွင် KNU အနေဖြင့် ဖက်ဒရယ်ပြည်ထောင်စု
တည်ဆောက်ရေးနှင့် ကရင်အမျိုးသားအချင်းချင်းကြား စည်းလုံး ညီညွှတ်မှု
တည်ဆောက်ရေး အခန်းကဏ္ဍကို ထည့်သွင်းစဉ်းစား ရန်လိုကြောင်း
တိုက်တွန်းပြောကြားခဲ့သည်။အဆိုပါ လူမှုအဖွဲ့အစည်းခေါင်းဆောင်များက KNU နှင့် အစိုးရအကြား ပစ်ခတ်ရပ်စဲရေး သဘောတူညီမှုနောက်ပိုင်း ဖြစ်ပေါ် လာသည့် လယ်မြေသိမ်းဆည်းမှုများအပြင် KNU ဆက်ဆံရေးရုံး၏ လုပ်ငန်းတာဝန်များ၊ KNU ကို အစိုးရမှ မတရားအသင်းမှ ပယ်ဖျက်စေလိုခြင်းများနှင့် အဖွဲ့အတွင်း စည်းလုံးညီညွှတ်မှု အခြေအနေများ၊ ငြိမ်းချမ်းရေးကဏ္ဍတွင် အမျိုးသမီးပါဝင်မှုနှင့် လူငယ်များ၏ ပညာရေး အရေးပါမှုများကို KNU ကိုယ်စားလှယ်များနှင့် အပြန်အလှန် ဆွေးနွေးခဲ့ကြသည်။
KNU တွဲဖက်အတွင်းရေးမှူး(၂) ပဒိုစောဒေါ့လေးမှုက “ကျနော်တို့ပြည်နယ်မှာ ကိုယ်ပိုင်အုပ်ချုပ်ဖို့ ကရင်လူထုတစ်ရပ်လုံးရဲ့ဆန္ဒ ကို အခြေခံပြီးတော့ ပြည်နယ်ဝန်ကြီးချုပ် ခန့်အပ်ဖို့ လိုတယ်။ နောက် လူ့အခွင့်အရေးချိုးဖောက်မှုတွေ အမြဲရှိနေသေးတယ်။ အထူးသဖြင့် မြေယာသိမ်းခံရမှုကိစ္စပါ။ ဒါတွေအားလုံး အစိုးရနဲ့ ထပ်တွေ့ဆုံေ ဆွးနွေးတဲ့အခါ တင်ပြသွားမယ်”ဟု ကေအိုင်စီသို့ ပြောသည်။
ထို့အပြင် ငြိမ်းချမ်းရေးကာလအတွင်း ရှေ့ဆက် လုပ်ဆောင်ရမည့်လုပ်ငန်းများ၌ နိုင်ငံရေးအရဖြစ်စေ၊ ငြိမ်းချမ်းရေးအရဖြစ်စေ၊ လူမှုရေးအရဖြစ်စေ၊ ပြည်တွင်းပြည်ပရှိ ကရင်တိုင်းရင်းသား အဖွဲ့အစည်း အသီးသီး ပါဝင်ကူညီလုပ်ဆောင်ရန် လိုအပ်သည်ဟု ပဒိုစောဒေါ့လေးမူက လူမှုအဖွဲ့အစည်းများကို တိုက်တွန်းလိုက်သည်။
KNU ကိုယ်စားလှယ်များသည် နိုဝင်ဘာလ ၁၉ရက်နေ့တွင် ရန်ကုန်တိုင်း၊ အင်းစိန်မြို့နယ်တွင် Karen Baptist Convention ခေါ် ကရင်နှစ်ခြင်းခရစ် ယာန်အဖွဲ့ချုပ်၏ ဒေသဆိုင်ရာ သာသနာအတွင်းရေးမှူးများ အစည်းအဝေးသို့ တက်ရောက်ခဲ့ကြပြီး ထို နေ့ညနေ ၆နာရီတွင် သမတရုံးဝန်ကြီး ဦးအောင်မင်း၊ လူဝင်မှုကြီးကြပ်ရေးဝန်ကြီး ဦးခင်ရီ၊ ငြိမ်းချမ်းရေးအကျိုးဆောင် ဦးလှ မောင်ရွှေတို့နှင့် Peace Center ၌ တစ်နာရီခန့် အလွတ်သဘော တွေ့ဆုံခဲ့ကြသည်။
Thursday 22 November 2012
သစ်တင်ပို့မှု တားဆီးဖို့ ခိုင်မာတဲ့ ဥပဒေနဲ့ စီမံခန့်ခွဲမှု လိုအပ်
ဝီလျံဘွတ်| November 22, 2012 | Hits: 925
၂၀၁၄ ခုနှစ်မှာ သစ်တင်ပို့မှု လုံးဝတားမြစ် သွားမယ်ဆိုတဲ့ မြန်မာအစိုးရ ဆိုပါတယ် (ဓာတ်ပုံ – Shanland.org)
ကျန်နေသေးတဲ့ သစ်တောတွေကို ကာကွယ်စောင့်ရှောက်ဖို့နဲ့ ရေရှည်တည်တံ့မယ့် သစ်မာတင်ပို့မှုဈေးကွက် ဖွံ့ဖြိုးလာစေဖို့အတွက် သစ်တင်ပို့တာတွေကို တားမြစ်မှုတရပ် ပြဌာန်းထားတယ်လို့ မြန်မာအစိုးရက အခိုင်အမာ ပြောဆိုပါတယ်။ ဥရောပ သစ်တော အင်စတီကျူ (Euopean Forest Institute – EFI) ရဲ့အဆိုအရ မြန်မာနိုင်ငံဟာ ၂၀၀၆ ခုနှစ်မှာ နိုင်ငံခြားဝင်ငွေရဲ့ ၁၀ ရာခိုင်နှုန်းကို သစ်တင်ပို့ကနေ ရခဲ့တာပါ။
မြန်မာနိုင်ငံဟာ လောလောဆယ် ကမ္ဘာပေါ်မှာ ကျွန်းသစ်အများဆုံး တင်ပို့တဲ့ နိုင်ငံတခုဖြစ်ပါတယ်၊ ဒါပေမယ့် လိုတာထက်ပိုနေတဲ့ တရားဝင် သစ်ခုတ်မှု၊ တရားမဝင် သစ်ထုတ်လုပ်မှုနဲ့ ထင်းလောင်စာအတွက် သစ်ခုတ်တာ၊ စိုက်ပျိုးရေးအတွက် ခုတ်ထွင်ရှင်းလင်း မီးရှို့တာတွေရဲ့ ပေါင်းစပ် အကျိုးသက်ရောက်မှုတွေက ကြီးမားလှတယ်လို့ ပြည်သူ့လွှတ်တော် သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ (Natural Resources and Environment Conservation Committee – NRECC) က ပြောပါတယ်။
ပြဿနာက ဘာလဲဆိုတော့ ၂၀ ရာစု အစောပိုင်းထက်ဝက်က မြန်မာပြည်မှာ မြင့်မြင့်မားမားထားရှိခဲ့တဲ့ သစ်တောစီမံမှုဆိုင်ရာ စံချိန်စံညွှန်းတွေဟာ နှစ် ၅၀ စစ်အုပ်ချုပ်ရေးကာလအတွင်းမှာ တဖြည်းဖြည်း ပျက်စီးယိုယွင်းသွားတာပါပဲ။
သစ်တောကဏ္ဍနဲ့ ပတ်သက်တဲ့ အချက်အလက်တွေ မပြည့်စုံတဲ့အပြင် စီမံခန့်ခွဲမှုကလည်း ညံ့ဖျင်းတာမို့ လက်ရှိ မြန်မာ့သစ်လုပ်ငန်းအပေါ် သေသေချာချာ အကဲဖြတ်ဖို့ ခက်တယ်လို့ သစ်တောဆိုင်ရာ လေ့လာသုံးသပ်သူတွေနဲ့ အစိုးရ မဟုတ်တဲ့ အဖွဲ့အစည်း NGO တွေက ဆိုပါတယ်။
မြန်မာအစိုးရရဲ့ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ၀န်ကြီးဌာနအောက်မှာရှိတဲ့ ဗဟိုစာရင်းဇယားအဖွဲ့ (Central Statistical Organization) အဆိုအရ မြန်မာနိုင်ငံအနေနဲ့ ၂၀၁၀-၂၀၁၁ ဘဏ္ဍာရေးနှစ်မှာ သစ်တန်ချိန် ၈၆၄၀၀၀ မက်ထရစ်တန် နိုင်ငံခြားတင်ပို့ပြီး အမေရိကန် ဒေါ်လာ သန်း ၆၀၀ ကျော် တရားဝင်ရရှိခဲ့တယ်လို့ သိရပါတယ်။ သစ်အများဆုံးဝယ်ယူတာက အိန္ဒိယနိုင်ငံဖြစ်ပြီး ဂျပန်နဲ့ ထိုင်းနိုင်ငံတွေကလည်း မြန်မာ့သစ်တော တင်ပို့ရာ အဓိက ဈေးကွက်တွေပါ။
ရန်ကုန်ဆိပ်ကမ်းတွေကနေ သင်္ဘောနဲ့တင်ပြီးပို့တဲ့ သစ်တွေအကုန်လုံးကို အစိုးရပိုင် မြန်မာ့သစ်လုပ်ငန်း (Myanmar Timber Enterprise – MTE) က ခွင့်ပြုချက်တံဆိပ်ရိုက်ပြီး တရားဝင်ဖြစ်အောင် လုပ်တယ်၊ ဒါပေမယ့် အဲ့ဒီပို့တာတွေထဲက ဖြတ်တောက်လျှော့ချပြီး တရားမဝင် ပို့တာတွေလည်းရှိနိုင်တယ်လို့ မကြာသေးခင်က ထုတ်ပြန်တဲ့ EFI ရဲ့ လေ့လာချက်ထဲမှာ ရေးသားထားပါတယ်။
“မြန်မာ့သစ်တောထွက်ပစ္စည်း ကုန်သွယ်မှုဆိုင်ရာ ကိန်းဂဏန်းများမှာ ယုံကြည်အားထား၍ မရပေ။ မကြာခဏဆိုသလို ရှေ့နောက်မညီ ဖြစ်လေ့ရှိသည့် ယင်းကိန်းဂဏန်းများတွင် နယ်စပ်ဖြတ်ကျော် ကုန်သွယ်မှု အပါအဝင် တရားမဝင်တင်ပို့မှုများ ပါဝင်ခြင်းမရှိသည့်အပြင် ပြီးခဲ့သည့်ကာလများ၌ အဆိုပါ နယ်စပ်ဖြတ်ကျော် ကုန်သွယ်မှုမှာ အထူးသဖြင့် ယူနန် နယ်စပ်တလျှောက်တွင် အများအပြား ရှိခဲ့သည်” လို့ EFI အစီရင်ခံစာက ဆိုပါတယ်။
ကမ္ဘာလုံးဆိုင်ရာ သက်သေ (Global Wintess) NGO အဖွဲ့ကတော့ ၂၀၀၂ ခုနှစ်မှာ မြန်မာနိုင်ငံက တရုတ်နိုင်ငံကို တရားမဝင် သစ်တင်ပို့မှု အများဆုံးဖြစ်ခဲ့ပြီး အဲ့ဒီနှစ်မှာ အနည်းဆုံး သစ် ကုဗမီတာ ၁ သန်း ပို့ခဲ့တယ်လို့ တွက်ချက် ထားပါတယ်။
MTE ဟာ အရင်စစ်အစိုးရနဲ့ ချိတ်ဆက်တွေရှိတာမို့ မြန်မာ့ရေနံနှင့် သဘာဝဓာတ်ငွေ့လုပ်ငန်း (Myanmar Oil & Gas Enterprise – MOGE) လိုပဲ အမည်းစက်ထင်နေတာပါ။ မက်စ်မြန်မာ၊ ထူးနဲ့ အေးရှားဝေါလ် အပါအဝင် လူသိများတဲ့ ခရိုနီကုမ္ပဏီတွေဟာ MTE ရဲ့ သစ်ထုတ်စာချုပ်တွေ ပိုင်ထားကြတယ်လို့ EFI အစီရင်ခံစာမှာ ဖော်ပြထားပါတယ်။
“မထိန်းနိုင်သိမ်းမနိုင် ဖြစ်နေတဲ့ သစ်တောလုပ်ငန်း၊ သတ္တုတူးဖော်ခြင်းလုပ်ငန်း၊ စိုက်ပျိုးရေးနဲ့ ငါးဖမ်းလုပ်ငန်းတွေက သဘာဝပတ်ဝန်းကျင် အရည်အသွေးကို နိမ့်ကျစေပြီး ဂေဟစနစ်တွေကိုလည်း တိုက်ရိုက် ပျက်စီးဆုံးရှုံးစေတယ်” လို့ ရန်ကုန်အခြေစိုက် ဇီဝမျိုးစုံ မျိုးကွဲနှင့် သဘာဝ ထိန်းသိမ်းရေးအသင်း (Biodiversity and Nature Conservation Association – BANCA) က သတိပေးပါတယ်။
“အသက်မွေးဝမ်းကျောင်း လုပ်ငန်းတွေအတွက် သဘာဝ အရင်းအမြစ်တွေအပေါ် အများဆုံး မှီခိုနေရတဲ့ ပြည်သူတွေဟာ ရေကြီးတာ၊ မိုးခေါင်တာနဲ့ မြေပြိုတာစတဲ့ သစ်တောပြုန်းတီးမှုရဲ့ အကျိုးဆက်တွေကြောင့် ဒုက္ခရောက်ကြရတဲ့အပြင် သူတို့တွေဟာ သဘာဝ ဘေးအန္တရာယ်တွေကိုလည်း တခြားလူတွေထက်ပိုပြီး ခံရနိုင်ပါတယ်” လို့ BANCA က ဆိုပါတယ်။
တကယ်တော့ မြန်မာပြည်မှာ လက်ရှိ သစ်တော ဘယ်လောက်ရှိနေသေးတယ် ဆိုတာကိုတောင် ဘယ်သူမှ သေသေချာချာ မသိပါဘူး။ နိုင်ငံအကျယ်အဝန်းရဲ့ ၅၀ ရာခိုင်နှုန်းကျော်ကို သစ်တောတွေက ဖုံးလွှမ်းထားတယ်လို့ ၂၀၀၅ ခုနှစ်တုန်းက ခန့်မှန်းခဲ့ဖူးပါတယ်။ တခါ ပြီးခဲ့တဲ့နှစ်မှာ လုပ်ခဲ့တဲ့ နိုင်ငံခြားလေ့လာမှု ၂ ခု (တခုကို ထင်ရှားတဲ့ Science မဂ္ဂဇင်းက လုပ်တာဖြစ်ပြီး အခြားတခုကိုတော့ ကုလသမဂ္ဂက လုပ်တာပါ) ကလည်း အကျယ်အဝန်းရဲ့ အနည်းဆုံး ၄၆ နဲ့ ၄၈ ရာခိုင်နှုန်းကြား သစ်တောတွေ ဖုံးလွှမ်းနေတယ်လို့ ဆိုပြန်ပါတယ်။ ဒါပေမယ့် NRECC အတွင်းရေးမှူး ဦးသိန်းလွင်ကတော့ ၂၄ ရာခိုင်နှုန်းပဲရှိတယ်လို့ သြဂုတ်လမှာ ပြောခဲ့ပါတယ်။
ဘယ်လိုပဲဖြစ်ဖြစ် မြန်မာပြည်မှာ အနည်းဆုံး သန်း ၃၀ လောက်ရှိတဲ့ ကျေးလက်နေလူဦးရေရဲ့ ၇၀ ရာခိုင်နှုန်းဝန်းကျင်ဟာ “၄င်းတို့၏ အခြေခံ လိုအပ်ချက်များအတွက် သစ်တောများအပေါ် ကြီးကြီးမားမား မှီခိုနေကြရသည်” လို့ ကမ္ဘာ့ စားနပ်ရိက္ခာအဖွဲ့ရဲ့ ၂၀၀၉ ခုနှစ် အစီရင်ခံစာအရ သိရပါတယ်။ လူ ၅ သိန်းက သူတို့အလုပ်အတွက် သစ်တောတွေ အပေါ် မှီခိုနေကြရတာတဲ့။
“ဒေသခံပြည်သူတွေဟာ သဘာဝ သယံဇာတတွေအပေါ်မှာ မြင့်မြင့်မားမား မှီခိုနေရပေမယ့် နိုင်ငံထဲမှာရှိတဲ့ တားမြစ် ဧရိယာတွေနဲ့ ပတ်သက်ပြီး ဆုံးဖြတ်ချက်တွေ ချတဲ့အပိုင်းမှာ ပါဝင်ခွင့်မရဘဲ ချန်ထားခံနေကြတယ်။ ဒါပေမယ့် ဒီအခြေအနေက ဖြည်းဖြည်းချင်းတော့ ပြောင်းနေပါပြီ” လို့ နိုင်ငံတကာ တောရိုင်းတိရစ္ဆာန်နဲ့ သစ်တော ထိန်းသိမ်း စောင့်ရှောက်ရေးဆိုင်ရာ NGO အဖွဲ့တခုဖြစ်တဲ့ Fauna and Flora International (FFI) က ဆိုပါတယ်။
“သဘာဝ ပတ်ဝန်းကျင်ဆိုင်ရာ စီမံအုပ်ချုပ်မှု (Envioronmental Governance) နဲ့ လူသားတွေရဲ့ ဖူလုံရေးကိစ္စရပ်တွေကို ကိုယ်တွယ်ဆောင်ရွက်ဖို့အတွက် ပထမဆုံးအကြိမ်အဖြစ် အောက်ခြေအဖွဲ့အစည်းတွေ ထူထောင်နေကြပါပြီ” လို့လည်း FFI က ပြောပါတယ်။
FFI ဟာ မြန်မာနိုင်ငံမှာ သဘာဝ ပတ်ဝန်းကျင် စီမံခန့်ခွဲမှုနဲ့ ထိန်းသိမ်းရေးဆိုင်ရာ ကိစ္စတွေမှာ တိုးတက်မှုရှိလာစေဖို့ မြန်မာအာဏာပိုင်တွေနဲ့ အတူတွဲပြီး ကြိုးစားဆောင်ရွက်နေတဲ့ နိုင်ငံတကာ NGO ပါ။ FFI ရဲ့ လုပ်ငန်းညှိနှိုင်းရေးမှူး တယောက်လည်း မြန်မာနိုင်ငံထဲမှာ တာဝန်ပေးထားပါတယ်။ မကြာသေးခင်ကတောင် အဲဒီ FFI ကိုယ်စားလှယ်က အစိုးရရဲ့ သစ်တောအရာရှိတွေနဲ့ ဆွေးနွေးမှုတွေ လုပ်ခဲ့ပါသေးတယ်။
“သစ်တောဌာနအနေနဲ့ လေးလေးနက်နက် အပြောင်းအလဲတွေလုပ်ဖို့ စိတ်ပိုင်းဖြတ်ထားတယ် ဆိုတာကို ကျနော် ကိုယ်တွေ့ကြုံခဲ့တာပါ။ အဲဒီ အပြောင်းအလဲတွေထဲက သစ်တောဥပဒေ ပီပီပြင်ပြင် အားကောင်းလာစေရေး၊ သစ်တော စီမံအုပ်ချုပ်မှုနဲ့ ကုန်သွယ်မှုတွေအပြင် ရေတည်တည်တံ့မယ့် သစ်တောစီမံခန့်ခွဲမှုဆိုင်ရာနဲ့ သစ်တောကဏ္ဍမှာ ဒေသခံပြည်သူတွေ အနေနဲ့ အခုထက် ပိုကျယ်ကျယ်ပြန့်ပြန့် ပါဝင်ဆောင်ရွက်လာနိုင်ရေး စတာတွေကို လွှမ်းခြုံသွားမှာ ဖြစ်ပါတယ်” လို့ FFI လုပ်ငန်းညှိနှိုင်း ဆောင်ရွက်ရေးမှူး ဖရန့်ခ် မွမ်ဘာ့ဂ် (Frank Momberg) က ပြောပါတယ်။
“သစ်တင်ပို့မှု တားမြစ်ချက်ကြောင့် အထူးသဖြင့် နယ်စပ်ဒေသတွေမှာ တရားမဝင် သစ်ထုတ်နေတာတွေ ရပ်တန့်သွားစေဖို့ ဆောင်ရွက်တဲ့အပေါ် သိပ်ကောင်းတဲ့ အကျိုးသက်ရောက်မှု ရှိပါလိမ့်မယ်။ ဘာဖြစ်လို့လဲဆိုတော့ နယ်စပ်ဖြတ်ကျော် သစ်ထုတ်လုပ်မှု အားလုံးဟာ တရားမဝင်ဖြစ်တယ်ဆိုတဲ့ ဥပဒေအခြေခံကို ဒီတားမြစ်ချက်ထဲမှာ ရှင်းရှင်းလင်းလင်း ထည့်သွင်းထားလို့ပါပဲ။ အခုလို တားမြစ်မှုကြောင့် ကချင်ပြည်နယ်မှာ တရုတ်ကုမ္ပဏီတွေက တရားမဝင် သစ်ထုတ်နေတာတွေ လျော့သွားမယ်လို့ မျှော်လင့်ပါတယ်” လို့လည်း သူက ဆိုပါတယ်။
“သစ်တင်ပို့မှု တားမြစ်ချက်အသစ် တရားဝင် မဖြစ်သေးခင် အချိန်အထိ အရေးတကြီး ဆောင်ရွက်စရာတွေကတော့ သစ်တောဥပဒေ ပီပီပြင်ပြင်ဖြစ်လာရေး၊ သစ်တော စီမံအုပ်ချုပ်မှုနဲ့ ကုန်သွယ်မှုမူဝါဒတွေ၊ စည်းမျဉ်းစည်းကမ်းတွေ ပိုကောင်းလာအောင် ဆောင်ရွက်ရေးပါပဲ” လို့လည်း သူက ဖြည့်ပြောပါသေးတယ်။
ကမ္ဘာပေါ်က ဒါဇင်နဲ့ချီတဲ့ နိုင်ငံတွေမှာ လုပ်ငန်းလည်ပတ်နေတဲ့ အင်္ဂလန်နိုင်ငံ ကိန်းဘရစ်ခ်ျမြို့ အခြေစိုက် FFI က မြန်မာပြည်မှာ မပျက်မယွင်း ရှိနေသေးတဲ့ သစ်တောနယ်ပယ် ကြီးကြီးမားမားရှိနေပြီး အဲဒီသစ်တောတွေဟာ ဂေဟစနစ်တွေ ကြွယ်ကြွယ်ဝဝ တည်ရှိနေရာ ဖြစ်တယ်လို့ဆိုပါတယ်။ တိုင်းပြည်က ဆယ်စုနှစ်နဲ့ချီပြီး အထီးကျန် ဖြစ်ခဲ့တာမို့ တချို့သစ်တောတွေဆိုရင် အနောက်တိုင်း သုတေသီတွေက အခုမှ ရှာတွေ့တာလို့လည်း FFI က ပြောပါတယ်။
FFI ဟာ ၂၀၁၀ ခုနှစ်က ရှားပါး မျောက်နှာလန် (Snub-Nosed Monkey) မျိုး ရှာဖွေတွေ့ရှိတဲ့ လုပ်ငန်းမှာ ဦးဆောင် ပါဝင်ခဲ့တာပါ။ ပထဝီအနေအထားအရ မဲခေါင်နဲ့ သံလွင်မြစ်တွေကြားမှာ အထီးကျန်ဖြစ်နေတဲ့ ဒီမျောက်မျိုးဟာ ကချင်ပြည်နယ်နဲ့ တရုတ်-မြန်မာ နယ်စပ်မှာလောက်ပဲ ရှိတယ်လို့ ယူဆကြပါတယ်။
တကယ်ကောင်းမွန်ပြည့်စုံပြီး အဂတိလိုက်စားမှုမရှိတဲ့ သစ်တော စီမံအုပ်ချုပ်မှုနဲ့ ထိန်းသိမ်းကြပ်မတ်မှု စနစ် မရှိဘူးဆိုရင်တော့ မြန်မာ့သစ်တောတွေဟာ အာရှ ရိုးရာ ဆေးဝါးဈေးကွက်ကို အထောက်အပံ့ဖြစ်စေမယ့် ဒေသတွင်း ရှားပါးတိရစ္ဆာန်နဲ့ သစ်ပင်တွေ ကုန်သွယ်မှုမှာ သားကောင် ဖြစ်သွားနိုင်ခြေရှိပါတယ်။
အဲဒီ့ကုန်သွယ်မှုဟာ တနှစ်ကို ဒေါ်လာ သန်းရာနဲ့ချီပြီး တန်ဖိုးရှိတယ်လို့ ကမ္ဘာ့တောရိုင်းတိရစ္ဆာန် ရန်ပုံငွေအဖွဲ့ (World Wildlife Fund – WWF) က ခန့်မှန်းထားပါတယ်။
တခြား အဖွဲ့အစည်းတွေကတော့ WWF က ခန့်မှန်းတဲ့တန်ဖိုးထက် ပိုမြင့်နိုင်တယ်လို့ ယူဆကြပါတယ်။ “စနစ်တကျ စုစည်းထားတဲ့ နိုင်ငံတကာ ရာဇဝတ်အဖွဲ့တွေက ထိန်းချုပ်ထားတဲ့ တရားမဝင် တောရိုင်းတိရစ္ဆာန် ကုန်သွယ်မှု တန်ဖိုးဟာ နှစ်စဉ် ဒေါ်လာ ၁၀ ဘီလီယံနဲ့ ၂၀ ဘီလီယံကြားမှာ ရှိတယ်လို့ ကျွမ်းကျင်သူတချို့က ခန့်မှန်းပါတယ်” လို့ ဘန်ကောက်အခြေစိုက် တောရိုင်းတိရစ္ဆာန် ကုန်သွယ်မှုဆန့်ကျင်ရေး NGO (Freeland Foundation) က ပြောပါတယ်။
“မျိုးပြုန်းမယ့် အန္တရာယ်ရှိနေတဲ့ တိရစ္ဆာန်မျိုးစိတ်တွေကို ကာကွယ်ဖို့ နိုင်ငံအလိုက်ရော နိုင်ငံတကာ ဥပဒေတွေပါ ရှိနေ
ပေမယ့် တောရိုင်းတိရစ္ဆာန် မျိုးစိတ်အားလုံးနီးပါးဟာ ရောင်းဝယ်ဖောက်ကား ခံနေရပါတယ်။ ကြောင်ကြီးတွေ၊ သင်းခွေချပ်တွေ၊ ငှက်တွေ၊ ဆင်စွယ်နဲ့ ခိုးထုတ်တဲ့သစ်တွေကို အကြီးအကျယ် တရားမဝင် ကုန်သွယ်မ ပြုနေကြပါတယ်။ ဒီတရားမဝင် ကုန်သွယ်မှုကလည်း ရိုးရာဆေးဝါးတွေ ဖော်စပ်ရာမှာ လိုအပ်တဲ့ ရှားပါးသစ်ပင်တွေ၊ အရိုးတွေ၊ အကြေးခွံတွေနဲ့ တခြားအရာတွေ လိုအပ်ချက်ကြောင့် ဖြစ်နေရတာပါ” လို့ Freeland Foundation က ဆိုပါတယ်။ ။
နိုင်ငံရေးဆွေးနွေးရန် KIO ဘက်မှ အကြောင်းမပြန်နိုင်သေး
ဖနိဒါ | ကြာသပတေးနေ့၊ နိုဝင်ဘာလ ၂၂ ရက် ၂၀၁၂ ခုနှစ် ၁၆ နာရီ ၅၃ မိနစ်
အောက်တိုဘာလ ၃ဝ ရက်နေ့က တရုတ်နိုင်ငံ ရွှေလီမြို့တွင် တွေ့ဆုံစဉ် နိုဝင်ဘာလအတွင်း နိုင်ငံရေး စတင်
ဆွေးနွေးရန် သဘောတူခဲ့သည်။ သို့သော် KIO မှာ အဖွဲ့တွင်း အစည်းအဝေး မပြီးပြတ်သေး၍ ပြန်လည်တွေ့ဆုံရန် အသင့်မဖြစ်သေးကြောင်း ကချင်ငြိမ်းချမ်းရေးအကျိုးဆောင် ဦးလမိုင်ဂွမ်ဂျာ ကို ပြောသည်။
ဦးအောင်မင်း ထံ ကြာသပတေးနေ့က ဆက်သွယ်မေးမြန်းစဉ်ကလည်း KIO ဘက်မှ တုံ့ပြန်မှုကို စောင့်ဆိုင်းနေ
ကြောင်း ဝန်ကြီးက ပြောဆိုခဲ့သည်ဟု ဦးလမိုင်ဂွမ်ဂျာ က ပြောသည်။
“(ပြီးခဲ့တဲ့) အစည်းအဝေးမှာ KIO ဘက်က ဒီလမှာ လုပ်ရအောင်ဆိုတာကို သဘောတူတယ်။ ဘယ်နေ့ လုပ်မယ် ဆိုတာ တပတ် ကြိုတင်အကြောင်းကြားဖို့ကို ပြောလာတာကို စောင့်နေပါတယ်။ ဘယ်တော့ အကြောင်းကြားလာ မယ်ဆိုတာ စောင့်နေတယ်လို့ ပြောတယ်။ KIO ဘက်ကို ကျနော်တို့ မေးကြည့်တော့ သူတို့ စည်းဝေးနေသေး တယ်လို့ ပြောပါတယ်။ စည်းဝေးပြီးမှ အကြောင်းပြန်ကြားလာမယ်လို့ ပြောတယ်” ဟု မဇ္ဈိမကို ပြောသည်။
ယခု နိုင်ငံရေး ဆွေးနွေးမည့် နေရာကို မြစ်ကြီးနား၊ ဗန်းမော် သို့မဟုတ် ရှမ်းပြည်နယ် မူဆယ်မြို့ တနေရာရာတွင်
တွေ့ဆုံရန် သဘောတူထားကြသည်။ သို့သော် တွေ့ဆုံရန် ဆုံးဖြတ် ပြီးနောက် ပြန်လည် ညှိနှိုင်းကြမည် ဖြစ်သည်။
ထိုစဉ်တွင် ဖားကန့်မြို့နယ်နှင့် ရှမ်းပြည်နယ် မြောက်ပိုင်း KIO တပ်မဟာ ၄ နယ်မြေများအတွင်း အစိုးရ စစ်တပ်နှင့် KIO တပ်များအကြား တိုက်ပွဲများ နေ့စဉ် ဖြစ်ပွားလျက် ရှိနေသည်။
ထို့ပြင် အစိုးရတပ်များ အင်အား ၁,ဝဝဝ ခန့် မြစ်ကြီးနား-ဆွမ်ပရာဘွမ် ကားလမ်းအတိုင်း တိုးမြင့်ချလာသဖြင့်
ကျေးရွာသားများ ထွက်ပြေးတိမ်းရှောင်နေမှုများ ရှိနေသည်ဟု အကျိုးဆောင်တဦးဖြစ်သူ ဦးအင်ဆင်းဆန့်အောင် က ပြောသည်။
“အရင်တပတ်က ဆွမ်ပရာဘွမ်၊ ပူတာအို သွားတဲ့လမ်းတလျှောက် တန်ယန်ဇွပ် အထက်ပိုင်းမှာရှိတဲ့ ရွာသားတွေက အကုန်ထွက်ပြေးကုန်ပြီ၊ သူတို့က စစ်ပြေးဒုက္ခသည် မဟုတ်ဘဲ ကိုယ့်ဖာသာကိုယ် တောတွေမှာ ထွက်ပြေးနေရ တယ်။ တပ်မ ၃၃ စစ်သား တထောင် တက်လာတယ်ဆိုပြီး ထွက်ပြေးနေတယ်လို့ ကြားတယ်” ဟု မဇ္စျိမကို
ပြောသည်။
KIO က အဖွဲ့ဝင်အဖြစ် ပါဝင်သည့် ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC နှင့် အစိုးရ ငြိမ်းချမ်းရေး ကိုယ်စားလှယ်များ ဂျပန်နိုင်ငံတွင် တွေ့ဆုံရန် နီပွန် ဖောင်ဒေးရှင်း၏ အကြံပြုချက်ကိုလည်း ဝန်ကြီး ဦးအောင်မင်းက လက်မခံကြောင်း UNFC တွဲဖက်အတွင်းရေးမှူး (၂) ဗိုလ်မှူးကြီး ခွန်ဥက္ကာ က ပြောသည်။
“ဂျပန်မှာ တွေ့ဖို့ နီပွန်ဖောင်ဒေးရှင်းက ကျနော်တို့ အလွတ်သဘော တွေ့ဖို့ စီစဉ်တာ။ အဲဒါကို ဦးအောင်မင်းက ပထမ သဘောတူ သလိုလို လုပ်ပြီး နောက်ပိုင်းမှာ မတူတော့ဘူး။ အပြင်မှာ တွေ့တာ မကောင်းဘူး၊ အစိုးရဘက် သိက္ခာကျ သလိုလို အဲဒီ လေသံမျိုး ရှိတယ်။ ညှိနှိုင်းနေတုန်းပါ” ဟု မဇ္စျိမကို ပြောသည်။
ဝန်ကြီး ဦးအောင်မင်းအနေဖြင့် ရန်ကုန်မြို့ရှိ Myanam Peace Center တွင်သာ တွေ့ဆုံလိုပြီး ထိုကိစ္စနှင့် ပတ်သက် ၍ UNFC အနေဖြင့် မကြာမီ ရက်ပိုင်းအတွင်း ထပ်မံဆွေးနွေးကြမည် ဖြစ်သည်ဟု ၎င်းက ဆိုသည်။
နီပွန်ဖောင်ဒေးရှင်းက မြန်မာနိုင်ငံ တိုင်းရင်းသား စစ်ဘေးဒစ်သင့် ဒေသများအတွက် အမေရိကန် ဒေါ်လာ ၃ သန်း တန် ဆန်၊ ဆေးဝါး၊ ရိက္ခာများကို လူသားချင်းစာနာမှုဖြင့် သွားရောက်ကူညီမည် ဖြစ်ပြီး အင်္ဂါနေ့က ထိုင်းနိုင်ငံ၊ ချင်းမိုင်မြို့ တနေရာတွင် UNFC နှင့် ထပ်မံ တွေ့ဆုံခဲ့ကြောင်း သိရှိရသည်။
http://www.mizzimaburmese.com/news/inside-burma/10448--kio--.html
မိုင်းပေါက်ကွဲမှုတွင် အစိုးရစစ်သား ၃ ဦးသေ ၁ ဦး ဒဏ်ရာရ
Last Updated on 21 November 2012 By KNG Hits: 1338
ကချင်ပြည်နယ် ဝိုင်းမော်မြို့နယ်ရှိ မြန်မာအစိုးရတပ်ရင်း (၅၈) နှင့် တပ်မ (၈၈) တပ်များသည် အင်အား ၃၀ ကျော်ဖြင့် နိုဝင်ဘာလ ၁၇ ရက် နံနက် ၈ နာရီခွဲချိန်တွင် ယခင် KIA တပ်ရင်း (၃) နယ်မြေ နန်ဇော်ယန် ဘက်သို့ လှုပ်ရှားလာချိန် မိုင်း ၁ လုံးပေါက်ကွဲခဲ့သောကြောင့် အစိုးရစစ်သား ၃ ဦး သေဆုံးပြီး ၁ ဦး ဒဏ်ရာရရှိခဲ့ကြောင်းသိရသည်။
“အားလုံး ၄ ယောက်ဟုတ်တယ်။ ၁ ယောက်က ချက်ချင်းသေသွားပြီး ၃ ယောက်ကိုတော့ မြစ်ကြီးနား ဆေးရုံးကို ပို့တဲ့ချိန် လမ်းမှာ ၁ ယောက်သေသွားတယ်။ ပြီးတော့ ဆေးရုံရောက်ပြီး ၁ ပြန်သေသွားတယ်။ အခု ၁ ယောက်က မြစ်ကြီးနားဆေးရုံမှာ ဆေးကုနေတယ်။” ဟု မျက်မြင် ဒေသခံတဦး KNG ကချင်သတင်းဌာနသို့ပြောသည်။
ထိုနယ်မြေများသည် အစိုးရတပ်နှင့် ကချင်လွတ်မြောက်ရေးတပ်ဖွဲ့ KIA တပ်များ နှစ်ဖက်လှုပ်ရှားနယ်မြေများဖြစ်သော်လည်း မည်သို့ပေါက်ကွဲခဲ့ခြင်းကိုမူ ဒေသခံများမသိပေ။
သို့သော် ထိုသို့ပေါက်ကွဲမှုဖြစ်ပွားခဲ့ပြီးနောက် အဆိုပါမြန်မာအစိုးရတပ်သည် နန်ဇော်ယန်ဘက်သို့ တောင်ယာလုပ်ကိုင်နေသော ဒေသခံများအား စွပ်စွဲပြီး ယခုချိန်တောင်ယာ၊ လယ်ယာများရိတ်သိမ်းခွင့် ပိတ်ပင်ထားကြောင်း ဒေသခံတဦး KNG ကချင်သတင်းဌာန သို့ပြောသည်။
လယ်ယာစပါးများဖြင့် အဓိကအသက်မွေးဝမ်းကျောင်းနေသော ဒေသခံများအား ယခုလိုပိတ်ပင်ထားသောကြောင့် ဒေသခံများအတွက် စားဝတ်နေရေးအတွက် အခက်ခဲဖြစ်နေကြောင်း တောင်သူတစ်ဦးပြောသည်။
“ကျနော်တို့က လယ်ယာပဲ လုပ်စားနေကြတာ ခုလိုစပါးမရိတ်ရဘူးဆိုရင်တော့ အရမ်းဒုက္ခရောက်တော့မယ်။” ဟု ဝူယန်ဒေသခံတဦးဆိုသည်။
၎င်းနယ်မြေဘက်သို့ လယ်ယာ၊ တောင်ယာများလုပ်ကိုင်သူများသည် အိမ်ခြေ ၅၀ ကျော်ရှိပြီး ဝူယန်၊ လမြန်၊ နမ်ဝါ၊ နန်ဇော်ယန်၊ ဂျန်မာသစ်ကျေးရွာများ ဖြစ်ကြောင်းသိရသည်။
ယခုချိန်အစိုးရတပ်သည် နန်ဇော်ယန်တွင် အင်အား ၂၀၀ ကျော်ဖြင့် တပ်စွဲထားကြောင်း ဒေသခံများဆိုသည်။
အဖွဲ့အစည်းကွဲမည် မဟုတ် ဟု ကေအဲန်ယူ ပြော
နိုဝင်ဘာလ ၂၁ရက်၊ ၂၀၁၂ခုနှစ်။ နန်းသူးလေ (ကေအိုင်စီ)
စက်တင်ဘာလက
ဖွင်းလှစ်ခဲ့သည့် ဖားအံဆက် ဆံရေးရုံးဖွင့်ခြင်းနှင့် ပတ်သက်၍
အဖွဲ့အစည်းတွင် အကွဲအပြဲရှိ နိုင်သည်ဟု သတင်းများ ထွက်ပေါ်နေခြင်းမှာ
မဟုတ်မမှန်ကြောင်း ကရင်အမျိုးသားအစည်း အရုံး-ကေအဲန်ယူ က
ယနေ့ထုတ်ဖော်ပြောကြား လိုက်သည်။ကေအဲန်ယူ တွဲဖက်အတွင်းရေးမှူး(၁) ဗိုလ်မှူးစောလှငွေက “တလောက ကျနော်တို့ရဲ့ အဖွဲ့အစည်းထဲမှာ သဘောထားကွဲလွဲနေတဲ့အပေါ် ကွဲကြမယ်ဆိုတဲ့သတင်း ထွက်လာခဲ့တယ်။ ဒါပေမယ့် ကျနော်တို့ သဘော ထားကွဲမှုကြောင့် အဖွဲ့အစည်းကွဲမှုတော့ မဖြစ်စေရဘူး”ဟု ကေအိုင်စီသို့ ပြောသည်။
ဆက်လက်၍ ယင်းသဘောထားကွဲလွဲနေမှုများကို (၁၄)ကြိမ်မြောက် ကွန်ဂရတ်အပြီး အောက်တိုဘာလ ၃၁ ရက်မှ နိုဝင်ဘာလ ၂၀ရက်နေ့အထိ ကေအဲန်ယူ ဖားအံခရိုင်တွင် ကျင်းပသော စတုတ္တအကြိမ်မြောက် ဗဟိုအမြဲ တမ်းကော်မတီအစည်းအဝေးတွင် အချင်းချင်း ကျေကျေလည်လည် ဆွေးနွေးခဲ့ကြပြီးဖြစ်ကြောင်း ယနေ့ရက်စွဲ ဖြင့် ကေအဲန်ယူ ကြေညာချက်တစ်စောင် ထုတ်ပြန်လိုက်သည်။
ကြေညာချက်နှင့်ပတ်သက်၍ ဗိုလ်မှူးစောလှငွေက “သဘောထားကွဲလွဲမှုတွေ ပြန်ညှိလို့ရတာပဲဆိုပြီး ကျနော်တို့ အရေးပေါ်အစည်းအဝေးလုပ်ပြီး ညှိကြတယ်။ အဲဒီအရေးပေါ်မှာ ကျနော်တို့ ရည်မှန်းချက် ထားထားတဲ့အတိုင်း ဗဟိုပုံမှန်အစည်းအဝေးကို လုပ်သွားနိုင်တဲ့အကြောင်းကို ကရင်ပြည်သူတွေကို သိစေချင်လို့ပါ”ဟု ပြောသည်။
စတုတ္တအကြိမ်မြောက် ဗဟိုအမြဲတမ်းကော်မတီအစည်းအဝေးတွင် ပထမ သဘာပတိအဖြစ် ဒုဥက္ကဌ ပဒိုဒေးဗစ် သာကပေါ၊ ဒုသဘာပတိအဖြစ် ဗိုလ်ချုပ်မှူးကြီး မူးတူးစေးဖိုးတို့ ဦးဆောင်ခဲ့ပြီး ဗဟိုအမြဲ တမ်းကော်မတီဝင်နှင့် ဗဟိုအရံကော်မတီဝင် (၄၀) ဦးတက်ရောက်ခဲ့ဟု ကေအဲန်ယူ ကြေညာချက်တွင် ပါရှိသည်။
ထို့အပြင် အစည်းအဝေးတွင် ပြီးခဲ့သည့် ၄နှစ်တာ ကာလအတွင်း အဖွဲ့အစည်း၏ အခြေအနေ၊ နိုင်ငံရေးအခြေ အနေများ၊ ဖွဲ့စည်းပုံအခြေခံဥပဒေနှင့် နည်းဥပဒေများ၊ အခြေခံလမ်းစဉ်လုပ်ငန်းစဉ်များကို ပြန်လည်သုံး သပ်ပြီး ပြင်ဆင်ဖြည့်စွက် ဆွေးနွေးအတည်ပြုခဲ့ကြကြောင်း ကေအဲန်ယူက ပြောသည်။
စစ်မှန်သော ငြိမ်းချမ်းရေးပေါ်ပေါက်ရေးအတွက် နိုင်ငံရေးပြဿနာများကို ဖြေရှင်းရန်၊ စစ်မှန်သည့် ပြည်ထောင် စုပေါ်ထွန်းရေးအတွက် တိုင်းရင်းသားလူမျိုးစုများနှင့် ဒီမိုကရေစီအင်အားစုများဆန္ဒနှင့်အညီ ပူးပေါင်းဆောင် ရွက်သွားရန်၊ ကရင်အမျိုးသားများ၏ အကျိုးကျေးဇူး ခံစားခွင့်ရရှိရေးနှင့် တန်းတူညီတူ အခွင့်အရေး ရရှိရန် ပြည်တွင်း ပြည်ပကရင်များနှင့်အတူ ပူးပေါင်းသွားမည်ဟုလည်း ကေအဲန်ယူ၏ ကြေညာချက်က ဆိုသည်။
ကေအဲန်ယူသည် နောက်သက်တမ်း ခေါင်းဆောင်များကို ရွေးချယ်ရန်အတွက် လာမည့် နိုဝင်ဘာလ ၂၆ရက်မှ ဒီဇင်ဘာလ ၇ရက်နေ့ အထိ ၁၅ ကြိမ်မြောက် ညီလာခံကျင်းပရန်ရှိသည်ဟု ဗိုလ်မှူးစောလှငွေက ပြောသည်။
လာမည့် ညီလာခံတွင် ပြည်တွင်း၊ ပြည်ပရှိ ကရင်လူမှုအခြေပြုအဖွဲ့အစည်းများအား ဖိတ်ကြားထားသည့် အတွက် ဆွေးနွေးစရာ၊ ဖြေရှင်းစရာများကို တက်ရောက်လာသည့် ကိုယ်စားလှယ်များက မေးခွန်းများမေးမြန်း ပြီး သက်ဆိုင်ရာ ကေအဲန်ယူတာဝန်ရှိသူများဘက်မှလည်း ဖြေကြားရမည့် အစီအစဉ်ရမည့် အစီအစဉ်ရှိသဖြင့် ညီလာခံမှာ သတ်ထားရက်ထက် ကြာနိုင်ကြောင်း သိရသည်။
ဗိုလ်ချုပ်ကြီးမူတူးစေးဖိုး အပါအ၀င် ကေအဲန်ယူခရိုင်၊ တပ်မဟာ ခေါင်းဆောင်အချို့ ၃၁ဦးပါဝင်သည့် အဖွဲ့သည် ဖားအံမြို့သို့ စက်တင်ဘာ ၂၇ရက်နေ့က KNLA တပ်မဟာများ ဆက်ဆံရေးဖွင့်ရန် ထွက်ခွာခဲ့သည့် ခရီးစဉ်နှင့်ပတ်သက်၍ KNU ဗဟိုဌာ နချုပ်မှ ၎င်းတို့၏ အစီအစဉ် မဟုတ်ကြောင်း ကြေညာချက်ပြန်ခဲ့သည်။
ထိုနေ့တွင်ပင် ကြေညာချက် ထုတ်ပြန်ခဲ့သလို KNU ဗဟိုအလုပ်အမှုဆောင် အဖွဲ့ဝင် ၁၁ဦးအနက် ဗိုလ်ချုပ်ကြီး မူတူးစေးဖိုး၊ ပဒိုစောရောဂျာခင်နှင့် ပဒိုစောဒေးဗစ်ထောတို့ကို တာဝန်မှ ထုတ်ပယ်လိုက်ကြောင်း ကေအဲန်ယူ ဗဟိုအလုပ်အမှုဆောင် အစည်းအဝေးက ဆုံးဖြတ်ခဲ့သည်။
ထို့နောက် ထုတ်ပယ်လိုက်သည့် စစ်ဦးစီးချုပ်နှင့် ကေအဲန်ယူထိပ်ပိုင်း ခေါင်းဆောင်တစ်ဦးကို ကေအဲန်ယူဗဟို က အောက်တိုဘာလ ၂၅ရက်နေ့တွင် ကရင်တမျိုးသားလုံး၏ ဂုဏ်သိက္ခာနှင့် စည်းလုံးညီညွတ်မှုအတွက် မူလတာဝန်များအတိုင်း ပြန်လည်ပေးအပ်ခဲ့သည်။
Wednesday 21 November 2012
မူတူးဆေးဖိုး KNU စစ်ဦးစီးချုပ်အဖြစ် ဆက်လက်တာဝန်ယူဦးမည်
ဟင်္သာနီ (မွန်မြေ) | ဗုဒ္ဓဟူးနေ့၊ နိုဝင်ဘာလ ၂၁ ရက် ၂၀၁၂ ခုနှစ် ၁၉ နာရီ ၄၃ မိနစ်
စံခလပူရီ (မဇ္ဈိမ) ။ ။ ကရင်အမျိုးသားအစည်းအရုံး (KNU) မှ ထုတ်ပယ်ခြင်း ခံရသည်ဟု ကြေညာထားသည့် စစ်ဦးစီးချုပ် ဗိုလ်ချုပ်ကြီး မူတူးဆေးဖိုး အပါအဝင် ကြီးသုံးကြီးအား ရာထူးမှ ရပ်စဲခဲ့ခြင်းမှာ ကွန်ဂရက် ကသာ အဆုံးအဖြတ် ပေးနိုင်မည်ဟု ပုံမှန် ဗဟိုကော်မီတီ အစည်းအဝေးတွင် ချမှတ်ခဲ့ကြောင်း တွဲဖက် အထွေထွေ အတွင်းရေးမှူး (၁)ဗဒိုစောလှငွေ ပြောသည်။ဗဟိုကော်မတီ ၄ဝ တက်ရောက်သည့် အဆိုပါ အစည်းအဝေးကို KNU ထိန်းချုပ် နယ်မြေတွင်းရှိ ဘားအံခရိုင်၊ လေးဝါး စခန်း၌ အောက်တိုဘာလ ၃၁ ရက်နေ့မှ နိုဝင်ဘာလ ၂ဝ ရက်နေ့ထိ ကျင်းပခဲ့ခြင်း ဖြစ်သည်။
“CEC (ဗဟိုအလုပ်အမှုဆောင်ကော်မတီ) က ဆုံးဖြတ်ချက် ချတာကို ဗဟိုကော်မီတီက သဘောမတူတော့ အရေးယူ
ဆောင်ရွက်ဖို့ အခက်အခဲ ရှိတယ်။ အရေးယူ ဆောင်ရွက်မယ် ဆိုရင်လည်းပဲ ဗဟိုကော်မီတီ ပုံမှန်နဲ့ ကွန်ဂရက် ဆက်လက် ကျင်းပဖို့အတွက် အနှောင့်အယှက် ရှိတဲ့ အတွက်ကြောင့် ကွန်ဂရက်ရဲ့ မူလ အခွင့်အရေး ဖြစ်တဲ့ ကွန်ဂရက်ရှေ့မှာ သဘောတူညီချက်အရ အသိအမှတ် ပြုထားတဲ့ ပုဂ္ဂိုလ်တွေကို ကွန်ဂရက်အထိ ပြန်ပါသွားနိုင်ခွင့် ရှိတယ်ဆိုတဲ့ မူလ Zero level ကို ပြန်သွားခဲ့ကြတယ်” ဟု ဗဒို စောလှငွေ က မဇ္ဈိမကို ပြောသည်။
ထို့ကြောင့် ဗိုလ်ချုပ်ကြီး မူတူးဆေးဖိုးမှာ KNU ၏ တရားဝင် စစ်ဦးချုပ်အဖြစ် ကွန်ဂရက် ခေါ်ချိန်အထိ ဆက်လက်၍ တာဝန်ယူသွားမည် ဖြစ်ပြီး ယခင် ကြီးသုံးကြီးကို ထုတ်ပြီး နောက်ပိုင်း တင်ခဲ့သည့် ယာယီ စစ်ဦးစီးချုပ် ဗိုလ်မှူးချုပ်
ဘောကျော်ဟဲမှာ တာဝန်မှ အလိုအလျောက် ပျက်ပျယ်သွားပြီ ဖြစ်သည်။
“အဓိက ညှိတာက လေးနှစ် တကြိမ် ချထားတဲ့ နိုင်ငံရေးလမ်းစဉ်၊ နိုင်ငံရေးနဲ့ ဆိုင်တဲ့ ရှေ့လုပ်ငန်းစဉ်ကို ညှိကြတာ။ ကွဲလွဲမှု မရှိပါဘူး။ ကြိုတင် တိုင်ပင်ပြီးမှ လုပ်ရမယ့် အလုပ်ကို လုပ်ပြီးမှ ပြန်တင်ပြတော့ ပြဿနာ ဖြစ်ခဲ့တာအပေါ်
ပြန်လည် သုံးသပ်ပြီး လုပ်ထုံးလုပ်နည်းနဲ့ သေသေချာချာ လုပ်ငန်းပိုင်းဆိုင်ရာ အဓိပ္ပါယ် ဖွင့်ဆို၊ အစီအစဉ်တွေ အားလုံး ချမှတ်ပြီးတော့မှ အစီအစဉ်အတိုင်း လုပ်ကြဖို့ကို ကျနော်တို့ သဘောတူညီမှု ပြန်ယူခဲ့ကြတယ်” ဟု ဗဒိုလှငွေ က ဆက်ပြောသည်။
ထိုသို့ ပြန်လည် သုံးသပ်ချက်အရ ဗိုလ်ချုပ်ကြီး မူတူးဆေးဖိုး၏ မြဝတီမြို့ရှိ ဆက်ဆံရေးရုံး သွားရောက် ဖွင့်လှစ်ခဲ့ သည့် လုပ်ရပ်မှာ လုပ်ဟန် အမှားသဘော သက်ရောက်နေသည်ဟု ဆိုနိုင်သည်။
“သူတို့ ကိုယ်၌ကလည်း စေတနာ အရင်းခံနဲ့။ အခြေခံမူတွေ အပေါ်မှာ ဖောက်လွှဲ ဖောက်ပြန် လုပ်တာ မဟုတ်ဘူး။ သို့သော်လည်းပဲ ဒီလိုမျိုး အလျှင်အမြန် လုပ်ရမယ်၊ လုပ်ဖို့ လိုအပ်တယ်လို့ ယူဆပြီး လုပ်တော့ လုပ်ထုံးလုပ်နည်း
တွေနဲ့ သူတို့ လုပ်ပုံလုပ်နည်းတွေက အားနည်းမှု ရှိတယ်ဆိုတာ သူတို့ကိုယ်တိုင် ဝန်ခံတာတွေ ရှိပါတယ်” ဟု ဗဒို စောလှငွေ က ဆက်ပြောသည်။
မူတူးဆေးဖိုး၊ လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင်နှင့် တွဲဖက် အတွင်းရေးမှူး (၂) လည်းဖြစ် ဗဟို တရားရေးဌာန တာဝန်ခံ ဗဒိုဒေးဗစ်ထော တို့အား ရာထူးမှ ရပ်ဆိုင်းရေး CEC ဆုံးဖြတ်ချက် ချရာတွင် ပါဝင်ခဲ့ သည့် KNU အထွေထွေ အတွင်းရေးမှူး နော်စီ ဖိုးရာစိန် က “ကျမတို့ စည်းလုံးညီညွတ်ရေး ဖော်ဆောင်ပြီးတော့ ကရင် တမျိုးသားလုံးအတွက် KNU က ချမှတ်ထားတဲ့ မူအတိုင်းက အားလုံးက လိုက်နာနိုင်မယ်ဆိုရင် ကျမတို့ ဆက်ပြီး သွားနိုင်မယ့် အပိုင်း၊ သွားလို့ ရပါတယ်” ဟု မဇ္ဈိမအား မှတ်ချက်ပြု၍ ပြောကြားခဲ့သည်။
အစည်းအဝေး အတွင်း၌ စစ်ဦးစီးချုပ်တို့ဘက်မှ တင်းတင်းမာမာ တုန့်ပြန်ပြောဆိုမှု မရှိဘဲ ညီညီ ညွှတ်ညွှတ်နှင့် ချမှတ် ထားသည့် မူအတိုင်း ရှေ့ဆက် လုပ်ဆောင်သွားကြရန် သဘောတူညီမှု ရရှိခဲ့သည်ဟု ၎င်းက ဆက်ပြောသည်။
ငြိမ်းချမ်းရေး တည်ဆောက်နိုင်ရန်အတွက် နိုင်ငံတော် အစိုးရနှင့် ဆက်လက် ဆောင်ရွက် သွားရန်ကိုလည်း အစည်းအဝေးတွင် တညီတညွှတ်တည်း သဘောထားပြုခဲ့ကြသည်။
ရရှိထားသည့် အပစ်အခတ် ရပ်စဲရေးကို ဆက်လက် ထိန်းသိမ်းသွားကာ နိုင်ငံရေး ပြဿနာကိုလည်း ဆက်လက်
ဆွေးနွေး ဖြေရှင်းသွားမည်ဟု ဆိုသည်။
KNU ၏ ၁၅ ကြိမ်မြောက် ကွန်ဂရက်ကို ယခုနှစ် နိုဝင်ဘာလ ၂၆ ရက်နေ့ခန့်မှ စတင်ကာ ဒီဇင်ဘာ လလယ်ခန့်ထိ
ခေါ်ဆိုကျင်းပနိုင်ရန် ရည်ရွယ်ထားသည်ဟု သိရှိရသည်။
၃ ပတ်ကြာ ကျင်းပခဲ့တဲ့ KNU ထိပ်သီးအစည်းအဝေး
ယမန်နေ့ကကျင်းပပြီးစီးခဲ့သည့်
ကရင်အမျိုးသားအစည်းအရုံး KNU ဗဟိုကော်မတီအစည်းအဝေးက လက်ရှိမြန်မာ့နိုင်ငံရေးအခြေအနေနှင့်
အဖွဲ့၏သဘောထား ပါရှိသည့် ကြေညာချက်တစောင်ကို ယနေ့ထုတ်ပြန်ခဲ့သည်။
 |
| (ဓာတ်ပုံများ - ပြည်တော်မြင့်/ဧရာဝတီ) |
မြန်မာအစိုးရနှင့်ပြုလုပ်နေသည့် ငြိမ်းချမ်းရေးဆိုင်ရာ လုပ်ငန်းစဉ်များကို KNU အဖွဲ့အတွင်း ဖြစ်ပွားနေသည့် ၀ိဝါဒကွဲပြားမှုပြဿနာများကြောင့် ခေတ္တရပ်ဆိုင်းထားရာမှ ဗဟိုကော်မတီအစည်းအဝေး အပြီးတွင် အဆိုပါ ကြေညာချက် ထွက်ပေါ်လာခြင်းဖြစ်သည်။
အစည်းအဝေးကို KNU ဘားအံခရိုင်ရှိ လေးဝါးတပ်စခန်းတွင် ရက်သတ္တ ၃ ပတ်ကြာ ကျင်းပခဲ့သည်။
အစည်းအဝေး ဓာတ်ပုံများ၊ အစည်းအဝေးမှ ပြန်လာကြသည့် KNU ထိပ်တန်း ခေါင်းဆောင်များ၊ ယနေ့ရက်စွဲဖြင့် ထုတ်ပြန်သည့် ကြေညာချက် တို့ကို ပူးတွဲ ဖော်ပြလိုက်ပါသည်။
ကြေညာချက်
(မြန်မာဘာသာ)
၂၁-၁၁- ၂ဝ၁၂(၁၄)ကြိမ်မြောက်
ကွန်ဂရက်အပြီး ကေအဲန်ယူ-ကရင်အမျိုးသားအစည်းအရုံး၏
စတုတ္ထအကြိမ်မြောက်
ဗဟိုအမြဲတမ်းကော်မတီအစည်းအဝေး ထုတ်ပြန်ကြေငြာချက်ကေအဲန်ယူ-ကရင်အမျိုးသားအစည်းအရုံးဗဟိုသည်
စတုတ္ထအကြိမ်မြောက် ဗဟိုအမြဲတမ်းကော်မတီ အစည်းအဝေးကို ၂ဝ၁၂ ခုနှစ် အောက်တိုဘာလ (၃၁)
ရက်နေ့မှ နိုဝင်ဘာလ (၂ဝ) ရက်နေ့အထိ ကေအဲန်ယူ နယ် မြေ ဖားအံခရိုင်တွင် ကောင်းမွန်စွာ
ကျင်းပနိုင်ခဲ့သည်။
ထိုအစည်းအဝေးတွင် ဗဟိုအမြဲတမ်းကော်မတီနှင့် ဗဟိုအရံအမြဲတမ်းကော်မတီ (၄ဝ) ဦး တက်ရောက်ကြ ပြီး (၄)နှစ်တာကာလအတွင်း အဖွဲ့အစည်း၏ အခြေအနေ၊ နိုင်ငံရေးအခြေအနေများ၊ ဖွဲ့စည်းပုံအခြေခံဥပဒေနှင့် နည်းဥပဒေများ၊ အခြေခံလမ်းစဉ် လုပ်ငန်းစဉ်များကို ကျေကျေလည်လည် ပြန်လည်သုံးသပ်ဆွေးနွေးပြီး ပြင်ဆင်ဖြည့် စွက် ဆွေးနွေးအတည်ပြုခဲ့ကြသည်။
ထိုနည်းတူ ကေအဲန်ယူ-ကရင်အမျိုးသားအစည်းအရုံးသည် လတ်တလော ဖြစ်ရှိပြောင်းလဲနေသော မြန်မာ ပြည်နိုင်ငံရေးအခြေအနေနှင့် တိုင်းရင်းသားလူမျိုးစုများ၏ နိုင်ငံရေးရည်မှန်းချက်များကို ပြန်လည်သုံးသပ်ဆွေးနွေး နှိုင်းယှဉ်ပြီး ရှေ›လုပ်ငန်းစဉ်များကို အောက်ပါအတိုင်း ချမှတ်နိုင်ခဲ့သည်။
(၁) စစ်မှန်သောငြိမ်းချမ်းရေးပေါ်ပေါက်ရေးအတွက် နိုင်ငံရေးပြဿနာများကို ဖြေရှင်းရန် တွေ့ဆုံဆွေးနွေးရေး လုပ်ငန်းများကို ဆက်လက်အကောင်အထည်ဖော်ဆောင်ရွက်သွားမည်။
(၂) စစ်မှန်သောပြည်ထောင်စုပေါ်ထွန်းရေးကို တိုင်းရင်းသားလူမျိုးစုများနှင့် ဒီမိုကရေစီအင်အားစုများဆန္ဒနှင့် အညီ ပူးပေါင်းဆောင်ရွက်သွားမည်ဖြစ်သည်။
(၃) ကရင်အမျိုးသားအစည်းအရုံးသည် စစ်မှန်သောငြိမ်းချမ်းရေးပေါ်ပေါက်ရေး ကရင်အမျိုးသားများ၏ အကျိုး ကျေးဇူး ခံစားခွင့်ရရှိရေးနှင့် တန်းတူညီတူအခွင့်အရေးရရှိရန် ပြည်တွင်းပြည်ပ ကရင်များနှင့် ပူးပေါင်း ဆောင်ရွက်သွားမည်ဖြစ်သည်။
ဗဟိုအမြဲတမ်းကော်မတီ
ကေအဲန်ယူ-ကရင်အမျိုးသားအစည်းအရုံးဆက်သွယ်ရန်
- ဗိုလ်မှူး စောလှငွေ - ဝ၈၄ ၃၈၁၆ ၆၆၄
- ပဒို မန်းငြိမ်းမောင် - ဝ၉ဝ ၇၄၅၉ ၇၃၁
ကြေညာချက်
(အင်္ဂလိပ်ဘာသာ)
http://blog.irrawaddy.org/2012/11/knu_21.html
