၃ ပတ်ကြာ ကျင်းပခဲ့တဲ့ KNU ထိပ်သီးအစည်းအဝေး

Wednesday, November 21, 2012  Sithu Linn

~ပြည်တော်မြင့် ~

ယမန်နေ့ကကျင်းပပြီးစီးခဲ့သည့် ကရင်အမျိုးသားအစည်းအရုံး KNU ဗဟိုကော်မတီအစည်းအဝေးက လက်ရှိမြန်မာ့နိုင်ငံရေးအခြေအနေနှင့် အဖွဲ့၏သဘောထား ပါရှိသည့် ကြေညာချက်တစောင်ကို ယနေ့ထုတ်ပြန်ခဲ့သည်။

(ဓာတ်ပုံများ - ပြည်တော်မြင့်/ဧရာဝတီ)

ကြေညာချက်တွင် စစ်မှန်သောငြိမ်းချမ်းရေးပေါ်ပေါက်ရေးအတွက် နိုင်ငံရေးပြဿနာများကို ဖြေရှင်းရန် မြန်မာအစိုးရနှင့် တွေ့ဆုံဆွေးနွေးရေး လုပ်ငန်းများ ဆက်လက် အကောင်အထည်ဖေါ်သွားမည်ဟု ပါရှိသည်။

 မြန်မာအစိုးရနှင့်ပြုလုပ်နေသည့် ငြိမ်းချမ်းရေးဆိုင်ရာ လုပ်ငန်းစဉ်များကို KNU အဖွဲ့အတွင်း ဖြစ်ပွားနေသည့် ၀ိဝါဒကွဲပြားမှုပြဿနာများကြောင့် ခေတ္တရပ်ဆိုင်းထားရာမှ ဗဟိုကော်မတီအစည်းအဝေး အပြီးတွင် အဆိုပါ ကြေညာချက် ထွက်ပေါ်လာခြင်းဖြစ်သည်။

အစည်းအဝေးကို KNU ဘားအံခရိုင်ရှိ လေးဝါးတပ်စခန်းတွင် ရက်သတ္တ ၃ ပတ်ကြာ ကျင်းပခဲ့သည်။

အစည်းအဝေး ဓာတ်ပုံများ၊ အစည်းအဝေးမှ ပြန်လာကြသည့် KNU ထိပ်တန်း ခေါင်းဆောင်များ၊ ယနေ့ရက်စွဲဖြင့် ထုတ်ပြန်သည့် ကြေညာချက် တို့ကို ပူးတွဲ ဖော်ပြလိုက်ပါသည်။

ကြေညာချက် (မြန်မာဘာသာ)

၂၁-၁၁- ၂ဝ၁၂(၁၄)ကြိမ်မြောက် ကွန်ဂရက်အပြီး ကေအဲန်ယူ-ကရင်အမျိုးသားအစည်းအရုံး၏

စတုတ္ထအကြိမ်မြောက် ဗဟိုအမြဲတမ်းကော်မတီအစည်းအဝေး ထုတ်ပြန်ကြေငြာချက်ကေအဲန်ယူ-ကရင်အမျိုးသားအစည်းအရုံးဗဟိုသည် စတုတ္ထအကြိမ်မြောက် ဗဟိုအမြဲတမ်းကော်မတီ အစည်းအဝေးကို ၂ဝ၁၂ ခုနှစ် အောက်တိုဘာလ (၃၁) ရက်နေ့မှ နိုဝင်ဘာလ (၂ဝ) ရက်နေ့အထိ ကေအဲန်ယူ နယ် မြေ ဖားအံခရိုင်တွင် ကောင်းမွန်စွာ ကျင်းပနိုင်ခဲ့သည်။

ထိုအစည်းအဝေးတွင် ဗဟိုအမြဲတမ်းကော်မတီနှင့် ဗဟိုအရံအမြဲတမ်းကော်မတီ (၄ဝ) ဦး တက်ရောက်ကြ ပြီး (၄)နှစ်တာကာလအတွင်း အဖွဲ့အစည်း၏ အခြေအနေ၊ နိုင်ငံရေးအခြေအနေများ၊ ဖွဲ့စည်းပုံအခြေခံဥပဒေနှင့် နည်းဥပဒေများ၊ အခြေခံလမ်းစဉ် လုပ်ငန်းစဉ်များကို ကျေကျေလည်လည် ပြန်လည်သုံးသပ်ဆွေးနွေးပြီး ပြင်ဆင်ဖြည့် စွက် ဆွေးနွေးအတည်ပြုခဲ့ကြသည်။

ထိုနည်းတူ ကေအဲန်ယူ-ကရင်အမျိုးသားအစည်းအရုံးသည် လတ်တလော ဖြစ်ရှိပြောင်းလဲနေသော မြန်မာ ပြည်နိုင်ငံရေးအခြေအနေနှင့် တိုင်းရင်းသားလူမျိုးစုများ၏ နိုင်ငံရေးရည်မှန်းချက်များကို ပြန်လည်သုံးသပ်ဆွေးနွေး နှိုင်းယှဉ်ပြီး ရှေ›လုပ်ငန်းစဉ်များကို အောက်ပါအတိုင်း ချမှတ်နိုင်ခဲ့သည်။

(၁)     စစ်မှန်သောငြိမ်းချမ်းရေးပေါ်ပေါက်ရေးအတွက် နိုင်ငံရေးပြဿနာများကို ဖြေရှင်းရန် တွေ့ဆုံဆွေးနွေးရေး လုပ်ငန်းများကို ဆက်လက်အကောင်အထည်ဖော်ဆောင်ရွက်သွားမည်။

(၂)     စစ်မှန်သောပြည်ထောင်စုပေါ်ထွန်းရေးကို တိုင်းရင်းသားလူမျိုးစုများနှင့် ဒီမိုကရေစီအင်အားစုများဆန္ဒနှင့် အညီ ပူးပေါင်းဆောင်ရွက်သွားမည်ဖြစ်သည်။

(၃)     ကရင်အမျိုးသားအစည်းအရုံးသည် စစ်မှန်သောငြိမ်းချမ်းရေးပေါ်ပေါက်ရေး ကရင်အမျိုးသားများ၏ အကျိုး ကျေးဇူး ခံစားခွင့်ရရှိရေးနှင့် တန်းတူညီတူအခွင့်အရေးရရှိရန် ပြည်တွင်းပြည်ပ ကရင်များနှင့် ပူးပေါင်း ဆောင်ရွက်သွားမည်ဖြစ်သည်။

ဗဟိုအမြဲတမ်းကော်မတီ

ကေအဲန်ယူ-ကရင်အမျိုးသားအစည်းအရုံးဆက်သွယ်ရန်   

-  ဗိုလ်မှူး စောလှငွေ  - ဝ၈၄ ၃၈၁၆ ၆၆၄

-         ပဒို မန်းငြိမ်းမောင် - ဝ၉ဝ ၇၄၅၉ ၇၃၁

ကြေညာချက် (အင်္ဂလိပ်ဘာသာ)

 

http://blog.irrawaddy.org/2012/11/knu_21.html

Posted in: Statements