မြန်မာစစ်တပ် ယာဉ်တန်းကို ကေအိုင်အေ မိုင်းခွဲတိုက်ခိုက်

2012-11-14

ကချင်ပြည်နယ်၊ မိုးကောင်း-ဖားကန့်လမ်းပေါ်မှာ ရှစ်မိုင်ရွာဘက်ကနေ စစ်ကြောင်းချီတက်လာတဲ့ အစိုးရစစ်ယာဉ်တန်းတွေထဲက ကား ၅ စီးကို ဒီကနေ့မနက်ပိုင်း ၁၁ နာရီလောက်က မိုးကောင်း-ကာမိုင်းကြား နန့်ဟိုင်နဲ့ လကတ်ယန် ကျေးရွာတွေအနီးမှာ ကေအိုင်အေဘက်က မိုင်းခွဲ တိုက်ခိုက်ခဲ့တယ်လို့သိရပါတယ်။

Photo courtesy of Kachin Media

ရှမ်းပြည်မြောက်ပိုင်းတွင် ကေအိုင်အို-ပလောင် လွတ်မြောက်ရေး တပ်မတော် ပူးပေါင်းတပ်များနှင့် မြန်မာအစိုးရတပ် အကြား ၂၀၁၂ ခုနှစ် မေလအတွင်း ဖြစ်ပွားခဲ့သည့် တိုက်ပွဲအတွင်းက ပုံ ဖြစ်ပါသည်။

အစိုးရစစ်တပ်ကား ၅ စီးကို ကေအိုင်အေက မိုင်းခွဲတိုက်ခိုက်ခံလိုက်ရတဲ့အတွက် ကား ၅ စီးပေါ်မှာပါလာတဲ့ အစိုးရတပ်ဖက်က ထောက်ပံ့ရေးရိက္ခာနဲ့ စစ်လက်နက်ပစ္စည်းတွေ ပျက်စီးဆုံးရှုံခဲ့ပြီး အစိုးရစစ်သား တွေလည်း သေဆုံးမှုရှိတယ်လို့ ဒေသခံတွေက ပြောပါတယ်။

ဒါ့အပြင် ကာမိုင်းနဲ့ ဖားကန့်ကြား မှာရှိတဲ့ နန့်ယားကျေးရွာနားတဝိုက်မှာလည်း အစိုးရတပ်တွေကို ကေအိုင်အေ တပ်တွေက မိုင်းခွဲတိုက်ခိုက်မှုတွေရှိနေတယ်လို့လည်း အဲ့ဒီနား ပတ်ဝန်းကျင်က ရွာသားတွေက ဆိုပါတယ်။

ဒီအတောအတွင်းမှာ အစိုးရတပ်တွေနဲ့ ကေအိုင်အေတပ်တွေအကြား တိုက်ပွဲတွေ ဖော်ဆောင်မှုမရှိဘဲ အနည်းငယ်တည်ငြိမ်နေတဲ့ ဖားကန့်ကျောက်စိမ်းတွင်းဒေသမှာ ဒီရက်ပိုင်းအတွင်း အခုလိုတိုက်ပွဲသံ ပြန်ကြားနေရတာလို့ ဒေသခံတွေက ပြောပါတယ်။

http://www.rfa.org/burmese/news/kia_ambush_army_convoy-11142012105959.html

Posted in: News