ထိုင်းဝန်ကြီးချုပ် မြန်မာနိုင်ငံခရီးစဉ် မရေရာသေး

မြန်မာဌာန > သတင်းများ

2012-08-31

ထိုင်း ၀န်ကြီးချုပ် ယင်လပ် ရှင်နာဝပ်ရဲ့ ဒုတိယအကြိမ် မြန်မာနိုင်ငံ ခရီးစဉ်ဟာ မရေရာသေးဘူးလို့ The Nation သတင်းစာက ဖော်ပြပါတယ်။

သမ္မတ ဦးသိန်းစိန် ထိုင်းနိုင်ငံကို လာရောက်ခဲ့စဉ်အတွင်း ထားဝယ် စီမံကိန်းနဲ့ ပတ်သက်ပြီး ပူးပေါင်း ဆောင်ရွက်ရေး သဘောတူ စာချုပ်မူကြမ်းကို နှစ်နိုင်ငံခေါင်းဆောင်တွေ လက်မှတ် ရေးထိုးခဲ့ကြပါတယ်။
အဲဒီနောက် အသေးစိတ်ကို အပြီးသတ် ဆွေးနွေးဖို့အတွက် ထိုင်း ၀န်ကြီးချုပ် ယင်လပ် မြန်မာနိုင်ငံကို ထပ်မံ သွားရောက်ဖို့ စီစဉ်ခဲ့တာ ဖြစ်ပါတယ်။ ပြီးခဲ့တဲ့သီတင်းပတ်ကလည်း နှစ်နိုင်ငံ ခေါင်းဆောင်တွေ တွေ့ဆုံရေးနဲ့ ပတ်သက်ပြီး ထိုင်းအစိုးရက အဆင်မြင့် အရာရှိကြီးတွေ ပါဝင်တဲ့ အဖွဲ့တစ်ဖွဲ့ စေလွှတ်ခဲ့ပါတယ်။
ထိုင်း ၀န်ကြီးချုပ်ဟာ စက်တင်ဘာလ အတွင်းမှာ ထားဝယ်ရေနက် ဆိပ်ကမ်းကို သွားရောက်ဖို့ စီစဉ်ထားတာပါ။ မူလက ခရီးစဉ်ကို စက်တင်ဘာ ၁၃ ရက်ကနေ ၁၅ ရက်နေ့အထိ ထိုင်းဘက် အဆိုပြုခဲ့ပါတယ်။ ပြီးခဲ့တဲ့ သီတင်းပတ်ကတော့ ခရီးစဉ်ဟာ စက်တင်ဘာ ၁၉ ရက်ကနေ ၂၁ ရက် အထိ ဖြစ်လိမ့်မယ်လို့ နိုင်ငံခြားရေး ၀န်ကြီး ဆူရာပေါင် သတင်းထောက်တွေကို ပြောဆိုခဲ့ပါတယ်။
ဒါပေမဲ့ အစိုးရုံး သတင်းရပ်ကွက်ကတော့ ၀န်ကြီးချုပ်ရဲ့ ခရီးစဉ်နဲ့ ပတ်သက်ပြီး ထိုင်းအစိုးရဟာ မြန်မာအစိုးရဆီက တုံ့ပြန်ချက်ကို စောင့်ဆိုင်းနေရဆဲ ဖြစ်တဲ့အပြင် ဘယ်အဆင့်မျိုး ဆွေးနွေးမယ် ဆိုတာလည်း  မသိရသေးဘူးလို့  ပြောဆိုကြောင်း The Nation သတင်းစာက ဖော်ပြပါတယ်။

Read More

ဖိလစ်ပိုင် ရေအောက် ငလျင်ကြောင့် ဆူနာမီဖြစ်လာနိုင်

ဖိလစ်ပိုင်နိုင်ငံမှာ ပြင်းထန်တဲ့ ငလျင်တခု မကြာခင်ကလူပ်ခတ်သွားခဲ့တာမို့ ဒေသတွင်းမှာ ဆူနာမီသတိပေးချက်ထုတ်ပြန်လိုက်ပါတယ်။ 

ဗွီအိုအေ (မြန်မာဌာန)

31.08.2012

ဖိလစ်ပိုင်နိုင်ငံမှာ ပြင်းထန်တဲ့ ငလျင်တခု မကြာခင်က လူပ်ခတ်သွားခဲ့တာမို့ ဒေသတွင်းမှာ ဆူနာမီသတိပေးချက် ထုတ်ပြန်လိုက်ပါတယ်။ ဖိလစ်ပိုင်ပင်လယ်အောက်မှာ ဒီနေ့ လူပ်ခတ်သွားတဲ့ ဒီငလျင်ကြောရဲ့ ဗဟိုဟာ နိုင်ငံရဲ့ အရှေ့ပိုင်းမှာ စဖြစ်ခဲ့ပြီး ပြင်းအားက အရင် ၇.၉ ပမာဏ ခန့်မှန်းခဲ့ပေမယ့် အခု ၇.၆ ပြင်းအားရှိတာကို တွေ့ရတယ်လို့ အမေရိကန် ဘူမိဗေဒလေ့လာရေး စာတမ်းတစ်ခုက ဆိုပါတယ်။

လောလောဆယ်အထိကတော့ အထိအခိုက်မရှိသေးပေမယ့် ဖိလစ်ပိုင်နိုင်ငံရဲ့  ဆားမားပြည်နယ်က လူတွေကိုတော့ ကုန်းမြင့်နေရာကို ရွှေ့ပြောင်းကြဖို့ အာဏာပိုင်တွေက တိုက်တွန်းထားပါတယ်။ ဖိလစ်ပိုင် အရာရှိတွေကပဲ ဖိလစ်ပိုင်နဲ့ အင်ဒိုနီးရှားနိုင်ငံတွေအတွက် ဆူနာမီသတိပေးချက်တွေ ထုတ်ပြန်နေပြီး အစပိုင်းမှာ ထုတ်ပြန်ခဲ့တဲ့ ဂျပန် ထိုင်ဝမ်နဲ့ ပစိဖိတ်ကျွန်းတွေကို သတိပေးထားတာကိုတော့ လက်ရှိပြန်လည် ရုပ်သိမ်းထားပါတယ်။

Read More

ကချင်ဒုက္ခသည်တွေကို နှင်မထုတ်ဖို့ တရုတ်ကို အမေရိကန် တိုက်တွန်း

ကချင်စစ်ပြေးဒုက္ခသည်တွေရဲ့ဂုဏ်သိက္ခာနဲ့လုံခြုံရေးအခြေအနေ ကြောင့်သူတို့ပြန်ချင်တဲ့အချိန်ကျမှ ပြန်ခိုင်းသင့်တယ်လို့ အမေရိကန်အစိုးရကတရုတ်အစိုးရကိုတိုက်တွန်းလိုက်ပါတယ်။

 

ရန်နိုင် 

31.08.2012 (ဗွီအိုအေ)

ကချင်ပြည်နယ်အတွင်းမှာ ဖြစ်ပွားနေတဲ့ စစ်ပွဲတွေကနေ တရုတ်နိုင်ငံဘက်ကို ထွက်ပြေးခိုလှုံလာကြတဲ့ စစ်ပြေးဒုက္ခသည်တွေကို နိုင်ငံအတွင်းကနေ အတင်းပြန်မလွှတ်ဖို့ အမေရိကန်က တရုတ်အစိုးရကို တိုက်တွန်းလိုက်ပါတယ်။ ဒါ့အပြင် တရုတ်နိုင်ငံ အနေနဲ့ နိုင်ငံတကာ သဘောတူစာချုပ်တွေနဲ့ အညီ လိုက်နာဆောင်ရွက်ဖို့ကိုလည်း အမေရိကန်က ပြောလိုက်ပါတယ်။ ဒီအခြေအနေ အပြည့်အစုံကို ကိုရန်နိုင်က တင်ပြထားပါတယ်။

မြန်မာအစိုးရတပ်တွေ နဲ့ KIA ကချင်လက်နက်ကိုင်တပ်ဖွဲ့တွေကြား တိုက်ပွဲတွေ ဖြစ်ပွားနေတာကြောင့် ဒေသခံတွေဟာ မိမိတို့ရဲ့ အိုးအိမ်တွေကို စွန့်ခွာပြီး ထွက်ပြေးနေကြရပြီး၊ အဲဒီထဲက တချို့ဒုက္ခသည်တွေဟာ တရုတ်နိုင်ငံဘက်ကိုပါ ထွက်ပြေးခိုလှုံနေကြရပါတယ်။ တိုက်ပွဲတွေကြောင့် ဒုက္ခသည်တွေ ဆက်ပြီးတော့ ထွက်ပြေးနေကြရတဲ့တချိန်တည်းမှာပဲ ၊ တရုတ်နိုင်ငံ ကလည်း သူတို့နိုင်ငံဘက်ကို ဒုက္ခသည်တွေ ထပ်ပြီးဝင်မလာအောင် နယ်စပ်ကို ပိတ်ထားလိုက်တယ်လို့ သတင်းတွေကဆိုပါတယ်။

ဒါ့အပြင် တရုတ်နိုင်ငံထဲမှာ ရောက်ရှိနေတဲ့ ဒုက္ခသည်တွေကို မြန်မာနိုင်ငံထဲကို အတင်းအကြပ်ပြန်ပို့နေပြီး ၊ နောက်ထပ်လည်း  ပြန်ပို့ဖို့ စီစဉ်နေတယ်ဆိုတဲ့ သတင်းတွေကြောင့် အမေရိကန်အစိုးရ အနေနဲ့ ဒီအပေါ်မှာ အထူးပဲစိုးရိမ်မိသလို၊ တရုတ်အစိုးရအနေနဲ့ ဒီလူတွေကို အတင်းပြန်မလွှတ်ပဲ လိုအပ်တဲ့ အကူအညီပေးဖို့ တိုက်တွန်းတယ်လို့ အမေရိကန်နိုင်ငံခြားရေး ၀န်ကြီးဌာန ယာယီပြောရေးဆိုခွင့်ရှိသူ Mr. Ventrell က ကြာသပတေးနေ့ ပုံမှန်သတင်းစာရှင်းလင်းပွဲအတွင်း ပြောလိုက်ပါတယ်။

“တရုတ်-မြန်မာနယ်စပ်မှာ ဒုက္ခရောက်နေကြတဲ့ ကချင်ပြည်သူတွေရဲ့ လူမှုဖူလုံရေးနဲ့ ပတ်သက်ပြီး ကျနော်တို့ အမှန်တကယ်ပဲ စိုးရိမ်မိပါတယ်။ ဒီပဋိပက္ခကနေ ထွက်ပြေးတိမ်းရှောင်ပြီး ခိုလှုံဖို့ရောက် လာကြတဲ့သူတွေကို ယာယီအကာအကွယ်ပေးမယ့် အစီအစဉ်တွေလုပ်ဆောင်ပေးဖို့ တရုတ် အစိုးရကို ကျနော်တို့ တိုက်တွန်းထားပါတယ်။ အဲဒီလိုဆိုရင် သူတို့ရဲ့နေရပ်တွေကို ပြန်ဖို့ သင့်တော်မယ့် အခြေအနေတွေ မရောက်မချင်း  အတင်းအကြပ်ပြန်မပို့နိုင်အောင် အကာအကွယ်ပေးထားနိုင်မှာဖြစ်ပါတယ်။

ဒုက္ခသည်တွေအနေနဲ့ သူတို့ရဲ့ ဂုဏ်သိက္ခာ နဲ့ လုံခြုံရေး အခြေအနေတွေနဲ့ ပတ်သက်ပြီး သူတို့ပြန်ချင်တဲ့ အချိန်ကျမှ ပြန်သင့်တယ်လို့ အမေရိကန် အစိုးရအနေနဲ့ ယုံကြည်ပါတယ်။ ဒါကြောင့် ၁၉၅၁ ခုနှစ် ဒုက္ခသည်များအခြေအနေဆိုင်ရာ သဘောတူစာချုပ် နဲ့ ၁၉၆၇ သဘောတူစာချုပ်တွေမှာ ပါဝင်လက်မှတ်ရေးထိုးထားတဲ့ နိုင်ငံတနိုင်ငံ တခု အနေနဲ့ နိုင်ငံတကာ ထမ်းဆောင်ရမယ့် တာဝန်တွေကို တရုတ်နိုင်ငံအနေနဲ့ လိုက်နာဖို့ ကျနော်တို့ စဉ်ဆက်မပြတ် တိုက်တွန်းနေ တာဖြစ်ပါတယ်။”

ဒါ့အပြင် တရုတ်အစိုးရကိုလည်း အဲဒီဒေသမှာရှိတဲ့ ဒုက္ခသည်တွေကို ကုလသမဂ္ဂက အကူအညီတွေပေးနိုင်ဖို့အတွက် နယ်စပ်ကိုဖွင့်ပေးထားဖို့ တိုက်တွန်းထားသလို၊ မြန်မာအစိုးရကို လည်း စစ်ဘေးဒုက္ခသည်တွေကို နိုင်ငံတကာအကူအညီပေးနိုင်အောင် တိုက်တွန်းထားတယ်လို့ အမေရိကန်ဘက်က ပြီးခဲ့တဲ့ရက်ပိုင်းတွေအတွင်း တိုက်တွန်းခဲ့ပါတယ်။ ဒါ့အပြင် အခုလိုမျိုး ကချင်ဒေသမှာ ဖြစ်ပွားနေတဲ့ တိုက်ပွဲတွေ အမြန်ဆုံးအဆုံးသတ်ဖို့အတွက် မြန်မာအစိုးရကိုရော ၊ တရုတ်အစိုးရကိုပါ တိုက်တွန်းဆွေးနွေး ထားတာတွေရှိတယ်လို့ အမေရိကန်ဘက်က ပြောပါတယ်။

ဒါပေမဲ့လည်း တိုက်ပွဲတွေကတော့ ဆက်လက်ဖြစ်ပွားနေဆဲဖြစ်ပြီး ၊ ပြီးခဲ့တဲ့ရက်ပိုင်းတွေအတွင်းမှာ ဆိုရင် ကချင်ပြည်နယ်ဖားကန့်ဒေသမှာ တိုက်ပွဲတွေ အပြင်းအထန်ဖြစ်ပွားခဲ့ပြီး၊ မြန်မာအစိုးရဘက်က လက်နက်ကြီးတွေအပြင် လေကြောင်းကနေပါ တိုက်ခိုက်တာတွေလုပ်ခဲ့တယ်လို့ ဒေသခံတွေက ပြောပါတယ်။

မြန်မာအစိုးရသစ်လက်ထက်မှာ တိုင်းရင်းသားလက်နက်ကိုင်အဖွဲ့တွေ နဲ့ စေ့စပ်ဆွေးနွေးမှုတွေလုပ်ပြီး ငြိမ်းချမ်းရေး ဖော်ဆောင်တာတွေ လုပ်နေပေမယ့်လည်း၊ ကချင်ပြည်နယ်ဘက်မှာတော့ ငြိမ်းချမ်းရေး ဆွေးနွေးမှုတွေ မအောင်မြင်သေးဘဲ ဖြစ်နေပါတယ်။

Read More

ABSDF မြောက်ပိုင်း ဖြစ်ရပ် နစ်နာခဲ့ရသူတွေ ရှင်းလင်း

ရန်ကုန်မြို့တွင် ပြုလုပ်တဲ့ ABSDF မြောက်ပိုင်း သတင်းစာ ရှင်းလင်းပွဲ  

ကိုမိုးဇော် 31.08.2012  (ဗွီအိုအေ)

ABSDF ခေါ် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးရဲ့ ဥက္ကဌဟောင်း ဒေါက်တာနိုင်အောင် မြန်မာပြည်ကို ပြန်လာချိန်မှာ ABSDF မြောက်ပိုင်းဒေသမှာ ၁၉၉၂ခုနှစ်က ဖြစ်ပျက်ခဲ့တဲ့ သတ်ဖြတ်မှုတွေနဲ့ ပတ်သက်ပြီး မြောက်ပိုင်း ရဲဘော်ဟောင်းတွေက ဒီကနေ့ ရန်ကုန်မြို့မှာ သတင်းစာရှင်းလင်းပွဲ တိုက်တိုက်ဆိုင်ဆိုင် ကျင်းပခဲ့ပါတယ်။ ဒီသတင်းစာရှင်းလင်းပွဲဟာ ပထမဆုံးအကြိမ် လူထုကို တရားဝင် တင်ပြတဲ့ပွဲဖြစ်ပြီး ဒီလို ရှင်းလင်းတင်ပြတာဟာ အနာဂတ်မှာ သင်ခန်းစာယူနိုင်ဖို့နဲ့ တရားမဏ္ဍိုင် ခိုင်မာစေဖို့ဖြစ်တယ်လို့ ပြောပါတယ်။ ဒီသတင်းကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ဒီသတင်းစာရှင်းလင်းပွဲကို ABSDF မြောက်ပိုင်းကချင်ပြည်နယ်မှာ စစ်အစိုးရ သူလျိုအဖြစ် စွပ်စွဲဖမ်းဆီးခံရပြီးနောက် လွတ်မြောက်လာတဲ့ ကျောင်းသားဟောင်းတွေ က ရန်ကုန်မြို့တော်ဝင်နှင်းဆီခန်းမမှာ ဒီကနေ့ မနက်က ကျင်းပတာဖြစ်ပါတယ်။

ဒီလို သတင်းစာရှင်းလင်းပွဲကျင်းပရတဲ့အကြောင်းကို မြောက်ပိုင်းကျောင်းသား ရဲဘော်ဟောင်း တဦးဖြစ်တဲ့ ကိုညီညီကျော်က အခုလို ပြောပါတယ်။

“နှစ်၂၀ကျော် ကျနော်တို့ ကျောင်းသားတွေဟာပုံသဏ္ဍာန်အမျိုးမျိုးနဲ့ဖြတ်သန်းခဲ့တယ်။ လုပ်ခဲ့တယ်။ ကိုင်ခဲ့တယ်။ အဲဒီမှာ ကျနော်တို့ တွေ့လိုက်ရတဲ့ အတွေ့အကြုံကြီးက ကျနော်တို့ လိုချင်တဲ့ ဒီမိုကရေစီနဲ့ လူ့အခွင့်အရေး လမ်းကြောင်းကို ပြောင်းသွား စေနိုင်တဲ့ အချက်မျိုးဖြစ်နေတယ်။ အဲဒီအချက်ကို ကျနော်တို့ ရှင်းရှင်းလင်းလင်း ပြောပြချင်တယ်။ ကျနော်တို့ ကြုံတွေ့ခဲ့တဲ့ အတွေ့အကြုံ၊ သို့မဟုတ် အသက်တွေပေးမှု၊ ဘ၀တွေ ပေးမှုဟာ ဒီနေ့ ပြောင်းလဲလာတဲ့ အပြောင်းအလဲမှာ ကျနော်တို့ အထောက်အကူဖြစ်စေချင်တယ်။ နောင်အနာဂတ်အတွက်လည်း အသုံးချစေချင်တယ်။ အဲဒါကြောင့် ဒီဟာကို ရည်ရွယ်ပြီးလုပ်တာပါ။”

အခြားရည်ရွယ်ချက်တခုကတော့ တရားရေးမဏ္ဍိုင်ခိုင်မာစေဖို့နဲ့ တရားဥပဒေရဲ့ စောင့်ရှောက်မှုကို ရရှိစေဖို့ဖြစ်တယ်လို့ ကိုညီညီကျော်က ဆက်ပြောပါတယ်။

"နောက်တချက်ကတော့ ကျနော်တို့ တကယ်လိုအပ်နေတာဟာ တရားရေးမဏ္ဍိုင် ခိုင်မာတောင့်တင်းဖို့၊ ကျနော်တို့ နိုင်ငံသားတွေဟာ ဘယ်လိုနေရာမှာ ရောက်နေသည်ဖြစ်စေ တရားရေးမဏ္ဍိုင်ရဲ့ စောင့်ရှောက်မှု ကာကွယ်ပေးမှုကို ခံစားခွင့်ရစေချင်တယ်။ အဲဒီအတွက်လည်း အားကိုးအားထားပြုနိုင်တဲ့ တရားမဏ္ဍိုင်မျိုး ပေါ်ထွန်းလာဖို့ကို ရည်ရွယ်ပြီးတော့ ကျနော်တို့ရဲ့ အဖြစ်အပျက်တွေကို တင်ပြတာပါ။ ဒါ ပထမဆုံးအကြိမ် တရားဝင် ရှင်းလင်းတဲ့ပွဲပါ။"

၁၉၉၁ ခုနှစ် ကုန်ပိုင်းမှာ ကချင်ပြည်နယ်မှာ အခြေစိုက်တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF မြောက်ပိုင်းမှာ စစ်အစိုးရရဲ့သူလျိုတွေ အဖွဲ့တွင်းရောက်ရှိနေတယ်ဆိုပြီး ဖမ်းဆီးဖော်ထုတ်တဲ့ အဖြစ်အပျက်ဖြစ်ခဲ့ပါတယ်။

၁၉၉၂ ခုနှစ် ဖေဖော်ဝါရီလ ၁၂ ရက်နေ့ ပြည်ထောင်စုနေ့မှာ ကျောင်းသားခေါင်းဆောင် ကိုထွန်းအောင်ကျော်အပါအ၀င် ကျောင်းသား ၁၅ ဦး မြန်မာအစိုးရရဲ့ သူလျိုအဖြစ် စွဲချက်တင်ပြီး ခေါင်းဖြတ်သတ်ခဲ့သလို စစ်ဆေးစဉ်မှာ လူ၂၀သေဆုံးခဲ့ရတယ်လို့ ကိုညီညီကျော်က ပြောပါတယ်။ အခြား သူလျိုအဖြစ် စွပ်စွဲဖမ်းဆီးခံရသူ   ၇၀ကျော်ကတော့ အကျဉ်းထောင်ကနေ လွတ်မြောက်သွားခဲ့ပါတယ်။

ဒီသတင်းစာရှင်းလင်းပွဲဟာ ABSDF ဗဟို ဥက္ကဌတွေဖြစ်တဲ့ ဒေါက်တာနိုင်အောင်နဲ့ ကိုမိုးသီးဇွန်တို့ မြန်မာပြည်ကို ခေတ္တပြန်လာချိန်နဲ့လည်း တိုက်ဆိုင်နေတာဖြစ်ပါတယ်။ ဒီလိုတိုက်တိုက်ဆိုင်ဆိုင် အချိန်ကိုက် ဆောင်ရွက်ရတဲ့အပေါ်မှာတော့ ကိုညီညီကျော်က အခုလို ဆက်ပြောပါတယ်။

“အားလုံးလိုလားနေတာက ပွင့်လင်းပြီးတော့ ထင်သာမြင်သာရှိတဲ့အခြေအနေမျိုးမှာ ရှင်းရှင်းလင်းလင်း ဖြစ်စေချင်ပါတယ်။ ဒါကြောင့်မို့ ABSDF ခေါင်းဆောင်ကြီးတွေကို ကျနော်တို့က ပုတ်ခတ်နေတာမဟုတ်ပါဘူး။ ဘာကြောင့်လဲဆိုတော့ ကျနော်တို့နဲ့သူတို့တွေဟာ တကယ်တမ်းခေတ်ပြိုင်လုပ်ဖော်ကိုင်ဖက်တွေပါပဲ။ ကျနော်တို့ အသိအမှတ်ပြုပါတယ်။ ဒါပေမဲ့ တာဝန်ယူမှုအရတော့ ဖြေရှင်းရမယ့် အပိုင်းတွေကို အများမြင်သာအောင် ထင်သာမြင်သာဖြေရှင်းစေချင်ပါတယ်။”

ဒီကနေ့ ရန်ကုန်မြို့ကို ရောက်ရှိနေတဲ့ ဒေါက်တာနိုင်အောင်ကတော့ ပွင့်လင်းမြင်သာတဲ့အချိန်မှာ အမှန်တရား ဖော်ထုတ်ရေးအတွက် ပူးပေါင်းဆောင်ရွက်သွားမယ်လို့ ပြောပါတယ်။

“ကျနော်တို့ ထားတဲ့ သဘောထားကတော့ တရားဥပဒေစိုးမိုးမှုရှိတဲ့အချိန်၊ ပွင့်လင်းမြင်သာ ရှိတဲ့အချိန် အဲဒီအချိန်မျိုးမှာ အမှန်တရားဖော်ထုတ်ရေး အတွက်ကို သေသေချာချာ လုပ်သင့်တယ်လို့ ထင်တယ်။ ကျနော်တို့လည်း ပူးပေါင်းပါဝင်မယ်။ အဲဒီအချိန်မှာ အစိုးရပိုင်းက တာဝန်ရှိသူတွေလည်း ပူးပေါင်းပါဝင်ဖို့ လိုမယ်။ အဲလို အနေအထားမျိုး ရှိမှပဲ လုပ်လို့ ကောင်းမယ်။ နောက်တခုက အဲလိုမျိုး တရားဥပဒေစိုးမိုးတဲ့အနေအထားဖြစ်လား မဖြစ်လားဆိုတာက ကျနော်တို့ ကျနော့်အနေနဲ့ ဘာနဲ့ ကြည့်မလဲဆိုရင် မြန်မာပြည်မှာ ဖြစ်သမျှ လူ့အခွင့်အရေးချိုးဖောက်မှုတွေ အဲဒါတွေ အားလုံးကိုလည်း အဲလိုအချိန်မျိုးမှာ အမှန်တရားဖော်ထုတ်ရေးအတွက်ကို ပွင့်ပွင့်လင်းလင်းခွင့်ပြုလာပြီဆိုရင်တော့ ပိုပြီးကောင်းတာပေါ့။”

လောလောဆယ်မှာတော့ မြန်မာအစိုးရနဲ့ အပစ်အခတ်ရပ်ဖို့ ဆွေးနွေးနေဆဲဖြစ်တဲ့ ABSDF ဗဟိုက မြောက်ပိုင်းဒေသမှာဖြစ်ခဲ့တဲ့ အရေးအခင်းကို အဖြစ်မှန်ဖော်ထုတ်ဖို့အတွက် အမှန်တရားနှင့် တရားမျှတမှု ဖော်ထုတ်ရေးအလုပ်အဖွဲ့ ဖွဲ့စည်းပြီး ဆောင်ရွက်နေပါတယ်။ ABSDF အဖွဲ့ဟာ ၁၉၈၈ ဒီမိုကရေစီရေး ဆန္ဒပြပွဲအပြီးမှာ စစ်အစိုးရကို လက်နက် ကိုင်တော်လှန်ဖို့ အတွက် ကျောင်းသား လူငယ်တွေ ဦးဆောင်ပြီး  ဖွဲ့စည်းခဲ့တဲ့အဖွဲ့ဖြစ်ပါတယ်။

Read More

နိုင်ငံတကာ ကမ္ဘာ့စားနပ်ရိက္ခာဈေးနှုန်း အဆမတန် မြင့်မားနေ

နွေရာသီရဲ့ ပြင်းထန်တဲ့အပူဒဏ်အောက်မှာအမေရိကန်နဲ့ဥရောပ အရှေ့ပိုင်းက ကောက်ပဲသီးနှံတွေ ခြောက်သယောင်းကုန်ပါတယ်။ 

 

ဗွီအိုအေ (မြန်မာပိုင်း)  31.08.2012

အမေရိကန်ပြည်ထောင်စုနဲ့ အရှေ့ဥရောပဒေသတွေမှာ မိုးခေါင်မှူဖြစ်ပွားခဲ့တဲ့အတွက် ကမ္ဘာ့စားနပ်ရိက္ခာ ဈေးနူန်းတွေ သိသိသာသာ တက်သွားခဲ့တယ်လို့ ကမ္ဘာ့ဘဏ်က ပြောကြားပါတယ်။ ပြီးခဲ့တဲ့ ဇူလိုင်လမှာ ဈေးနူန်းတွေ ၁၀ရာခိုင်နူန်းတက်သွားပြီးတော့ ပြောင်းဖူးနဲ့ ပဲပုတ်ဈေးတွေဟာ ခေါင်ခိုက်ကုန်တယ်လို့ နိုင်ငံတကာငွေချေးရေး အေဂျင်စီက ပြောပါတယ်။

နွေရာသီရဲ့ ပြင်းထန်တဲ့ အပူဒဏ်အောက်မှာ အမေရိကန်နဲ့ ဥရောပ အရှေ့ပိုင်းက ကောက်ပဲသီးနှံတွေ ခြောက်သယောင်း ကုန် ပါတယ်။ ကမ္ဘာ့စားနပ်ရိက္ခာဈေးနူန်း အားလုံးအနေနဲ့ ခြုံပြီးတော့ ယမန်နှစ် ဒီလပိုင်းတွေထက် ခြောက်ရာခိုင်နူန်းလောက် တက်သွားခဲ့တယ်လို့ ကမ္ဘာ့ဘဏ်က ပြောပါတယ်။

ဇွန်လနဲ့ ဇူလိုင်လတွေမှာ ပြောင်းဖူုးနဲ့ ဂျုံဈေးတွေဟာ ၂၅ ရာခိုင်နူန်းတက်သွားပြီးတော့ ပဲပုတ်ဈေးက ၁၇ ရာခိုင်နူန်း တက်သွားခဲ့ပါတယ်။ ဆန်ဟာလည်း ၄ရာခိုင်နူန်း တက်သွားခဲ့ပါတယ်။ စားနပ်ရိက္ခာဈေးတွေ တက်သွားတဲ့ အတွက် အထူးသဖြင့် အာရှနဲ့ အာဖရိကက ပြည်သူတွေက သန်းနဲ့ချီပြီး ကျမ်းမာရေးနဲ့ အထွေထွေ ပြသနာတွေ ရင်ဆိုင်ကြရလိမ့်မယ်လို့  ကမ္ဘာ့ဘဏ်ဥက္ကဌ Jim Yong Kim က ပြောကြားလိုက်ပါတယ်။

Read More

ပန်ဝါအထက် မှတ်တိုင် (၆) ကချင် ဒုက္ခသည်စခန်းတွင် အစားအသောက် ခက်ခဲနေ

Post 31 August 2012

Last Updated on 31 August 2012 By KNG

KBC အဖွဲ့ချုပ်ရုံး၊ မြစ်ကြီးနား

တရုတ်-မြန်မာနယ်စပ် ကချင်ပြည်နယ် ပန်ဝါအထက် အောက် တရုတ်ဖက်ခြမ်းရှိ မှတ်တိုင် (၆) ဒုက္ခသည်စခန်းတွင် အစားအသောက်အခက်ခဲကြုံတွေ့နေကြောင်း ဒုက္ခသည် စခန်းတွင်ကွင်းဆင်း လေ့လာခဲ့သော ကချင်နှစ်ခြင်းခရစ်ယာန်အဖွဲ့ချုပ် (Kachin Baptist Convention, KBC) ကပြောသည်။
၎င်းဒုက္ခသည်စခန်းတွင် သွားရောက်ကူညီသူများအတွက် လမ်းပန်းဆက်သွယ်ရေးခက်ခဲကာ ရာသီဥတု အေးသောနယ်မြေဖြစ်သောကြောင့် ဒုက္ခသည်များမှာ အအေးဒဏ်များခံနေရကာ အစားအသောက်များ ခက်ခဲရင်ဆိုင်နေရကြောင်း KBC အထွေထွေအတွင်းရေးမှူး သိက္ခာတော်ရ ခလမ်ဆမ်ဆွန် (Rev. Hkalam Samson) ကပြောသည်။
“အဲဒီနေရာက အေးတယ် အခုချိန်ဆို ၆ ဒီဂရီ စင်တီဂရိတ်ရှိတယ်။ ပြီးတော့ မိုးလည်းအရမ်းရွာပြီး အစားအစာ သွားဝယ်ဖို့လည်းခက်တယ်။ တရုတ်ဘက်ကိုသွားဝယ်မယ်ဆိုရင်လည်း သွားဖို့ခွင့်မရဖြစ်ပြီး အခုခက်ခဲဆုံးက အဲဒီနေရာဖြစ်တယ်။ အဲဒီဘက်မှာ အခုချိန် သွားဖို့လည်း အရမ်းခက်တယ်။ ကျနော်တို့တောင် မနည်းစစ်ဆင် ရေးလိုပဲရောက်တာ ညသန်းခေါင်မှ တရုတ်ဂိတ်ကို ဖြတ်ပြီးသွားရတယ်” အတွင်းရေးမှူး ဆရာ ခလမ်ဆမ်ဆွန် ကပြောသည်။
ကချင်နှစ်ခြင်းခရစ်ယာန်အဖွဲ့ချုပ်သည် မြစ်ကြီးနားမှ ကချင်လွတ်မြောက်ရေးအဖွဲ့ KIO ထိန်းချုပ်နယ်မြေရှိ ဒုက္ခသည်စခန်များတွင် သြဂုတ်လ ၂၄ ရက်နေ့မှစ၍ KBC အတွင်းရေးမှူး သိက္ခာတော်ရ ဆရာ ခလမ်ဆမ်ဆွန် ဦးဆောင်ကာ ဒု-အတွင်းရေးမှူး သိက္ခတော်ရ ဆရာတူးရှန်၊ KBC နယ်လှည့် သိက္ခာတော်ရ ဆရာ ခါးထုန်၊ ဆမားဇုန်နယ်အတွင်းရေးမှူး သိက္ခာတော်ရ ဆရာနော်ဘောက် တို့ အပါအ၀င် ဦးစီး၍ သွားရောက်လေ့လာ ကူညီခဲ့ခြင်းဖြစ်ကြောင်းသိရသည်။
မှတ်တိုင် (၆) ဒုက္ခသည်စခန်းနှစ်ခုရှိရာ ယခုရောက်ရှိသော မှတ်တိုင် (၆) ဒုက္ခသည်စခန်းသည် မြန်မာအစိုးရတပ်ဖွဲ့နှင့် ကချင်လွတ်မြောက်ရေးတပ်ဖွဲ့ KIA ကြား တိုက်ပွဲကြောင့် ချီဖွေမြို့နယ်ရှိ ဖရဲကျေးရွာမှ ထွက်ပြေးရောက်ရှိလာသော ပန်ဝါ တရုတ်နယ်စပ်ဖက်ခြမ်းရှိ ဒုက္ခသည်စခန်းဖြစ်သည်။
KBC တာဝန်ရှိသူများမှ စခန်းနေဒုက္ခသည် ကျား/မအတွက် ပိတ်စများ၊ မိုးကာများ၊ ကျောင်းသူကျောင်းသားများ အတွက် ရေးစာအုပ်များ၊ အစားအသောက်များနှင့် လိုအပ်ရာတွင်သုံးနိုင်ရန် တရုတ်ငွေ ယွန် ၄ သောင်းကို စခန်းကူညီရေးကော်မတီများထံသို့ လှူဒါန်းခဲ့ကြောင်း ဆရာခလမ်ဆမ်ဆွန်က ပြောသည်။
ထိုမှတ်တိုင် (၆) ဒုက္ခသည်စခန်းတွင် လူဦးရေ ၇၇၀ ကျော်ရှိပြီး စာသင်ကျောင်းကို တတိယတန်းထိဖွင့်ထားကာ ကျောင်းသူကျောင်းသားများ ၃၅၀ ယောက်ရှိကြောင်း သိရသည်။
ကချင်နှစ်ခြင်းခရစ်ယာန်အဖွဲ့ချုပ် KBC တာဝန်ရှိသူ သိက္ခာတော်ရ ၄ ဦးတို့မှ ဂျေယန့်ဒုက္ခသည်စခန်းနှင့် မန်ဝိန်းဘက်ရှိဒုက္ခသည်စခန်းတွင် ဆက်လက်သွားရောက်ကြည့်ရှုကာ တခြားစခန်းများဖြစ်သည့် မုန်ဂါဇွပ်ဒုက္ခသည်စခန်း၊ မဂါးယန်ဒုက္ခသည်စခန်း၊ မှတ်တိုင် ၈ ဒုက္ခသည်စခန်း တရုတ်ပြည်နောင်တောင်းမှ ရွှေ့ပြောင်းလာရသော လနာ့ဇွပ်ဒုက္ခသည်စခန်းများတွင်လည်း စက်တင်ဘာလ ၆ ရက်ထိ ဆက်လက်ကြည့်ရှု ကူညီသွားမည်ဖြစ်ကြောင်းသိရသည်။

Read More

အပြုသဘောဆောင်သည့် Black List စာရင်း ပယ်ဖျက်ခြင်းမျိုးကို အတိုက်အခံများ ကြိုဆို

သြဂုတ်လ ၃၁ရက်။ ၂၀၁၂ခုနှစ်။ နန်းသူးလေ(ကေအိုင်စီ)

မြန်မာနိုင်ငံ သမ္မတဦးသိန်းစိန်အစိုးရအနေဖြင့် ပြည်ပနိုင်ငံများတွင် နိုင်ငံရေးလှုပ်ရှားနေသူများကို ယခင်က သတ်မှတ်ထားသည့် Black list နာမည်ပျက်စာရင်းများမှ ပယ်ဖျက်ပေးလိုက်ခြင်းသည် အတိုက်အခံအဖွဲ့အစည်းများ၏ လုပ်ဆောင်ချက်များကို အသိအမှတ်ပြုသည့် သဘောဆောင်ပါက ကြိုဆိုကြောင်း ပယ်ဖျက်ခံရသည့် စာရင်းတွင် ပါဝင်သူ အတိုက်အခံများက ပြောသည်။
နိုင်ငံ၏ ကောင်းရာကောင်းကျိုးအတွက်၊ ဖွံ့ဖြိုးရေးအတွက်၊ စနစ်တစ်ခု ပြောင်းလဲဖို့အတွက် လုပ်ဆောင်နေသည့် အနေအထားပေါ်တွင် အမည်ပျက်စာရင်းထဲတွင် ထည့်သွင်းခံလိုက်ရသည်ကို မသိရှိလိုက်သော်လည်း ယခုကဲ့သို့ ပယ်ဖျက်ပေးလိုက်ခြင်းအပေါ် ကြိုဆိုကြောင်း အမျိုးသမီးများအဖွဲ့ချုပ်(မြန်မာနိုင်ငံ)- WLB က အထွေထွေအတွင်းရေးမှူး ဒေါ်တင်တင်ညိုက ပြောသည်။
၎င်းက “ကျမတို့တွေ နိုင်ငံရေးလုပ်နေတယ်ဆိုတာကလည်း ပြည်သူလူထုတွေအားလုံး အခြေခံလူအခွင့်အရေးနဲ့ အပြည့်အ၀ နေထိုင်နိုင် ဖို့အတွက် လုပ်ဆောင်နေခဲ့ကြတာပါ။ ရှေ့ဆက်ပြီးလည်း လုပ်ဆောင်နေကြဦးမှာပါပဲ။ ဒါကို ဆက်လုပ်ဖို့အတွက် သူတို့က(အစိုးရ) အသိ အမှတ်ပြုပြီးတော့မှ Black list ကနေ အခုလိုမျိုး ပယ်ဖျက်လိုက်တယ်လို့ ခံယူမယ်ဆိုလို့ရှိရင်တော့ ဒါဟာ မဆိုးဘူးလို့ပြောလို့ရပါတယ်” ဟု ပြောသည်။
တဆက်တည်းမှာပင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)-AAPP က အတွင်းရေးမှူး ဦးတိတ်နိုင်က လည်း ယခုလို နာမည်ပျက်စာရင်း ပယ်ဖျက်ပေးလိုက်ခြင်းမှာ မည်မျှအထိ အနှောင်အဖွဲ့ကင်းမည်ကို မရှင်းလင်းလှသော်လည်း ယခုလို ပယ်ဖျက်ခံလိုက်ရမှုအပေါ် ကောင်းသောလက္ခဏာဆောင်ကြောင်း ယခုလို ပြောသည်။
ဦးတိတ်နိုင်က “ကျနော်အပြင် AAPP က အမှုဆောင်ဟောင်းတွေပါ ပါတယ်ဆိုတော့ ကျနော်တို့ AAPP ရဲ့ လုပ်ငန်းဆောင်တာတွေကို တစုံတရာ အသိအမှတ်ပြုလိုက်တဲ့ သဘောမျိုးတော့ သက်ရောက်ပါတယ်။ ဒါပေမယ့် ဘယ်လောက်ထိ နှောင်ကြိုးမဲ့နေမလဲ၊ ဘာဖြစ်လို့ လဲဆိုတော့ အခု ပယ်ဖျက်လိုက်တဲ့ လူတွေထဲမှာဆိုရင် မျက်ကွယ် ထောင်ချထားတဲ့လူတွေရှိတယ်။ အဲ့လိုလူမျိုးတွေကို ဘယ်လိုပုံစံနဲ့ ခွင့် ပြုသွားမလဲ၊ လက်ခံသွားမလဲဆိုတာကိုတော့ ကျနော်တို့ ထပ်သိချင်ပါသေးတယ်”ဟု ပြောသည်။
ယခုထုတ်ပြန်လိုက်သည့် Black list ပယ်ဖျက်စာရင်းထဲတွင် နာမည်ထပ်နေမှုများ၊ အလုပ်အကိုင်ဟောင်းများ၊ သေသွားသူများ၏ အမည် များပါနေသဖြင့် အစိုးရ၏ မှတ်တမ်းများအရ မရှင်းမလင်းဖြစ်နေကြောင်းလည်း ထိုင်းအခြေစိုက် နိုင်ငံရေး လှုပ်ရှားဆောင်ရွက်သူများက ဝေဖန်ပြောဆိုနေကြသည်။
ထိုပယ်ဖျက်ခံရသည့် အမည်မည်းစာရင်းပါ ကရင်အမျိုးသမီးအစည်းအရုံးမှ အလုပ်အမှုဆောင်ဟောင်းတစ်ဦးက “ဒီ(Black List) စာရင်း ဟာ Update မလုပ်ထားတဲ့ စာရင်းဟောင်းဖြစ်နေသလို လူတစ်ဦးတည်းနဲ့ အမည်ပြောင်းပြန်ဖြစ်ပြီး နှစ်ဦး ဖြစ်နေတာတွေရှိတော့ ဒါ မှတ် တမ်းမှတ်ရာ စနစ်တကျမလုပ်ဖူးဆိုတာ ပေါ်လွင်နေပါတယ်။ အစိုးရတစ်ရပ်အနေနဲ့ ဒီမိုကရေစီစနစ်ကို လျှောက်လှမ်းချင်တယ်ဆိုရင် ငါနဲ့ မတူ ငါ့ရန်သူဆိုတဲ့ အတွေးအခေါ်မျိုး မရှိသင့်သလို အစိုးရဟောင်းရဲ့ မသင့်လျော်တဲ့မှတ်တမ်းတွေကို အစိုးရသစ်က အကုန်ပယ်ဖျက်ပစ် သင့်ပါတယ်”ဟု ဆိုသည်။
ယခုလို ပြည်ပတွင် အတိုက်အခံလုပ်နေသူများကို နာမည်ပျက်စာရင်းများမှ သမ္မတဦးသိန်းစိန်အစိုးရအနေဖြင့် ပယ်ဖျက်ပေးနိုင်သလို အကျဉ်းထောင်များတွင် ကျန်ရှိနေသေးသည့် နိုင်ငံရေးအကျဉ်းသားများကိုလည်း အမြန်ဆုံး လွှတ်ပေးရန် လိုနေသေးကြောင်းလည်း AAPP မှ ဦးတိတ်နိုင်က ထပ်မံ ပြောဆိုလိုက်သည်။
အမည်မည်းစာရင်းမှ ပယ်ဖျက်ခံရသူများကို မိမိတို့ရောက်ရှိနေသည့် နိုင်ငံများ၏ သံရုံးများတွင် လက်မှတ်ထိုးပေးရသည့် အခြေအနေမျိုး အစိုးရဘက်မှ လုပ်ဆောင်လာမည်ဆိုပါက ကောင်းသည့် အလားအလာ မရှိနိုင်ကြောင်းနှင့် ၎င်းတို့အတွက် အစိုးရမှ မည်သို့ဆက်လက် ဆောင်ရွက်သွားမည်ကို သီးသန့်ထုတ်ပြန်ထားခြင်း မရှိသေးသဖြင့် စောင့်ကြည့်ရန်လိုသေးကြောင်း အတိုက်အခံများက ပြောဆိုသည်။
ပြည်ထောင်စု သမ္မတ မြန်မာနိုင်ငံတော် သမ္မတရုံးမှ သြဂုတ်လ ၃၀ရက်နေ့က ထုတ်ပြန်လိုက်သော Black List ပယ်ဖျက်ခံရသူများ စာရင်းတွင် နိုင်ငံခြားသား ၉၃၅ဦးနှင့် မြန်မာနိုင်ငံသား ၁၁၄၇ဦးတို့ ပါဝင်သည်။

Read More

ရှေ့နေ စောကျော်ကျော်မင်း ထောင်ဒဏ်ကျခံ ရမှုအပေါ် AAPP ကြေညာချက်ထုတ်

သဂုတ်လ ၃၁ ရက်၊ ၂၀၁၂ ခုနှစ်။ ဖိုးခွါးလေး (ကေအိုင်စီ)

သမ္မတ ဦးသိန်းစိန်၏ ဖိတ်ကြားချက်အရ ပြည်တော်ပြန်သွားသည့် လူငယ်ရှေ့နေ စောကျော်ကျော်မင်းအား အစိုးရက ထောင်ဒဏ်(၆)လ ချမှတ်လိုက်တဲ့အပေါ် နိုင်ငံရေးအကျဉ်းသားများ ကူညီစောင့်ရှောက်ရေးအသင်း-မြန်မာနိုင်ငံ(AAPP)က ယမန်နေ့က ကြေညာချက်တစ် စောင် ထုတ်ပြန်ခဲ့သည်။

၂၀၀၇ခုနှစ်၊ ရွှေဝါရောင်တော်လှန်ရေးနောက်ပိုင်း ထိုင်း-မြန်မာနယ်စပ်သို့ ထွက်ပြေးတိမ်းရှောင်ခဲ့သည့် စောကျော်ကျော်မင်းသည် ယခု ၂၀၁၂ခုနှစ်၊ ဖေဖော်ဝါရီလက ပြည်တော်ပြန်ခဲ့ပြီး ရန်ကုန်ခရိုင် တရားရုံးတွင် ပြစ်မှုဟောင်းပုဒ်မ-၂၂၈ ဖြင့် ကျန်နေသေးသောကြောင့် သြဂုတ်လ ၂၉ရက်နေ့၌ အစိုးရက ထောင်ဒဏ် ၆လ အမိန့်ချမှတ်ခဲ့ခြင်း ဖြစ်သည်ဟု သိရသည်။
“သမ္မတဦးသိန်းစိန်က ပြည်တော်ကို ပြန်ခေါ်တာ ဘယ်လောက်လုံခြုံမှုရှိသလဲဆိုတာ စောကျော်ကျော်မင်းလို ဖြစ်တာ စဉ်းစားလို့ရတယ်။ တရားမျှတစွာ စီရင်မှုမရှိတဲ့အတွက် သမ္မတဦးသိန်းစိန်အနေနဲ့ သူ့ကို အမြန်ဆုံး လွတ်ပေးဖို့ မေတ္တာရပ်ခံတောင်းဆိုရတာ ဖြစ်တယ်”ဟု AAPP တွဲဖက်အတွင်းရေးမှူး ကိုဘိုကြည်က ပြောသည်။
မြန်မာပြည်တွင် ဒီမိုကရေစီအစိုးရဟုဆိုသော်လည်း တရားမျှတမှုမရှိသော တရားစီရင်မှုဖြစ်ရပ်များ ဆက်ဖြစ် ပွားနေဆဲဖြစ်ကြောင်းကို နိုင်ငံတကာ သိစေရန် ရည်ရွယ်၍ ယင်းကဲ့သို့ ကြေညာချက် ထုတ်ပြန်ခဲ့ခြင်းဖြစ်သည် ဟု ကိုဘိုကြည်က ပြောဆိုသည်။
တဆက်တည်းမှာပင် နိုင်ငံရေးအမှုဖြင့် ပြင်ပနိုင်ငံရောက် မြန်မာနိုင်ငံသားများ ပြည်တော်ပြန်သူများထဲတွင် စောကျော်ကျော်မင်းသည် အစိုးရ၏ ပထမဦှးဆုံး ပြန်လည် ထောင်ချခံရသောသူတစ်ဦး ဖြစ်သည်ဟု AAPP အစီရင်ခံတွင် ဖော်ပြထားသည်။
ကိုဘိုကြည်က “ပြည်တွင်းမှာ ရှိနေတဲ့လူတွေ စိုးရိမ်းကြောက်ကြမှုကင်းကင်း နေနိုင်ဖို့ရှိအောင် အစိုရအနေနဲ့ အရင်လုပ်ပေးသင့်တယ်။ နောက်တိုင်းရင်းသားနေရာဒေသမှာဆိုရင်လည်း တိုက်ပွဲတွေကြောင့် ထွက်ပြေးနေရတဲ့သူတွေ အများကြီးရှိနေတယ်။ အဲဒါကို ပိုဦးစား ပေးပြီးတော့ အရင် ဆောင်ရွက်ပေးသင့်တယ်”ဟု ဆက်ပြောသည်။
မြန်မာနိုင်ငံတွင် ၂၀၁၁ခုနှစ်၊ မတ်လမှစ၍ သမ္မတ ဦးသိန်းစိန် အရပ်သားအစိုးရဖြစ်လာသည့် ကာလအတွင်း အပြောင်းအလဲအချို့ ရှိခဲ့ သော်လည်း တရားဥပဒေစိုးမိုးမှု မရှိခြင်း၊ တိုင်းရင်းသားဒေသတချို့တွင် တိုက်ပွဲများ ဆက်လက် ဖြစ်ပွားခြင်းနှင့် လူ့အခွင့်အရေး ချိုးဖောက်မှုများ ဆက်လက်ရှိနေကြောင်း နိုင်ငံရေး လေ့လာသူများက ပြောဆိုသည်။
ပြည်ပရောက် မြန်မာနိုင်ငံသားများအား မြန်မာနိုင်ငံသို့ ပြန်လာကြရန် သမ္မတဦးသိန်းစိန်က ပြီးခဲ့သည့် ၂၀၁၁ခုနှစ်၊ သြဂုတ်လက နေပြည် တော်၌ ပြောကြားခဲ့သည်။

Read More

KNU တပ်မဟာ(၆)တွင် အခြေခံ စစ်သင်တန်းဆင်းပွဲ ပြုလုပ်

သြဂုတ်လ ၃၁ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ ကော့ကရိတ်မြို့နယ်အတွင်းရှိ ကရင်အမျိုးသားအစည်းအရုံး-KNU ထိန်းချုပ်နယ်မြေ KNLA တပ်မဟာ(၆) တပ်ရင်း (၂၀၁) ဌာနချုပ် ဝေါ်လေခီးတွင် သတ္တမအကြိမ်မြောက် အခြေခံစစ်သင်တန်းဆင်းပွဲကို ယနေ့ ပြုလုပ်ကျင်းပခဲ့သည်။
(၂၀၁)တပ်ရင်းမှ ဦးစီး၍ သင်တန်းသူ ၃ဦး၊ သင်တန်းသား ၄၅ဦး တက်ရောက်ခဲ့သည့် ၎င်းစစ်သင်တန်းကို ပြီးခဲ့သည့် ဇူလိုင်လက စတင် ဖွင့်လှစ်ခြင်းဖြစ်ပြီး နှစ်လကြာသင်တန်းရက်ပြည့်ပြီးနောက် ယခုလို အခမ်းအနား ကျင်းပရခြင်းဖြစ်သည်ဟု ၎င်းတပ်ရင်း၏ တပ်ရင်းမှူး ဗိုလ်မှူးစောဘူးဖောက ပြောသည်။
“အမျိုးသားရေးအတွက် ရည်ရွယ်ပြုလုပ်တဲ့ သင်တန်းတော့ အောင်မြင်စွာ ပြီးဆုံးသွားပြီ။ သင်တန်းပြီးသွားတဲ့ စစ်သည်တွေလည်း သူတို့ ရဲ့တပ်ရင်းတွေဆီ ပြန်သွားကြပြီးတော့ တတ်သွားတဲ့ပညာတွေနဲ့ အမျိုးသားရေးအတွက် ဆက်လုပ်ကြမယ်လို့ မျှော်လင့်တယ်။”ဟု ကေအိုင်စီသို့ ပြောဆိုသည်။
တပ်ရင်း(၂၀၁)နှင့် တပ်ရင်း(၁၀၃)တို့မှ စစ်သည်များ တက်ရောက်ခဲ့သည့် အဆိုပါအခြေခံစစ်သင်တန်းတွင် သင်တန်းဆရာ ၅ဦးက စစ် ရေးအပြင် နိုင်ငံရေးအသိပညာများကိုလည်း သင်ကြားပေးခဲ့ပြီး ထူးချွန်သည့် သင်တန်းသူ၊ သင်တန်းသားများကို (၂၀၁)တပ်ရင်းမှအဆင့် တစ်၊ နှစ်၊ သုံး ရွေးချယ်ကာ ဆုချီးမြှင့်ပေးအပ်ခဲ့သည်။

သင်တန်းဆရာ ဗိုလ်ကြီးစောဖောခေးက “အခု သင်တန်းပေးတာ တော်တော်လေး အားရတယ်။ အထူးသဖြင့် အမျိုးသမီး ၃ယောက်ပဲ။ ဒါပေမယ့် တစ်ယောက်စီ တော်တာကို တွေ့ရတယ်”ဟု ပြောသည်။
ယနေ့ပြုလုပ်သည့် အခြေခံစစ်သင်တန်းပိတ်ပွဲတွင် သင်တန်းတက်ရောက်သူ စစ်သည်များ အပါအ၀င် တပ်မဟာ(၆)ခေါင်းဆောင်များနှင့် မိသားစုဝင် စုစုပေါင်း လူ ၇၀ဦးကျော် တက်ရောက်ခဲ့သည်။
ပြီးခဲ့သည့် ၂၀၁၀ခုနှစ်တွင် ဆဌမအကြိမ်မြောက် အခြေခံစစ်သင်တန်းကို ပြုလုပ်ခဲ့သလို ယခု သြဂုတ်လအလယ်၌ KNU တပ်မဟာ(၆)၊ တပ်ရင်း(၁၈)၌လည်း အခြေခံစစ်သင်တန်းဆင်းပွဲတစ်ခု ကျင်းပခဲ့သည်။

Read More

ပြည်ပရောက်အတိုက်အခံခေါင်းဆောင်များ မြန်မာနိုင်ငံကို ရောက်ရှိ

မြန်မာဌာန > သတင်းများ (RFA)

2012-08-31

ပြည်ပရောက်ထင်ရှားတဲ့ နိုင်ငံရေးအတိုက်အခံ ခေါင်းဆောင်တွေ ဖြစ်တဲ့ ဒေါက်တာနိုင်အောင်၊ ဒေါက်တာသောင်းထွန်းနဲ့ ဦးညိုအုန်းမြင့်တို့ဟာ နှစ်ပေါင်း နှစ်ဆယ့်လေးနှစ်ကျော် ကာလအတွင်း ပထမဆုံးအကြိမ် ထိုင်းလေကြောင်းနဲ့ မြန်မာနိုင်ငံကို ဒီကနေ့ ရောက်ရှိလာပါတယ်။

ဒေါက်တာ နိုင်အောင်ဟာ ABSDF ခေါ် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦးရဲ့ ဥက္ကဋ္ဌဟောင်း၊ လက်ရှိ FDB ခေါ် မြန်မာနိုင်ငံ ဒီမိုကရေစီ အင်အားစုရဲ့ အထွေထွေ အတွင်းရေးမှူးအဖြစ် တာဝန်ယူထားသူ တစ်ဦးဖြစ်ပြီး၊ ဒေါက်တာ သောင်းထွန်းကတော့ NCGUB ပြည်ထောင်စု မြန်မာနိုင်ငံ အဝေးရောက် အမျိုးသား ညွန့်ပေါင်းအစိုးရ အဖွဲ့ရဲ့ ကုလသမဂ္ဂဆိုင်ရာ တာဝန်ခံအဖြစ် တာဝန်ထမ်းဆောင်ခဲ့သူ ဖြစ်ပါတယ်။
ဦးညိုအုန်းမြင့်ကတော့ NLD (LA) ခေါ် အမျိုးသားဒီမိုကရေစီ အဖွဲ့ချုပ် လွတ်မြောက်နယ်မြေရဲ့ ပြန်ကြားရေး တာဝန်ခံ ဖြစ်ပါတယ်။ မြန်မာနိုင်ငံ ပြန်လာတဲ့ အကြောင်းရင်းနဲ့ ပက်သက်လို့ ဒေါက်တာ နိုင်အောင်က ရန်ကုန်လေဆိပ်မှာ ပြုလုပ်တဲ့ သတင်းစာ ရှင်းလင်းပွဲမှာ အခုလို ပြောကြားခဲ့ပါတယ်။

"ကျွန်တော်တို့ အခုလာတာက တွေ့သင့်တွေ့ထိုက်တဲ့ ခေါင်းဆောင်တွေ၊ အဖွဲ့ အစည်းတွေနဲ့ တွေ့ဖို့၊ တွေ့ဆုံဆွေးနွေးရေး လေ့လာရေးလာတဲ့ ခရီးစဉ်ဖြစ်ပါတယ်။ ဒီဗမာနိုင်ငံရဲ့ ဒီမိုကရေစီရေး တက်ကြွလှုပ်ရှားသူတွေနဲ့ ကမ္ဘာတစ်ဝှမ်းလုံးမှာ ထောက်ခံ အားပေးနေတဲ့ ပုဂ္ဂိုလ်အရေအတွက် အများအပြားကို တနေ့ကပေါ့နော်၊ နိုင်ငံတော်အစိုးရရဲ့ Black list ထဲက ပယ်ဖျက်ပေးတဲ့ အတွက်လည်း ကျေးဇူးတင်ကြောင်း ထပ်မံပြောလိုပါတယ်။ အဲဒီအချက်က ကျွန်တော်တို့ အမျိုးသား ပြန်လည်သင့်မြတ် ရေးကို ဦးတည်တဲ့ အပြုသဘောဆောင်တဲ့ ခြေလှမ်းဖြစ်ပါတယ်။ ဒီလေ့လာရေး ခရီးစဉ်အတွင်းမှာ ပြည်သူ့အသံ၊ လူထုအခြေပြု အဖွဲ့အစည်း၊ နိုင်ငံရေး အင်အားစုများနဲ့ အစိုးရ သဘောထားများကို ကျွန်တော်တို့ အသေအချာ လေ့လာသွား ပါမယ်။ တင်ပြ အကြံပြုမှုတွေကိုလည်း လေးလေးစားစား လုပ်ဆောင်သွားပါမယ်။ ကျွန်တော်တို့ကို အားလုံးက ဒီမိုက်ကရေစီရေး လုပ်ဖော်ကိုင်ဖက်တွေအဖြစ် လက်ခံကူညီ ပူးပေါင်း စေချင်ပါတယ်။ ကျေးဇူးတင်ပါတယ်"

အလားတူ ဒေါက်တာ သောင်းထွန်းကလည်း ဒီမိုကရေစီရေး ကြိုးပမ်းနေတဲ့ အဖွဲ့အစည်း အသီးသီးနဲ့ တွေ့ဆုံဆွေးနွေးပြီး၊ အမျိုးသား ပြန်လည်သင့်မြတ်ရေးမှာ ပါဝင်ဆောင်ရွက်နိုင်ဖို့ ကြိုးပမ်းသွားမယ်လို့ သတင်းထောက်တွေကို ပြောကြားခဲ့ပါတယ်။

"ကျွန်တော်ဟာ ဗမာပြည်မှာ မွေးတဲ့ ဗမာတစ်ယောက်ပါ။ ဒါကြောင့်မို့လို့ ကျွန်တော်တို့ တိုင်းပြည်ရဲ့ ကောင်းကျိုး၊ ဆိုးကျိုးကို ကျွန်တော်တို့ ဝေမျှခံစားရမှာပါ။ ကျွန်တော်တို့ ပြည်သူ လူထုအတွက် ကျွန်တော်တို့ ဝေမျှပြီးတော့ ကျွန်တော်တို့ တတ်နိုင်တဲ့ ပံ့ပိုးမှုတွေကို ဆက်ပြီးတော့ လုပ်ဆောင်သွားကြမှာပဲ ဖြစ်တယ်လို့ ကျွန်တော့် အနေနဲ့ တင်ပြချင်ပါတယ်။ ကျွန်တော်တို့ရဲ့ ဒီခရီးစဉ်အတွင်းမှာ ဒီမိုကရေစီ အင်အားစုများ၊ အမျိုးသားဒီမိုကရေစီ အဖွဲ့ချုပ်၊ ရှစ်လေးလုံး ကျောင်းသားခေါင်းဆောင်တွေ၊ ကျွန်တော်တို့ တိုင်းရင်းသား ခေါင်းဆောင်တွေနဲ့လည်း တွေ့ဆုံဆွေးနွေးမှုတွေ လုပ်ပြီးတော့ ကျွန်တော်တို့ ဘယ်အခန်း ကဏ္ဍကနေပြီးတော့ ပါဝင်ဆောင်ရွက်နိုင်မလဲဆိုတာ ဆွေးနွေးဖို့ ဖြစ်ပါတယ်"

မနက်ဖြန် နေ့လယ်ပိုင်းမှာတော့ ABSDF ခေါင်းဆောင်ဟောင်း ဦးထွန်းအောင်ကျော်နဲ့ ဦးမိုးသီးဇွန်တို့ ပါဝင်တဲ့ အဖွဲ့တစ်ဖွဲ့ မြန်မာနိုင်ငံကို ရောက်ရှိမှာ ဖြစ်ပါတယ်။

Read More

နိုင်ငံရေးပါတီကိုယ်စားလှယ်များ ပိုလန်နိုင်ငံသို့ ခရီးထွက်ခွာမည်

သြဂုတ်လ ၃၁ရက်၊ ၂၀၁၂ခုနှစ်။ နန်းယဉ် (ကေအိုင်စီ)

ပိုလန်နိုင်ငံခြားရေးဝန်ကြီး၏ ဖိတ်ကြားချက်အရ အမျိုးသားဒီမိုကရေစီအဖွဲ့ချုပ် (NLD)၊ ကြံ့ခိုင်ရေးပါတီ၊ တစညပါတီနှင့် ညီနောင်တိုင်း ရင်းသားပါတီများ(NBF)မှ ကိုယ်စားလှယ်များ ပိုလန်နိုင်ငံသို့ သွားရောက်ရန် ယနေ့ညနေပိုင်းတွင် ရန်ကုန်လေဆိပ်မှ စတင် ထွက်ခွာကြ မည်ဖြစ်သည်။
ခရီးစဉ်တွင် NLD ပါတီမှ ကိုယ်စားလှယ် အယောက် ၂၀ခန့် ပါဝင်မည်ဖြစ်ပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ တိုင်းရင်းသား စည်းလုံးညီညွတ်ရေးပါတီ(တစည)မှ ကိုယ်စားလှယ်အချို့နှင့် ညီနောင်တိုင်းရင်းသားပါတီများမှ ကိုယ်စားလှယ်တဦးစီ ပါဝင်ကြသည်။
“NLD ပါတီက ဦးရေအများဆုံးပါတယ်။ တခြားပါတီတွေလည်း ပါတယ်။ ဒါပေမယ့် ဦးရေ ဘယ်လောက်ပါမလဲတော့ မပြောတတ်ဘူး။ ညီနောင်ပါတီတွေကျတော့ တဦးစီ ပါပါတယ်။ စုစုပေါင်းဆို အယောက် ၃၀လောက် ပါမယ်ထင်တယ်”ဟု ခရီးစဉ်တွင် ပါဝင်သည့် ဖလုံ-စဝေါ်ဒီမိုကရက်တစ်ပါတီ(PSDP) မှ ပြည်နယ်လွှတ်တော်ကိုယ်စားလှယ် နော်ယုဇနဝါက ပြောသည်။
ယခုခရီးစဉ်သည် တစ်ပတ်ကြာသွားမည့် ခရီးစဉ်ဖြစ်ပြီး ပိုလန်နိုင်ငံအနေဖြင့် ၎င်းတို့နိုင်ငံ၏ ဒီမိုကရေစီ နိုင်ငံရေးအကူးအပြောင်းကို မည် သို့မည်ပုံ အောင်အောင်မြင်မြင် လုပ်ဆောင်ခဲ့သည်ကို Workshop ပေးသည့်သဘောမျိုးဖြင့် ဖိတ်ခေါ်ခြင်းဖြစ်ကြောင်းလည်း သူမက ပြော သည်။
ပိုလန်နိုင်ငံမှ ရရှိလာသည့် နိုင်ငံရေးအတွေ့အကြုံကို မိမိနိုင်ငံအတွင်း ပြန်လည် အကောင်အထည်ဖော်နိုင်မည်ဆိုပါက ဒီမိုကရေစီ အကူး အပြောင်း အောင်မြင်နိုင်မည်ကိုလည်း မျှော်လင့်ကြောင်း ပါတီကိုယ်စားလှယ်များက ပြောဆိုနေကြသည်။
နော်ယုဇနဝါက “ဒီခရီးစဉ်ကနေ ပိုလန်နိုင်ငံက အတွေ့အကြုံတွေ ရရှိမယ် ထင်ပါတယ်။ ဒါပေမယ့် ပိုလန်နိုင်ငံက ရလာမဲ့ အတွေ့အကြုံကို တိုင်းရင်းသားပါတီအနေနဲ့ရော ပါတီကြီးတွေဖြစ်တဲ့ NLD၊ ကြံ့ခိုင်ရေးပါတီတို့က အကောင်အထည်ဖော်မယ်ဆိုရင်တော့ ဒီမိုကရေစီ အကူး အပြောင်း အောင်မြင်မှာပေါ့နော်”ဟု ဆိုသည်။
ညီနောင်တိုင်းရင်းသားပါတီများတွင် ရှမ်းတိုင်းရင်းသားများ ဒီမိုကရက်တစ်ပါတီ၊ ဖလုံ-စဝေါ် ဒီမိုကရက်တစ်ပါတီ၊ ချင်းအမျိုးသားပါတီ၊ ရခိုင်တိုင်းရင်းသားများ တိုးတက်ရေးပါတီ၊ မွန်ဒေသလုံးဆိုင်ရာ ဒီမိုကရေစီပါတီနှင့် ကယန်းအမျိုးသားပါတီတို့ ပါဝင်သည်။
ညီနောင်ပါတီများတွင် တိုင်းရင်းသားပါတီ ၆ခုပါဝင်ပြီး တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီ (INDP)၊ ဓနုတိုင်းရင်းသား လူမျိုးများ ဒီမိုကရေစီပါတီ (DNDP)၊ အင်းအမျိုးသားများ ဖွံ့ဖြိုးတိုးတက်ရေးပါတီ (INDP) နှင့် အရှိုချင်းအမျိုးသားများပါတီ (ACNP)တို့ လည်း အဖွဲ့ဝင်များအဖြစ် ပါဝင်နိုင်ရန် ကမ်းလှမ်းထားကြောင်း သိရသည်။

Read More

ABSDF မြောက်ပိုင်း သတင်းစာ ရှင်းလင်းပွဲ ရန်ကုန်တွင် ကျင်းပ

လင်းသန့်| August 31, 2012 (ဧရာဝတီ)

ရန်ကုန် လေဆိပ်၌ ABSDF ဥက္ကဌ ဟောင်း ဒေါက်တာ နိုင်အောင်ကို သတင်းမီဒီယာများကြားတွင် တွေ့ရစဉ် (ဓာတ်ပုံ – ဧရာဝတီ)

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF) မြောက်ပိုင်းဒေသ၌ ဖြစ်ပွားခဲ့သော သတ်ဖြတ်မှုများနှင့် ပတ်သက်သည့် သတင်းစာရှင်းလင်းပွဲကို ယနေ့ နံနက်ပိုင်းက ရန်ကုန်မြို့ တော်ဝင်နှင်းဆီ ခန်းမတွင်ကျင်းပကြောင်း သတင်း ရရှိသည်။
အဆိုပါ သတင်းစာ ရှင်းလင်းပွဲကို ABSDFမြောက်ပိုင်း ရဲဘော်ဟောင်းများက ဦးဆောင်ကျင်းပခြင်း ဖြစ်ပြီး သြဂုတ်လ ၃၁ ရက်စွဲဖြင့် ကြေညာချက် တစောင်လည်း ထုတ်ပြန်ခဲ့သည်။
၁၉၉၁-၉၂ ခုနှစ်ကာလ ကချင်ပြည်နယ်ဝိုင်းမော်မြို့နယ် ပါဂျောင်ဒေသရှိ ABSDF မြောက်ပိုင်းစခန်း အကျဉ်းထောင်၌မတ ရား စွပ်စွဲခံရကာ ညှဉ်းပန်းနှိပ်စက်ခံရပြီး ကျဆုံးသွားသူများ၏ နစ်နာမှုကို ပြန်လည် ဖော်ထုတ်ပေးလိုကြောင်း၊ တရား ဥပဒေ လမ်းကြောင်းအရ ဖြေရှင်းသည်များကို အားပေးကူညီနိုင်ရေးတို့အတွက် သတင်းစာ ရှင်းလင်းပွဲကို ကျင်းပခြင်း ဖြစ်ကြောင်း ဦးဆောင် ကျင်းပသူ တဦးဖြစ်သည့် ABSDF မြောက်ပိုင်း ရဲဘော်ဟောင်း ကိုရဲလင်းက ဧရာဝတီကို ပြောသည်။
“သမိုင်းကြောင်းအမှန် ပေါ်ပေါက်ဖို့အတွက်လည်း သက်ဆိုင်ရာ တာဝန်ရှိတဲ့သူတွေက ကိုယ် ဆက်စပ် ပတ်သက်ခဲ့တဲ့ အနေ အထားတွေက နေပြီးတော့ မှန်ကန်တဲ့ အချက်အလက်တွေ ပေးပြီး ပူးပေါင်း ပါဝင်စေလိုတဲ့ ရည်ရွယ်ချက်တွေလည်း ပါ ပါတယ်”ဟု သူက ဆိုသည်။
ယင်းဖြစ်ရပ်ကို သင်ခန်းစာယူ၍ အလားတူ ဖြစ်ရပ်မျိုး နောင်တွင် မဖြစ်ပေါ်စေရေး၊ အငြိုး အာဃာတ မထားဘဲ မိသားစု အားလုံးနှင့် တရားသဖြင့် အမှန်တရား ပေါ်ပေါက်ရေးကို ရည်ရွယ်လုပ်ဆောင်ခြင်း ဖြစ်သည်ဟု သူက ဆက်ရှင်းပြသည်။
အဆိုပါ ကြေညာချက်တွင် အခင်းဖြစ်ပွားချိန်က သေဆုံးခဲ့သည့် ဦးစိန်၏ သမီးဖြစ်သူ မစန်းစန်းအေးက သူ၏ ဖခင် သေဆုံးမှုအတွက် အပြစ်ရှိသူများကို အရေးယူပေးရန် ရန်ကုန်တိုင်း၊ မြောက်ဥက္ကလာပမြို့နယ် ရဲစခန်း၌ သြဂုတ်လ ၁၉ ရက်နေ့က အမှုဖွင့် တိုင်ကြားမှုကို မြောက်ပိုင်း ရဲဘော်ဟောင်းများက တာဝန်သိစိတ်ဖြင့် ထောက်ခံကြောင်းလည်း ပါဝင်သည်။
တရားစွဲဆိုခဲ့သူ မစန်းစန်းအေးက ဖခင် ဦးစိန်သည် ၁၉၈၈ ခုနှစ်နောက်ပိုင်း ABSDF မြောက်ပိုင်းဒေသသို့ သွားရောက်ခဲ့ပြီး နောက် ၄င်းအား သတ်ဖြတ်ခံခဲ့ရသည်ကို သိခဲ့ရသော်လည်း အသေးစိပ်ကို မသိခဲ့ရကြောင်း၊ မကြာသေးခင်ကမှ ဖခင်သေဆုံး ရပုံကို သိခဲ့ရပြီးမှ တရားစွဲခဲ့ကြောင်း၊ ထောက်ခံ ကူညီမှုများအတွက် အားတက်မိကြောင်း ဧရာဝတီကို ပြောသည်။
ထိုသို့သတင်းစာရှင်းလင်းပွဲ လုပ်၍ ကြေညာချက်ထုတ်သည့် ယနေ့နေ့လယ်ပိုင်းတွင်ပင် ယခင် ABSDF ဥက္ကဌဟောင်း ဒေါက် တာနိုင်အောင် သည်လည်း နှစ်ပေါင်း ၂၀ ကျော်အတွင်း ပထမဆုံး ပြည်တော်ပြန်ခရီး အဖြစ် ရန်ကုန်မြို့သို့ ရောက်ရှိလာချိန် နှင့် တိုက်ဆိုင်နေသည်။
ကိုရဲလင်းက“ဒေါက်တာနိုင်အောင်တို့ အနေနဲ့ အဖြစ်အပျက်အမှန် ပေါ်ပေါက်ရေးအတွက် သက်ဆိုင်ရာ ၃ ပွင့်ဆိုင် သော် လည်းကောင်း ပေါ့၊ ညှိနှိုင်းဆွေးနွေးသင့်တယ် ဆိုတဲ့ လမ်းကြောင်းပေါ် တက်သင့်တယ်၊ ဥပဒေကြောင်းအရ ဖြေရှင်းကြတဲ့ ပြ ဿနာတွေမျိုးမှာလည်း ကိုယ်တာဝန်ရှိတဲ့ အနေအထားအလျောက် ဖြေရှင်းပေးရလိမ့်မယ်လို့ ကျနော်တို့ မြင်တယ်”ဟု ပြော သည်။
ရန်ကုန်လေဆိပ်သို့ ရောက်ရှိလာသော ဒေါက်တာနိုင်အောင်က ABSDF မြောက်ပိုင်းနှင့် ပတ်သက်၍ ထိုအချိန်က ဖြစ်ရပ် အပေါ် ၀မ်းနည်းကြောင်း သတင်းထောက်များ၏ အမေးကို ပြန်လည်ဖြေကြားသည်။
“တရား ဥပဒေ စိုးမိုးမှု၊ ပွင့်လင်း ထင်သာမြင်သာမှုဖြစ်တဲ့ အခြေအနေရောက်ရင် အဲ့ဒီ ကိစ္စနဲ့ပတ်သက်ပြီး အဖြစ်မှန် ပေါ်ပေါက်ရေးကိုကျနော်တို့ ရှာဖွေလုပ်ဆောင်ချင်ပါတယ်။ အဲ့ဒီအတွက် အပြည့်အ၀ပူးပေါင်းပါဝင်မယ်လို့ ကျနော် ပြောလိုပါတယ်” ဟု ဒေါက်တာနိုင်အောင်က ဆိုသည်။
ယနေ့ ရန်ကုန်မြို့သို့ ပြည်တော်ပြန် ရောက်ရှိလာသူများမှာ ဒေါက်တာ နိုင်အောင် အပါအ၀င် ဒေါက်တာ သောင်းထွန်း၊ ဦးညိုအုန်းမြင့်(NLD-LA)တို့ ဖြစ်သည်။
ဒေါက်တာနိုင်အောင် ပြောဆိုချက်အပေါ် ကြိုဆိုကြောင်း၊ ၄င်းအနေနှင့်လည်း ပါဂျောင် ဒေသတွင် ဖမ်းဆီးစစ်ဆေးခံရခဲ့ပြီး အချုပ်ကျခဲ့သူဖြစ်ကြောင်း၊ ဦးစိန် သေဆုံးမှုနှင့်ပတ်သက်၍ တရားဥပဒေအရ သက်သေထွက်ဆိုရာတွင်လည်း သိသည့်၊ မြင် သည့် အချက်များကိုသာ ထွက်ဆိုမည်ဖြစ်ကြောင်း ကိုရဲလင်းက ပြောဆိုသည်။
ယနေ့ သတင်းစာရှင်းလင်းပွဲကို အခင်းဖြစ်ပွားမှုကြောင့် သေဆုံးသူများ၏ မိသားစုဝင်များ၊ သတင်းမီဒီယာသမားများ၊ စိတ် ၀င်စားသူများ တက်ရောက်ကြသည်။
၁၉၉၁-၉၂ ခုနှစ်က ကချင်ပြည်နယ် ပါဂျောင်ဒေသတွင် စစ်ထောက်လှမ်းရေးဟု စွပ်စွဲပြီးလူ ၁၀၀ ကျော်ကို ဖမ်းဆီး၍ ပြစ် ဒဏ်ပေး စီရင်မှု ဖြစ်ပွားခဲ့ရာABSDF မြောက်ပိုင်း ဥက္ကဌ ကိုထွန်းအောင်ကျော် အပါအ၀င် ၃၅ ဦး သေဆုံး၍လူ ၅၀ ကျော်မှာ တရုတ်ပြည်ဘက်သို့ ထွက်ပြေးလွတ်မြောက်သွားခဲ့ကြောင်း သိရသည်။

Read More

မြေသိမ်းခံ လယ်သမားများကို ယုဇနဦးဌေးမြင့် အလျော်ပေးမည်

လဖိုင်| August 31, 2012 (ဧရာဝတီ)

ကချင်ပြည်နယ်တွင် ယုဇန ကုမ္ပဏီက သိမ်းထားသည့် မြေကွက်များတွင် ရွှေတူးဖော်ရေး လုပ်ကိုင်နေသည်ကို တွေ့ရစဉ် (ဓာတ်ပုံ – KDNG)

ကချင်ပြည်နယ် ဖားကန့်မြို့နယ် ၀ါရာဇွပ်ကျေးရွာအုပ်စုမှ လယ်မြေဥယျာဉ်များ သိမ်းယူထားမူအတွက် ဆန္ဒပြရန် ရန်ကုန်မြို့သို့ ရောက်လာသည့် လယ်သမားများသည် ယုဇနကုမ္မဏီပိုင်ရှင် ဦးဌေးမြင့်မှ အချိန်မီ ညှိနှိုင်းရန် ကမ်းလှမ်းခဲ့ခြင်းကြောင့် ဆန္ဒပြခြင်းကို ရွှေ့ဆိုင်းလိုက်ကြောင်း သိရသည်။
“၂၈ ရက်နေ့ ည ၁၀ နာရီလောက်မှာ ဦးဌေးမြင့်ကိုယ်တိုင် ညိုမယ်ဆိုပြီး ဆက်သွယ်လာတယ်။ နေပြည်တော်မှာ သွားညှိပြီးတော့ လယ်မြေတွေ ပြန်လုပ်လို့ရအောင် လုပ်ပေးမယ်ပြောတယ်” ဟု ကိုယ်တိုင် လယ်အသိမ်းခံရပြီး လက်ရှိ လယ်သမား အရေး ဆောင်ရွက်နေသူ ဒေါ်ဘောက်ဂျာက ပြောသည်။
“မီဒီယာထဲမှာထည့်ပြီး အရှက်ခွဲလို့တဲ့ ဦးဌေးမြင့်က ပြောတာ။ ဒါနဲ့ သူများလယ် သိမ်းတာတော့ အားမနာဘူးလားလို့ ပြန်မေးခဲ့တယ်” ဟု ဒေါ်ဘောက်ဂျာက ဆိုသည်။
ဆန္ဒပြရန်အတွက် ခွင့်ပြုချက်လျှောက်ထားစဉ် ဗဟန်းရဲစခန်းက နေရာရွှေ့ပြီး ဆန္ဒပြရန်ပြောခဲ့ကြောင်း၊ ခွင့်ပြုချက် မရသော်လည်း ဆန္ဒပြရန်စီစဉ်ခဲ့ကြောင်း သိရသည်။
“ဆင်းလာကတည်းက ယုဇနကို ပြဖို့လာတာ။ အဲဒီမှာ မပြရရင် ရဲစခန်းရှေ့မှာ ပြမယ်လို့ပြောတော့ ဆန္ဒပြခွင့် မပြုတဲ့အကြောင်း စာရွက်ထုတ်ပေးတယ်” ဟု ဒေါ်ဘောက်ဂျာကပြောသည်။
မြိတ်မြို့နယ် ပြည်သူ့လွှတ်တော် ကိုယ်စားလှယ်လည်းဖြစ်သူ ဦးဌေးမြင့်က ၄င်းသိမ်းဆည်းထားသည့် ဧကနှစ်သိန်းကျော်သော မြေများအနက်မှ ပြန်ရလိုကြောင်း တရားစွဲဆိုထားသည့် လယ်သမား ၈၇ ယောက်၏ လယ်မြေများကို မူလနေရာတွင် မဟုတ်သည့်တိုင် လုပ်ကိုင်စားသောက်နိုင်သည့် နေရာတွင် အမည်ပေါက်ဖြင့် ပြန်လည်ပေးမည် ဖြစ်ကြောင်း၊ ဘူဒိုဇာများဖြင့် ထိုးဆွခဲ့သဖြင့် ပျက်စီးသွားသည့် လယ်မြေများ အတွက် လျော်ကြေး ကိုလည်း ပြည်နယ် တရားရုံးက ချမှတ်သည့်အတိုင်း ပေးဆောင်သွားမည်ဟု ညှိနှိုင်းခဲ့ကြောင်း၊ အသေးစိတ်ကို လွှတ်တော်ပြီးချိန်တွင် ရန်ကုန်၌ ဆက်လက် ဆွေးနွေးသွားမည်ဟု ဦးဌေးမြင့်က ကမ်းလှမ်းခဲ့ကြောင်း သိရသည်။
လယ်ယာမြေသိမ်းမူကို ဦးဌေးမြင့်က သူမသိကြောင်း၊ အစိုးရလုပ်ခိုင်းသဖြင့် လုပ်ရကြောင်း၊ တောင်သူပိုင် ခြံမြေ လယ်ယာများ ဖျက်ဆီးမူများကိုလည်း သူမသိကြောင်း၊ အိန္ဒိယနှင့်ဆက်သွယ်ပြီး ဒေသဖွံဖြိုးရေး မြို့တည်ပြီး စည်ကားအောင်ပြုလုပ်ပေးရန် မည်သူမှ မ၀င်လိုသည့်အချိန်တွင် သူဝင်ကြောင်း၊ ပီလောပီနံမှာလည်း နိုင်ငံတော်လောင်စာဆီ လိုအပ်ချက်အရ စိုက်ပျိုးရခြင်းဖြစ်သည်ဟု ညှိနှိုင်းသည့်အချိန်တွင် ရှင်းပြကြောင်း ဒေါ်ဘောက်ဂျာက ပြောသည်။
လယ်ယာမြေမဲ့သွားသည့် လယ်သမားများကို သူသိမ်းထားသည့်နေရာတွင် လာရောက် စိုက်ပျိုးစေပြီး ထွက်ရှိသည့် သီးနှံများကို တယောက်တ၀က် ရယူရန်အတွက်လည်း ဦးဌေးမြင့်က အကြံပြုခဲ့သေးကြောင်း သိရသည်။
“မြန်မာပြည်မှာ လျော်ကြေးတွေ၊ နစ်နာကြေးတွေသာ ပေးနေရမယ်ဆိုရင်ဘာမှ လုပ်စားလို့ရမှာ မဟုတ်ဘူးတဲ့၊ ဒါကြောင့် နစ်နာကြေးပုံစံ မဟုတ်ဘဲ ပျက်ဆီးသွားတာတွေအတွက် တရားရုံးက ချမှတ်တဲ့အတိုင်း ပေးမယ်လို့ ဦးဌေးမြင့်က ပြောတယ်” ဟု ဒေါ်ဘောက်ဂျာက ဆိုသည်။
ဖွံ့ဖြိုးတိုးတက်ရေးအတွက် ယုဇနကုမ္ပဏီမှ ကျောင်းများဆောက်ပေးမည်ဟု ဆိုသော်လည်း လက်တွေ့တွင် မဖြစ်လာသေးကြောင်း လယ်မြေသိမ်းခံရသူတဦးက ပြောသည်။
“ဘာကျောင်းမှမရှိဘူး။ အင်္ဂလိပ်ခေတ်က သံတံတား အကောင်းစားတွေကို ဖြုတ်ယူသွားပြီး တံတားအစား ကွန်ကရစ်ပိုက်လုံးတွေ လုပ်ပေးတယ်။ မိုးရွာတော့ ပိုက်လုံးနဲ့ရေမဆံ့တော့ သွားရေးလာရေး အကုန်ခက်ကုန်တယ်။ နောက်ပြီးတော့ လမ်းလုပ်တယ်တဲ့၊ မြေကြီးကိုဖို့ထားတာ နွေရာသီတော့ နည်းနည်းကောင်းတယ်။ မိုးရာသီဆိုတော့ ဗွက်တွေချည်းပဲ အရမ်းဆိုးသွားတယ်” ဟု ၄င်းက ဆက်ပြောသည်။
ကျားထိန်းသိမ်းရေး ဧရိယာဖြစ်သော်လည်း ဆိုင်းဘုတ်နားတ၀ိုက်တွင်သာ ဟန်ပြ တောအနည်းငယ် ချန်ထားပြီး တောအကုန် ရှင်းသဖြင့် ကျားလျှောက်လမ်းပင် မရှိတော့ကြောင်း ၀ါရာဇွပ်ရာသားတဦးက ပြောသည်။
ယုဇနကုမ္မဏီမှ လယ်ယာများကို ထိုးဆွသည့် ဘူဒိုဇာ ၁၀ စီးကို ရွာသားများက တူမီးသေနတ်နှင့် တားမြစ်ခဲ့သည်အထိ ပဋိပက္ခဖြစ်ခဲ့ဖူးပြီး ပြည်နယ် တရားရုံးသို့ တိုင်ကြားရာတွင်လည်း အမူကို ပလပ်ခဲ့သဖြင့် ၂၄ ရက်နေ့တွင် အထူးအယူခံ ၀င်ထားကြောင်း သိရသည်။
သိမ်းယူထားသည့် လယ်မြေများကို တလအတွင်း လုပ်ကိုင်နိုင်ရေး ပြင်ဆင်ပေးရန် ယဇနကုမ္ပဏီထံ တောင်းဆို ထားသည်ဟု ဒေါ်ဘောက်ဂျာက ပြောသည်။
၎င်းက “သူတို့တတွေ ညတွင်းချင်းတောင် ဧကများစွာကို ထိုးကော်ပစ်ခဲ့တာ စက်တွေအများကြီးရှိတယ်။ တလဆိုတာ လုံလောက်ပါတယ်” ဟု ပြောသည်။
ဦးဌေးမြင့်၏ ယုဇနကုမ္မဏီကဲ့သို့ပင် မင်္ဂလာဒုံမြို့နယ် ပြည်သူ့လွှတ်တော် အမတ် ဦးခင်ရွှေ၏ ဇေကမ္ဘာကုမ္မဏီသည်လည်း လယ်မြေသိမ်းခံရသည့် လယ်သမားများ၏ ဆန္ဒပြမူများနှင့် ရင်ဆိုင်နေရသည်။
ပြည်သူ့လွှတ်တော်ကိုယ်စားလှယ် ဦးဌေးမြင့်သည် ရင်းနှီးမြှုပ်နှံမူကော်မတီတွင် အဖွဲ့ဝင်တဦးလည်းဖြစ်သည်။

Read More

ဖားကန့် ပေါက်ကွဲမှု အစိုးရတပ်ဖွဲ့ဝင် ၇၀ ကျော် သေဆုံးဟုဆို

ကျော်ခ| August 31, 2012 (ဧရာဝတီ)

ရှေ့တန်းတနေရာမှ ကချင်လွတ်လပ်ရေး တပ်မတော် (KIA) စစ်သည်များ (ဓာတ်ပုံ – Lachid Kachin / Facebook)

ကချင်ပြည်နယ်၊ ဖားကန့်မြို့နယ်ထဲတွင် အစိုးရတပ်များနှင့် ကချင်လွတ်လပ်ရေး တပ်မတော် (KIA) တိုက်ပွဲကြောင့် ယမ်းဂိုဒေါင်တခု ပေါက်ကွဲခဲ့ကာ အစိုးရတပ်မှ တပ်ဖွဲ့ဝင် ၇၀ ကျော် ကျဆုံးသွားကြောင်း KIA မှ အရာရှိတဦးက ပြောသည်။
သြဂုတ်လ ၂၉ ရက်နေ့က ဖားကန့်မြို့နှင့် ၄ မိုင်ခန့်အကွာ စိုင်းဂျာဘုံကျေးရွာ၏ အရှေ့ဘက်ရှိ ဝေအောင်ကမ္ဘာ ကျောက်စိမ်းတူးဖော်ရေး ကုမ္ပဏီအနီးတွင် အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ရင်းနှင့် KIO တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ တိုက်ပွဲဖြစ်ပွားရာမှတဆင့် ယမ်းဂိုဒေါင်ပေါက်ကွဲကာ ကုမ္ပဏီအဆောက်အအုံကို အကာကွယ်ယူ တိုက်ခိုက်နေသော အစိုးရတပ်များ သေဆုံးသွားခဲ့ခြင်း ဖြစ်သည်ဟု သိရသည်။
“သူတို့တပ်တွေနဲ့ ကျနော်တို့ တပ်တွေက မျက်နှာချင်းဆိုင် သတိအနေအထားနဲ့ တိုက်နေတဲ့အချိန် ကုမ္ပဏီကို အကာကွယ်ယူပြီး သူတို့က တိုက်တယ်။ ကျနော်တို့ ပစ်လိုက်တဲ့ ပစ်မှတ်က ကုမ္ပဏီဘက်ကျပြီး ယမ်းစိမ်းတွေ လှောင်ထားတဲ့ ဂိုဒေါင်ပေါက်ကွဲသွားတော့ အုပ်စုလိုက် ကျကုန်တာ” ဟု KIA တပ်မဟာ ၂ လက်အောက်ခံ ရှေ့တန်း စစ်မြေပြင်မှ ဗိုလ်ကြီး လဒွဲက ဧရာဝတီသို့ ပြောသည်။
ပေါက်ကွဲမှုကြောင့် ကုမ္ပဏီအဆောက်အအုံများ အားလုံးနှင့် ကျောက်စိမ်းတူး စက်ကိရိယာများ ပျက်စီးကုန်ကြောင်း၊ ထို့အတူ KIA တပ်သားအချို့လည်း ဒဏ်ရာရရှိခဲ့ကြောင်း သိရသည်။ ပေါက်ကွဲမှုဖြစ်ပွားခဲ့သော ယမ်းများမှာ ၃ တန်အထက်တွင် ရှိကြောင်း KIA ရှေ့တန်းတပ်ဖွဲ့များက ခန့်မှန်းပြောဆိုသည်။
သိုလှောင်ထားသော အဆိုပါယမ်းများသည် ကျောက်စိမ်းတူးဖော်ရာတွင် စက်များဖြင့် ဖြိုခွဲ၍ မရသော ကျောက်တုံး ကျောက်ဆောင်များကို ဖောက်ခွဲရန် အတွက် အသုံးပြုသည့် ယမ်းများဖြစ်ကြောင်း သိရသည်။
ပေါက်ကွဲမှုဖြစ်ပွားရာ နေရာသို့ နောက်တနေ့တွင် KIA တပ်ရင်းတပ်ဖွဲ့များ သွားရောက် စစ်ဆေးရာတွင် အစိုးရတပ်ရင်းမှ ကျဆုံးသွားသော တပ်ဖွဲ့ဝင်များ၏ ရုပ်အလောင်း ၂၀ ကျော်နှင့် ရုရှားနိုင်ငံထုတ် ၇၃ မမ ဒုံးကျည်အခွံများ၊ ပျက်စီးနေသော လက်နက်များတွေ့ရှိခဲ့ရကြောင်း ရုပ်အလောင်းအများစုမှ ပေါက်ကွဲမှုကြောင့် မြေဖုံးလွှမ်းသွားကြောင်း ဗိုလ်ကြီး လဒွဲက ပြောသည်။
ပေါက်ကွဲမှုဖြစ်ပွားခဲ့သော ကုမ္ပဏီအနီးရှိ စိုင်းဂျာဘုံ၊ ဗလခ၊ မြောက်ဖြူ၊ ရှရှော်ခ စသည့် ကျေးရွာများရှိသော်လည်း ထိုကျေးရွာခံများကို ယခုလ ၂၄ ရက်နေ့ မတိုင်ခင်ကတည်းက နှစ်ဖက်တပ်များက သတိပေးထားသဖြင့် ဖားကန့်မြို့ပေါ်သို့ ရွှေ့ပြောင်း ခိုလှုံနေကြသဖြင့် ဒေသခံများ ထိခိုက်မှု မရှိခဲ့ကြောင်းသိရသည်။
ပေါက်ကွဲမှုအရှိန်ကြောင့် အနီးရှိကျေးရွာများမှ အိမ်တချို့ ပြိုကျပျက်စီးကုန်ကြောင်း လုံးခင်းကျေးရွာသူတဦးက ပြောသည်။ ထို့အတူ ပြင်ထန်သည့် ပေါက်ကွဲမှု၏ တုန်ခါမှုကြောင့် ဖားကန့်မြို့ပေါ်ရှိ အဆောက်အအုံတချို့မှ မှန်ပြတင်းတခါးများလည်း ပျက်စီးကုန်ကြောင်း မြို့ခံများက ပြောသည်။
ဗလခ ရွာသူတဦးကလည်း “ကျမတို့ ဈေးဆိုင်ပေါ်ကိုလည်း ခဲလုံးတွေကျလို့ ပျက်စီးကုန်တယ်လို့ အစောင့်ကျန်ခဲ့တဲ့ လူတွေက တဆင့်သိရတယ်။ ပြန်တော့ မကြည့်ဖြစ်ဘူး။ ရွာကလူတွေက မြို့ပေါ်ကို အကုန်လုံးလိုလို ထွက်ပြေးလာတော့ လူတွေတော့ ထိခိုက်မှု မရှိပါဘူး” ဟု ပြောသည်။
ပေါက်ကွဲမှု၊ သေဆုံးမှုများနှင့် ပတ်သက်၍ နှစ်ဖက်အတည်ပြုနိုင်ရန် အနီးစပ်ဆုံးဖြစ်သော ဖားကန့်မြို့နယ် ရဲစခန်းကို ဧရာဝတီက ဆက်သွယ်မေးမြန်းခဲ့ရာ ပေါက်ကွဲမှုကို အတည်ပြုသော်လည်း မြို့တွင်းလုံခြုံရေးကို ဂရုစိုက်နေရသဖြင့် အစိုးရတပ်များ ကျဆုံးမှုကို သိရှိခြင်း မရှိကြောင်း ဖြေကြားသည်။
သို့သော် ပြည်တွင်း အခြေစိုက် The Voice Weekly ဂျာနယ်၏ Facebook စာမျက်နှာတွင် အဆိုပါ ပေါက်ကွဲမှုသည် KIA အဖွဲ့များ ထောင်ထားသည့် အတွဲလိုက်ပေါက်ကွဲသော မိုင်းပဒေသာ ပေါက်ကွဲမှုဖြစ်ကြောင်း၊ ထိုပေါက်ကွဲမှုတွင် အစိုးရတပ် ခလရ ၂၆၉ မှ အရာရှိ ၆ ဦးအပါအဝင် စုစုပေါင်း ၄၈ ဦး ကျဆုံးသွားကြောင်း ဗန်းမော်အခြေစိုက် စစ်ဆင်ရေးနှင့် ကွပ်ကဲမှု ဌာနချုပ် (စကခ) (၂၁) ကို ကိုးကား၍ ဖော်ပြထားသည်။
ပေါက်ကွဲမှုဖြစ်ပွားပြီးနောက် အနောက်မြောက်တိုင်း စစ်ဌာနချုပ် လက်အောက်ခံ တပ်ရင်းများ၊ ဖားကန့်မြို့နယ် အတွင်းရှိ စိုင်းတောင်၊ လုံးခင်းနှင့် စမား စသည်နေရာများတွင် အခြေချထားသည့် အစိုးရတပ်စခန်းများကို လက်နက်ခဲယမ်းနှင့် တပ်အင်အားများ တိုးချဲ့နေကြောင်း ယခုအခါ နှစ်ဖက် အသင့်အနေအထားတွင် ရှိနေကြောင်း KIA က ပြောသည်။
ယခင်က ဖားကန့်မြို့နယ်ထဲတွင် အစိုးရတပ်များအနေဖြင့် KIA အပေါ် ယခုကဲ့သို့ ထိုးစစ်ဆင် တိုက်ခိုက်မှုများ မရှိခဲ့သော်လည်း ယခုလ ၂၄ ရက်နေ့မှ စတင်ကာ တိုက်ပွဲများ ဖြစ်ပွားခဲ့သဖြင့် ဒေသတွင်းရှိ ဗလခ၊ စိုင်းတောင်၊ မှော်မောင်းကုန်း၊ မှော်ဝန်းကြီး၊ မှော်ဝန်းလေး၊ ရှရော်ခ၊ စိုင်းဂျာဘုံ၊ လမောင်းကုန်း၊ မြောက်ဖြူနှင့် သန်းကြွယ် အပါအဝင် ကျေးရွာပေါင်း ၂၀ ကျော်မှ ဒေသခံ ၈ ထောင်ကျော်သည် အိုးအိမ်များကို စွန့်ကာ ဖားကန့်မြို့ပေါ်ရှိ ကယ်ဆယ်ရေး စခန်းများတွင် ခိုလှုံနေကြသည်။

Read More

မြန်မာပြည် ပို့မည့် လက်နက်များ ဖမ်းမိ

သန်းထိုက်ဦး| August 31, 2012 (ဧရာဝတီ)

ဖမ်းဆီးရမိသည့် လက်နက်များကို ယနေ့ ကျင်းပသည့် သတင်းစာ ရှင်းလင်းပွဲ၌ ပြသ ရှင်းလင်းစဉ် (ဓာတ်ပုံ – krobkruakao.com)

မြန်မာပြည်ဘက်သို့ လက်နက်တင်ပို့ ရောင်းဝယ်ရေး လုပ်ကိုင်နေသူဟု ယူဆရသော ထိုင်းနိုင်ငံသား ၂ ဦးကို လက်နက်များနှင့် အတူ ထိုင်း-မြန်မာနယ်စပ်တွင် ထိုင်းအာဏာပိုင်များက ယနေ့ ဖမ်းဆီးလိုက်သည်။
လက်နက်များကို ထိုင်းနိုင်ငံ မြောက်ပိုင်း ချင်းရိုင် ခရိုင် မဲ့ဖာလွန်မြို့နယ် အတွင်းရှိ စစ်ဆေးရေး ဂိတ်တွင် ထိုင်း အာဏာပိုင်များက ဖမ်းဆီးရမိခြင်း ဖြစ်ကြောင်း သိရသည်။
သက်သေခံ ပစ္စည်းများ အဖြစ် ဖမ်းဆီးရမိသော လက်နက်များထဲတွင် ၇၉ မမ လောင်ချာ ၁၉ လက်၊ အေကေ (၄၇) သေနတ် ၂၈ လက် စသည့် လက်နက်မျိုးစုံ တို့ကို ဖမ်းဆီးရမိခဲ့ကြောင်း ထိုင်းသတင်းများအရ သိရသည်။
ယင်း လက်နက်များကို အိမ်နီးချင်းနိုင်ငံ တိုင်းရင်းသား လက်နက်ကိုင် အဖွဲ့အစည်းများထံသို့ ရောင်းချရန် ဖြစ်ကြောင်း အဖမ်းခံရသူ များက ထွက်ဆိုကြောင်း ထိုင်း အခြေစိုက် krobkruakao သတင်းဝက်ဘ်ဆိုက်တွင် ယနေ့ ရေးသားထားသည်။ ထို သတင်း၌ လက် နက်ရောင်းချမည်ဆိုသော တိုင်း ရင်းသား လက်နက်ကိုင် အဖွဲ့၏ အမည်များကို ဖော်ပြထားခြင်း မရှိပေ။
သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းကမူ ထိုင်း ရဲအရာရှိ တဦးကို ကိုးကား၍ နောက်ဆုံးရရှိ ထားသည့် သတင်း အရ လက်နက်များကို “၀” ပြည် သွေးစည်း ညီညွတ်ရေး တပ်မတော် (UWSA) တပ်ဖွဲ့ဝင်များကို ရောင်းရန်အတွက် ဖြစ်ကြောင်း အဖမ်းခံရသူများက ထွက်ဆိုခဲ့သည်ဟု ဧရာဝတီသို့ ပြောသည်။
“သူတို့ကို စစ်တဲ့ ရဲအရာရှိကတော့ ၀တပ်ဖွဲ့ကို ပို့တယ်လို့ပြောတယ်”ဟု ၎င်းက ဆိုသည်။ ယင်း ကိစ္စနှင့် ပတ်သက်၍ ရှမ်း ပြည် တပ်မတော် တောင်ပိုင်း (SSA-S) ကိုမေးမြန်းခဲ့ရာတွင်လည်း ၎င်းတို့နှင့် မသက်ဆိုင်ဟု ငြင်းဆိုကြောင်း ဦးခွန်ဆိုင်းက ဆက်ရှင်းပြ သည်။
“ဒီနေရာမှာ SSA လည်း ရှိတယ်၊ ၀ လည်း ရှိတယ်၊ ပြည်သူ့စစ်လည်း ရှိတယ် ဆိုတော့ ဘယ်သူမဆို ဖြစ်နိုင်တာပေါ့ သို့သော် လည်း တဖက်က ဒီထွက်ဆိုတဲ့ လူကလည်း ဖမ်းမိပြီးဆိုတော့ လိမ်စရာ အကြောင်းမရှိတော့လို့ ထင်တယ်”ဟု ၎င်းက ဆိုသည်။
သို့သော် မည့်သည့် တိုင်းရင်းသား လက်နက်ကိုင် အဖွဲ့အစည်းများနှင့် ပတ်သက်ကြောင်း ဧရာဝတီ သတင်းက သီးခြား အတည် ပြုချက် ရယူနိုင်ခြင်း မရှိသေးပေ။
အဆိုပါ ဖမ်းဆီးရမိမှုနှင့် ပတ်သက်ပြီး ယနေ့တွင် ချင်းရိုင်မြို့၌ ထိုင်းအာဏာပိုင်များက သတင်းစာ ရှင်းလင်းပွဲ တရပ်ပြုလုပ်ကြောင်း သိရသည်။
ပြီးခဲ့သည့် ဇွန်လ ၂၆ ရက်နေ့ကလည်း ရှမ်းပြည်နယ် တာချီလိတ် မြို့နယ်ဘက်သို့ လက်နက်တင်ပို့ ရောင်းဝယ်ရေး လုပ်ကိုင်နေသူဟု ယူဆရသော ထိုင်း နိုင်ငံသား ၁ ဦး ကို လက်နက်များနှင့်အတူ ထိုင်း-မြန်မာ နယ်စပ်တွင် ဖမ်းမိခဲ့သေးသည်။ ထိုစဉ်ကလည်း အာပီဂျီ လောင်ချာ ၁၂ လက်၊ အေကေ ၄၇ မောင်း ပြန် ရိုင်ဖယ် ၁၇ လက်၊ အမ် ၁၆ မောင်းပြန် ရိုင်ဖယ် ၆ လက်၊ အမ် ၇၉ လောင်ချာ ၁၂ လက်နှင့် အာပီဂျီ ဗုံးသီး ၉ လုံး တို့ကို ဖမ်းဆီး ရမိခဲ့ကြောင်း ထိုင်း သတင်းများက ဖော်ပြကြသည်။
၂၀၁၁ ခုနှစ် ဖေဖော်ဝါရီလအတွင်း၌လည်း UWSA တပ်ဖွဲ့ အတွက် လက်နက်ရောင်းဝယ်ရေး လုပ်ကိုင်နေသူဟု ယူဆရသော ထိုင်းနိုင်ငံသား ၂ ဦးကို လက်နက်များနှင့် အတူ ထိုင်းအာဏာပိုင်များက ဖမ်းဆီးခဲ့သေးသည်။
ထိုစဉ်က သေသေခံ ပစ္စည်းများ အဖြစ် ၉ မမ ပစ္စတို ၅၆ လက်၊ သေနတ်ပြောင်းရှည် ၂ လက်၊ ၆၀ မမ လောင်ဂျာ နှင့် သေနတ် ကျည်ဆန် အတောင့် ၂၀၀၀ တို့ကို သိမ်းဆည်းရမိခဲ့သည်။
မယ်ဆိုင်မြို့ တဖက်ကမ်းရှိ တာချီလိတ်မြို့သည် အစိုးရ စစ်တပ်၊ ရဲ၊ လူဝင်မှု ကြီးကြပ်ရေး (လ၀က)၊ အကောက်အခွန်၊ ငြိမ်းချမ်း ရေးယူထားသည့် အဖွဲ့ဝင်များ၊ မူးယစ်ဆေးဝါး ရောင်းဝယ်လုပ်ကိုင်နေသူများ ကျင်လည် ကျက်စားနေသော မြို့ဖြစ်ကြောင်း သိရသည်။

Read More

“လွှတ်တော်အသံ၊ ပြည်သူ့အသံ” ဟုတ်ပါရဲ့လား

မဇ္ဈိမသတင်းဌာန | သောကြာနေ့၊ သြဂုတ်လ ၃၁ ရက် ၂၀၁၂ ခုနှစ် ၁၃ နာရီ ၄၈ မိနစ်

ဒီကနေ့ လွှတ်တော်နှစ်ရပ်ဟာ ဘယ်ကို သွားနေပါသလဲ။ ပြည်သူ့အကျိူးစီးပွားကို ဆွေးနွေးကြတာမျိူးလား၊ မိမိတို့လုပ်ပိုင်ခွင့်၊ အာဏာနဲ့ အခွင့်အရေးတွေ တိုးမြှင့်ဖို့လား ဆိုတာ မေးစရာရှိလာပါပြီ။

လက်ရှိလွှတ်တော်ထဲမှာ အခြေအတင်ပြောဆိုနေတာတွေကို ကြည့်တာနဲ့တင် နှစ်ခြမ်း ကွဲနေပြီလို့ ပြည်သူတွေက
မြင်နေရပါပြီ။ ရွေးချယ်ခံ လွှတ်တော် ကိုယ်စားလှယ်တွေက တဘက်၊ တပ်မတော်သား ကိုယ်စားလှယ်တွေက တဘက် အပြန်အလှန် ပြောဆိုနေကြတာ ဒီတပတ်လွှတ်တော်ရဲ့ ပြောင်းလဲလာတဲ့ အသွင်တရပ်ပါ။

ပြီးခဲ့တဲ့ ၂ဝ၁ဝ ပြည့်နှစ် ရွေးကောက်ပွဲက တက်လာတဲ့ ကိုယ်စားလှယ်တွေက ဦးဆောင်ပြီး ဖွဲ့စည်းပုံအခြေခံဥပဒေက သတ်မှတ်ပြဋ္ဌာန်းထားတဲ့ အခွင့်အာဏာ အဆင့်အတန်းထက် ပိုပြီး ရဖို့အတွက် အာဘောင် အာရင်းသန်သန် ဥပဒေပုဒ်မတွေ ရွတ်ပြီး တောင်းဆိုနေတာ အများအမြင်ပါပဲ။ တပ်မတော်သား ကိုယ်စားလှယ်တွေကို ကြည့်တော့ ဖွဲ့စည်းပုံ အခြေခံဥပဒေအရ ပြဋ္ဌာန်းချက်နဲ့ အညီ ဖြစ်သင့်တယ်လို့ ပြောဆိုကြတာ တွေ့ရပါတယ်။

ဒီကိစ္စတွေ ဆွေးနွေးနေတာ လနဲ့ချီပြီး ကြာနေပါပြီ။ နေ့စဉ် စကိုင်းနက် ရုပ်သံက လွှတ်တော် ချယ်နယ်မှာလည်း ဒီအရေးကိုပဲ ဦးစားပေး ဆွေးနွေးနေကြတာကို တွေ့နေရပါတယ်။ ဒါပေမယ့် ပြည်သူအများစု ကြည့်ရှုနိုင်တဲ့
မြန်မာ့ရုပ်မြင်သံကြားနဲ့ နိုင်ငံပိုင်သတင်းစာတွေမှာတော့ ဒီအရေးကို အကျယ်တဝင့် ထုတ်ဖော် ပြသတာတော့ မတွေ့ရပါဘူး။

သမ္မတကြီးနဲ့ ဝန်ကြီးတွေဟာ နိုင်ငံမှာ လက်ရှိဖြစ်ပေါ်နေတဲ့ ရေဘေးဒုက္ခသည်တွေကို ကွင်းဆင်းကြည့်ရှုဆောင်ရွက်
နေချိန်မှာ လွှတ်တော် ကိုယ်စားလှယ်တွေ ဘာကို အလေးထား ဆွေးနွေးနေကြပါသလဲ။ မေးခွန်းထုတ်စရာပါ။

ဒီလိုဆိုတဲ့အတွက် သမ္မတကြီးနဲ့ သူ့အစိုးရအဖွဲ့ဝင်တွေကို အထူးချီးမြှောက် ပြောဆိုနေခြင်း မဟုတ်ပါ။ သူ့ရဲ့ လုပ်ဆောင်ချက် ကောင်းရင် ကောင်းသလို ချီးမြှောက်ပြောဆိုပြီး မကောင်းရင် မကောင်းသလို ဝေဖန်ထောက်ပြ ဖို့က ပြည်သူတဦး အနေနဲ့လည်း တာဝန်ရှိတယ်လို့ ယုံကြည်လို့လည်း ဖြစ်ပါတယ်။

တဘက်က လွှတ်တော်ထဲမှာ နေ့စဉ် လုပ်ပိုင်ခွင့်နဲ့ အာဏာအတွက် ခေါင်းစဉ်အမျိူးမျိူး တပ်ပြီး ဆွေးနွေးနေကြတာ ဟာ တကယ်ရော ပြည်သူတွေအတွက် လုပ်နေတာ ဟုတ်ရဲ့လားလို့ ပြည်တွင်းမှာနေထိုင်တဲ့ ပြည်သူတွေက မေးခွန်း
တွေ ထုတ်လာကြာပါပြီ။ သူတို့တွေက ပြည်သူက ရွေးချယ်တင်မြှောက်လိုက်တဲ့ ပြည်သူ့ကိုယ်စားလှယ်ဆိုတဲ့ အသုံးအနှုန်းနဲ့ လွှတ်တော်ထဲမှာ လခရိက္ခာတွေ စားသုံးပြီး ကိုယ်လိုရာကို ဆွဲယူ တင်ပြနေကြတယ်လို့ မြင်လာပါ တယ်။

ဒီမိုကရေစီ နိုင်ငံတော် တရပ်ကို ဦးတည်သွားနေတဲ့အချိန်မှာ အခက်အခဲမျိူးစုံ၊ စိန်ခေါ်မှု မျိူးစုံကို နည်းမျိူးစုံနဲ့ ရင်ဆိုင်နေကြရပြီး လွှတ်တော်ထဲမှာတော့ တန်ခိုးသြဇာ အာဏာ အတွက် ပိုမိုကျယ်ပြန့် ခိုင်မာလာရေးကိုသာ အသုံးအနှုန်းမျိူးစုံနဲ့ လှည့်ပတ် ပြောနေတယ်လို့ ပြည်သူတဦးအနေနဲ့ ရိုးသားစွာ မြင်မိပါတယ်။

စာရေးသူ၏ တဦးတည်း ပုဂ္ဂလိက အမြင်မှာတော့ အရင် နအဖ အစိုးရအဖွဲ့က နံပါတ် ၃ နေရာမှာ ရှိခဲ့တဲ့ လွှတ်တော် ဥက္ကဋ္ဌ ပုဂ္ဂိုလ်ကြီးက ယခုအခါ အဆင့် တော်တော် လျော့ကျသွားခဲ့တယ်လို့ မြင်ပါတယ်။ သူဟာ မကြာခင်မှာပဲ
နိုင်ငံဝန်ထမ်းတွေကို လွန်ခဲ့တဲ့ အနှစ် ၅ဝ ကျော်လောက်က လစာ၊ ရိက္ခာမျိုး ရသင့်တယ်ဆိုတဲ့ မဖြစ်နိုင်တဲ့ မက်လုံးမျိူး ပေးပြီး အစိုးရအဖွဲ့ကို စိန်ခေါ် တောင်းဆိုခဲ့ဖူးတာကို တွေ့ရပါလိမ့်မယ်။

အခု ဒုတိယအခေါက်လို့ ပြောနိုင်မယ့် အခါမှာတော့ ရွေးချယ်ခံ လွှတ်တော်ကိုယ်စားလှယ် (အမတ်) တွေရဲ့ အဆင့်အတန်းကို အာဏာပိုင် ၃ ရပ် (ဝန်ကြီးအဆင့်) နဲ့ အညီ တန်းတူ ရနိုင်ဖို့ စည်းရုံးပြီး ပြည်ထောင်စုအဆင့် အဖွဲ့အစည်းတွေကို ထပ်စိန်ခေါ်ပြန်သလားလို့ ယူဆမိပါတယ်။

ဒီအခါမှာ ဖွဲ့စည်းပုံအခြေခံဥပဒေကို ကာကွယ်စောင့်ရှောက်ရတဲ့ ခုံရုံးအဖွဲ့နဲ့ ထိပ်တိုက် တွေ့ပြီး ခုံရုံး ဥက္ကဋ္ဌနဲ့ အဖွဲ့ကို လွှတ်တော်ထဲခေါ်ပြီး စွပ်စွဲပြစ်တင်ဝေဖန်ကြတာကို တွေ့ရပါတယ်။

၂ဝ၁ဝ ရွေးကောက်ပွဲကာလက တက်လာခဲ့တဲ့ လွှတ်တော်ကိုယ်စားလှယ်ကြီးတွေ အများစုဟာ အမှန်တကယ်
ပြည်သူ့ရွေးချယ်မှုနဲ့ တက်လာခဲ့တာလားဆိုတာ သံသယ ရှိနေခဲ့တဲ့အတွက် ပြည်သူ့ကိုယ်စားလှယ် အစစ်လို့
ပြောလို့ရနိုင်ပါ့မလား။

ဒီလိုဆိုရင် ၂ဝ၁၂ ကြားဖြတ်ရွေးကောက်ပွဲက တက်လာတဲ့ ကိုယ်စားလှယ်တွေကကော ဘယ်ကို သွားနေပါသလဲ။ လူညီရင် ‘ဤ’ ကို ‘ကျွဲ’ ဖတ်လို့ရတာနဲ့ ဒီမိုကရေစီ နည်းလမ်းက တခြားစီပါပဲ။ ဒါဖြင့် သူတို့တွေ အများမိုးခါးရေ
သောက်တိုင်း ဘာကြောင့် လိုက်သောက်နေကြပါလိမ့်။ မေးခွန်းထုတ်စရာပါ။ အခွင့်အရေးကိုပြပြီး စည်းရုံးခံရတဲ့ အတွက် ကြောင့်လား။

အာဏာပိုင် အဖွဲ့အစည်းက ပုဂ္ဂိုလ်တွေကို လွှတ်တော်က ထိန်းကျောင်းနိုင်တဲ့ နည်းလမ်းတွေ အများကြီး ရှိပါတယ်။ နည်းစနစ်တွေက အများကြီးပါ။ ဒါကို မစဉ်းစားဘဲ တန်းတူအခွင့်တူ ရဖို့ဆိုတာက အခြေခံဥပဒေမှာလည်း မပါဘူးလို့ မှတ်သားမိပါတယ်။ မပါတဲ့အတွက် ပြင်ရန်လည်း မလိုဘူးလို့ ထင်မြင်ပါတယ်။

လွှတ်တော်ရဲ့ သြဇာအာဏာဟာ ပြည်သူလူထုရဲ့ သြဇာအာဏာသာ ဖြစ်ပါတယ်။ ပြည်သူတွေရဲ့ သြဇာအာဏာကို မလိုက်နိုင်တဲ့ အုပ်ချုပ်ရေး၊ ဥပဒေပြုရေး၊ တရားစီရင်ရေး မဏ္ဍိုင်တွေဟာ ရေရှည် ဘယ်လိုမှ ရပ်တည်နိုင်ဖို့ မရှိပါဘူး။ သြဇာသက်ရောက်ဖို့ လိုပါတယ်။ အာဏာသက်ရောက်ဖို့ မလိုပါ။ အာဏာအတွက် အဆင့်အတန်း တိုးဖို့လည်း မလိုပါ။

ယခုအခြေခံဥပဒေကို ကာကွယ်စောင့်ရှောက်ရတဲ့ ခုံရုံးကို လွှတ်တော်က စုံစမ်းစစ်ဆေးရေး ကော်မရှင်ဖွဲ့ စစ်ဆေးဖို့ လုပ်လာပြန်ပါတယ်။ လုပ်ပိုင်ခွင့် ရှိပါသလား။ ဒီအဖွဲ့ရဲ့ တာဝန်အရှိဆုံး ပုဂ္ဂိုလ်ကကော ဘယ်လောက် အတိုင်းအတာ အထိ သမာသမတ်ရှိရှိ လုပ်ဆောင်နိုင်မှာလဲဆိုတာ မေးခွန်းထုတ်မိပါတယ်။

အမှိုက်က စပြီး ပြသာဒ် မီးလောင်တဲ့အထိ မရောက်ရလေအောင် ဒီမိုကရေစီလမ်းစဉ်ကို တဖွဖွပြောဆိုခဲ့ကြတဲ့
ရွေးကောက်ပွဲအနိုင်ရ ကိုယ်စားလှယ်တော်ကြီးများ၊ တိုင်းရင်းသား လွှတ်တော်ကိုယ်စားလှယ်ကြီးများနဲ့ မိမိကိုယ်ကို သမာသမတ်ကျကျ လုပ်ဆောင်နေကြသည်ဟု ယူဆကြသော တပ်မတော်သား ကိုယ်စားလှယ်ကြီးများက အချိန်မီ
ဖြေရှင်းနိုင်ကြဖို့ မျှော်လင့်မိပါတယ်။

“လွှတ်တော်အသံ၊ ပြည်သူ့အသံ” ဆိုတဲ့ စကားနဲ့အညီ လွှတ်တော်ကိုယ်စားလှယ်တွေရဲ့ အသံသပ်သပ်မဟုတ်ဘဲ
ပြည်သူ့အသံ စစ်စစ်ကိုသာ နားထောင်ပြီး နိုင်ငံဖွံဖြိုးရေးကို အလေးပေးကြဖို့ တောင်းဆိုလိုပါတယ်။   ။

အငြိမ်းစား ဝန်ထမ်းတဦး

Read More

ရခိုင်မှ အိုးအိမ်မဲ့ ဒုက္ခသည်များအား သြစတြေးလျ တိုက်ရိုက်ကူညီမည်

မဇ္ဈိမသတင်းဌာန | သောကြာနေ့၊ သြဂုတ်လ ၃၁ ရက် ၂၀၁၂ ခုနှစ် ၁၇ နာရီ ၅၃ မိနစ်

မဇ္ဈိမသတင်းဌာန ။        ။ သြစတြေးလျနိုင်ငံသည် ရခိုင်ပြည်နယ်တွင် ဖြစ်ပွါးခဲ့သည့် ပဋိပက္ခများကြောင့် အိုးမဲ့အိမ်မဲ့ ဖြစ်ခဲ့ရသည့် လူပေါင်း ၁၄,ဝဝဝ ခန့်အား လိုအပ်မည့် အခြေခံ ပစ္စည်းများ ပေးအပ်နိုင်ရန် ရည်ရွယ်၍ အရေးပေါ် အကူအညီအဖြစ် အမေရိကန် ဒေါ်လာ ၁ သန်းကို မြန်မာနိုင်ငံသို့ ပေးအပ်မည် ဖြစ်သည်။

“အိမ်တွေကို စွန့်ခွါထွက်ပြေးပြီး အခုလောလောဆယ် ယာယီစခန်းတွေမှာ ခိုလှုံနေကြတဲ့ လူ ၁၄,ဝဝဝ အတွက် အရေးပေါ် အကူအညီအဖြစ် အဝတ်အစား၊ စောင်တွေ နဲ့ တခြား အခြေခံ ပစ္စည်းတွေ ဖြစ်တဲ့ ခြင်ထောင်၊ အိပ်ရာခင်း၊ ဆပ်ပြာလို ပစ္စည်းတွေကို ပေးအပ် ကူညီဖို့ ဖြစ်ပါတယ်” ဟု သြစတြေးလျ နိုင်ငံခြားရေးဝန်ကြီး ဘော့ဘ်ကား Bob Carr က ဆိုသည်။

ပဋိပက္ခအတွင်း ပျက်စီးသွားခဲ့သည့် သီးနှံပင်များအား ပြန်လည် အစားထိုး စိုက်ပျိုးရန် အတွက် မျိုးစေ့များနှင့်
မြေသြဇာများကိုလည်း ပေးအပ်ကူညီသွားမည် ဖြစ်သည်။

အဆိုပါ အကူအညီ ငွေကြေးများအား CARE Australia က စီမံခန့်ခွဲမည် ဖြစ်ပြီး လိုအပ်နေသူများအား လူမျိုးစွဲ အုပ်စုစွဲ မထားဘဲ ပေးအပ်ကူညီ သွားမည်ဟု ဝန်ကြီး ဘော့ဘ်ကား က ဆိုသည်။

အကြမ်းဖက်မှုများအား စုံစမ်းစစ်ဆေးရန်အတွက် မြန်မာအစိုးရက လွတ်လပ်သည့် ကော်မရှင်တရပ် ဖွဲ့စည်းခဲ့ခြင်း ကိုလည်း Bob Carr က ကြိုဆိုလိုက်သည်။

“မြန်မာနိုင်ငံရဲ့ ဘာသာရေး၊ လူမျိုးရေး တင်းမာမှုတွေ အကြောင်းကို သမ္မတ ဦးသိန်းစိန်နဲ့ ဇွန်လမှာ စကားပြောဆိုခဲ့ တုန်းက ကျနော် တိုက်ရိုက် ဆွေးနွေးပြောဆိုခဲ့ပါတယ်။ ကျနော်တို့ရဲ့ မြန်မာနိုင်ငံဆိုင်ရာ သံအမတ်ကိုလည်း အဲဒီအရေးကို မြန်မာအစိုးရနဲ့ ဆက်လက် ပြောဆိုဆွေးနွေးဖို့ ညွှန်ကြားထားပါတယ်” ဟု ဆိုသည်။

ရခိုင်ပြည်နယ် အတွင်းရှိ၊ အိုးအိမ်စွန့်ခွာပြေးခဲ့ရသော ဒုက္ခသည်များအား အခြေခံ အစားအစာများနှင့် ကျန်းမာရေး
စောင့်ရှောက်မှု ဆိုင်ရာ အကူအညီများ ထပ်မံ ပေးအပ် ကူညီရန် အတွက်လည်း သြစတြေးလျ က နိုင်ငံတကာ အသိုင်းအဝိုင်းအား တိုက်တွန်းခဲ့သည်။

Read More

အစိုးရတပ်များ ဆုတ်ပေးပါက နေရာမရွေး ဆွေးနွေးမည်ဟု KIO ပြော

ဖနိဒါ | သောကြာနေ့၊ သြဂုတ်လ ၃၁ ရက် ၂၀၁၂ ခုနှစ် ၁၈ နာရီ ၅၂ မိနစ်

ချင်းမိုင်(မဇ္စျိမ)။   ။ အစိုးရဘက်မှ တပ်များ ဆုတ်ခွာပေးပါက မည်သည့်နေရာတွင်မဆို ငြိမ်းချမ်းရေးအတွက်
တွေ့ဆုံဆွေးနွေးမည် ဖြစ်ကြောင်း ကချင်လွတ်လပ်ရေးအဖွဲ့ KIO မှ ငြိမ်းချမ်းရေး ကိုယ်စားလှယ် ဗိုလ်မှူး ဂျီးနောင် က ပြောသည်။

ရှမ်းပြည်နယ်၊ မူဆယ်မြို့နှင့် နေပြည်တော်တွင် နှစ်ဘက် တွေ့ဆုံလိုကြောင်း ပြည်ထောင်စု ငြိမ်းချမ်းရေးဖော်ဆောင်
ရေး လုပ်ငန်းကော်မတီမှ သြဂုတ်လ ၂၅ ရက်နေ့က KIO ထံ ကမ်းလှမ်းခဲ့သည့်အပေါ် ၎င်းက တုန့်ပြန် ပြောဆို
လိုက်ခြင်း ဖြစ်သည်။

“မဆွေးနွေးရသေးဘူး။ နေပြည်တော်နဲ့ မူဆယ်မှာ တွေ့ရအောင်ပြောတာ ကြာပြီ အဖြေ မပေးသေးဘူး။ ကျနော်တို့
ပြောထားတာက လုံခြုံတဲ့နေရာ ဘယ်နေရာဖြစ်ဖြစ် တွေ့လို့ ရတယ်။ တကယ်လို့ သူတို့ဘက်က တပ်တွေ ဆုတ်လိုက်
မယ်ဆိုရင် ဗန်းမော်မှာ ဖြစ်ဖြစ် ရတယ်” ဟု ဗိုလ်မှူးကြီး ဂျီးနောင်က ပြောသည်။

ထိုကမ်းလှမ်းမှုနှင့်ပတ်သက်၍ “အစိုးရဘက်က ရှင်းရှင်းလင်းလင်း မပြောဘူး။ အလွတ်သဘော တွေ့ဖို့ပဲ ပြောတယ်။ ကျနော်တို့က အလွတ်သဘော မဟုတ်ဘဲ၊ တရားဝင် တွေ့ဆုံ ဆွေးနွေးချင်တာ”ဟု သူက မဇ္စျိမကို ပြောသည်။

KIO ဘက်မှ တုံ့ပြန်မှုအား စောင့်နေသည်ဟု ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။ ပို့လိုက်သော စာတွင် ငြိမ်းချမ်းရေး လုပ်ငန်းစဉ်နှင့် ပတ်သက်၍ ပြောင်းလဲခြင်း မရှိဘဲ ဆက်လက် လုပ်ဆောင်သွားမည် ဖြစ်၍ မူဆယ် သို့မဟုတ် နေပြည်တော်တွင် တွေ့ဆုံရန် ကမ်းလှမ်းခဲ့ခြင်း ဖြစ်သည်ဟု ဆိုသည်။

KIO ဘက်ကမူ တရုတ်နယ်စပ် ပရဝမ်ဒေသတွင် တွေ့ဆုံရန်သာ ပြောဆိုနေခြင်း ဖြစ်သည်။

တိုက်ပွဲများ ဆက်လက် ဖြစ်ပွားနေသဖြင့် ယခု နေပြည်တော်နှင့် မူဆယ်မြို့များတွင် တွေ့ဆုံမည့် အစီအစဉ်သည် KIO ဘက်မှ အနည်းငယ် အခက်အခဲ ရှိနိုင်မည်ဟု ယူဆကြောင်း ကချင်ငြိမ်းချမ်းရေး အကျိုးဆောင် ဦးဂွမ်ဂျာက ပြော
သည်။

“KIO ဘက်ကလည်း ပြန်တွေ့ဖို့ ပြောထားတယ်။ ဒါပေမယ့် ရှေ့တန်းမှာ စစ်ဆင်ရေး များလာလို့ အရင်တခေါက်
ပြောတဲ့ မူဆယ်နဲ့ ဗန်းမော်မှာ မသွားနိုင်းဘူး ပြောထားတာ။ ခုလည်း ဖားကန့်ဘက်မှာလည်း တိုက်နေတုန်းပဲ။ ခုလည်း မတွေ့ဘူးလို့ ပြောတာမဟုတ်ဘူး” ဟု သူက မဇ္စျိမကို ပြောသည်။ 

သောကြာနေ့တွင်လည်း ဖားကန့်မြို့နယ် KIA တပ်မဟာ ၂ လက်အောက်ခံ တပ်ရင်း ၆ တပ်ဖွဲ့များနှင့် အစိုးရတပ်တို့ တင်းမာနေသော်လည်း တိုက်ပွဲဖြစ်ပွားမှု မရှိသေးကြောင်း KIO တပ်အရာရှိ တဦးက ပြောသည်။

ဇွန်လ ၁ ရက်နေ့က ပြုလုပ်ခဲ့သည့် နှစ်ဖက် နောက်ဆုံး ဆွေးနွေးမှုတွင် အစိုးရ တပ်စခန်းပေါင်း ၆၁ နေရာအား ရုတ်သိမ်းပေးရန် KIO ဘက်မှ တင်ပြချက်အချို့ကို အစိုးရဘက်မှ သဘောတူခဲ့ပြီး တချို့ကို မြေပုံနှင့်တကွ စစ်ဘက်ဆိုင်ရာ အရာရှိများ ထပ်မံဆွေးနွေးရန် သဘောတူခဲ့ရာမှ ယခုထိ ပြန်လည်မတွေ့ဆုံနိုင်သေးခြင်း ဖြစ်သည်။

Read More

ဘိုးဘွားပိုင်မြေကို ဒေသအာဏာပိုင်များ သိမ်းယူပြီး ပြန်လည် ရောင်းချ

ရဲမွန် (ကောာင်းဝါ)

သြဂုတ်လ ၃၀ရက်နေ့၊ ၂၀၁၂ ခုနှစ်

ဘိုးဘွားစဉ်ဆက်ပိုင် မြေကို ဒေသအာဏာပိုင်များက သိမ်းယူကာ အိမ်မြေအဖြစ် အကွက်ရိုက် ရောင်းချနေခြင်းကြောင့် နိုင်ငံရေးပါတီ တခုကို ကူညီဆောင်ရွက်ပေးရန် တိုင်တန်းထားကြောင်း မြေပိုင်ရှင် က ပြောသည်။ တနင်္သာရီတိုင်း ကော့သောင်းမြို့ သီရိမြိုင်ရပ်ကွက်မှ မြေဂရမ်ရှိ ဦးညာဏ်စိန်၏ ဥယျာဉ်ခြံမြေကို ယခင်လတွင် ရပ်ကွက် အုပ်ချူပ်ရေးမှူးက မြို့နယ်အုပ်ချူပ်ရေးမှူး၊ ကြေးတိုင်း မြေစာရင်း ဦးစီးဌာနတို့နှင့် ပူးပေါင်း သိမ်းယူပြီး အကွက်ရိုက် ရောင်းချရန် စီစဉ်ခဲ့ခြင်း ဖြစ်သည်။ ယင်းကိစ္စနှင့် ပတ်သက်၍ မြို့နယ် အုပ်ချုပ်ရေးမှူးထံ တိုင်ကြားထားသော်လည်း အကြောင်းမထူးသဖြင့် ကော့သောင်း ဒီမိုကရက်တစ်ပါတီ (မြန်မာ) ထံ သွားရောက် အကူအညီ တောင်းဆိုခြင်း ဖြစ်သည်ဟု အသက် ၇၀ ဝန်းကျင်ရှိ မြေပိုင်ရှင် ဦးညာဏ်စိန် က ပြောသည်။ “သူတို့ဟာ သူတို့ လုပ်တယ်။ ကျနော် မပေးရဘူး။ သူတို့ အိမ်တဆောင် လာဆောက်ထားတယ်။ ကျနော် ဓါတ်ပုံအားလုံး ရိုက်ထားတယ်။ ကျနော်လည်း ဥပဒေကို နားမလည်ဘူး။ ဒါ့ကြောင့် ဦးသန်းထွန်း (ဒီမိုကရက်တစ်ပါတီ မြန်မာ တနင်္သာရီတိုင်း စည်းရုံးရေးမှူး) ကို လာပြီး အကူအညီ တောင်းတာ” ဟု သူက ပြောသည်။ ဦးသန်းထွန်း ၏ အဆိုအရ ၎င်းမြေမှာ ဖဆပလ အစိုးရလက်ထက် ၁၉၅၈ ခုနှစ်ကပင် နိုင်ငံတော်သို့ မြေခွန်များ ပေးသွင်းနေသည့် ခြံမြေများ ဖြစ်ပြီး မြေအကျယ်အဝန်း ၈ ဒသမ ၅၂ ဧက ရှိကြောင်း သိရသည်။ “သူပိုင်တဲ့မြေ အထောက်အထား စာရွက်စာတမ်းကို ကြည့်တော့ တော်တော်လေးကို ခိုင်မာနေတယ်။ ၂၆ ရက်နေ့ ၆ လပိုင်း ၁၉၅၈ ခုနှစ်က လျောက်ထားတယ်။ ၂ ရက်နေ့ ၇ လပိုင်း ၁၉၅၈ ခုနှစ်မှာ ဦးပိုင်မြေအဖြစ် ထုတ်ပေးထားတယ်။ အဲဒီတုန်းက ကော့သောင်းဟာ ကျေးရွာအဆင့်ပဲ ရှိသေးတယ်” ဟု ဦးသန်းထွန်း က ပြောသည်။ ၂၀၀၇ ခုနှစ်တွင် ဒက်တမန် ကုမ္ပဏီက ကော့သောင်းမြို့ပြလမ်း နိုင်လွန်ကတ္တရာ ခင်းရာတွင် အလုပ်သမားတန်းလျား ဆောက်ရန်နှင့် စက်ယန္တရားများ ထားရှိရန်အတွက် ယခင်စစ်အစိုးရ အာဏာပိုင်များ၏ လာရောက် အကူအညီတောင်းခြင်းကြောင့် ၎င်းပိုင်မြေများအနက် ၂ ဧကခန့်ကို ပေးခဲ့ရသည်။ ၎င်းပြင် ယခင် အုပ်ချူပ်ရေး အာဏာပိုင်များ၏ မြို့တိုးချဲ့ရန် ဟူသည့် အကြောင်းပြချက်ဖြင့် ၎င်းပိုင်မြေ ၃ ဧကကျော်ကိုလည်း ထပ်မံသိမ်းယူခဲ့သည်။ “ဦးညာဏ်စိန်မှာ ၂ ဧကကျော်ကျော်လောက်ပဲ ကျန်တော့တယ်။ ဒါတွေ ထပ်သိမ်းလိုက်ရင် သူတော်တော် ဒုက္ခရောက်သွားမယ်” ဟု ဦးသန်းထွန်း က ပြောသည်။ ယခုကိစ္စနှင့် ပတ်သက်ပြီး ကော့သောင်း စစ်ဗျူဟာ၊ ခရိုင်ရဲတပ်ဖွဲ့နှင့် မြို့နယ်ရဲတပ်ဖွဲ့ထံသို့ စာတင်အကြောင်းကြားသွားမည် ဖြစ်ကြောင်း ဦးသန်းထွန်း က ပြောသည်။

Read More

ရှားတောစုစည်းရွာများ လျှပ်စစ်မီးပေးမည်

Created on Friday, 31 August 2012 10:31

Written by ကယားထဲ

ကရင်နီပြည်နယ် ရှားတောမြို့ စုစည်းရွာများအားလုံးကို လျှပ်စစ်မီး တနေ့လျှင် ၃ နာရီပေးဖို့အတွက် လျှပ်စစ်ဌာနမှ စီမံကိန်းတွေကို စတင်အကောင် အထည်ဖော်နေကြပါတယ်။ လျှပ်စစ်မီးကို ဒီဇယ်နဲ့လည်ပတ်တဲ့ 300 KVA  မီးစက်ကို အသုံးပြုပြီး ရှားတောမြို့အပါအဝင် ရှားတောမြို့သို့ လာရောက် စုစည်းနေကြ တဲ့ တောင်ပိုင်းစုစည်းရွာ၊ မြောက်ပိုင်းစုစည်းရွာ၊ အလယ်ပိုင်းစုစည်းရွာတွေကို ဖြန့်မှာ ဖြစ်တယ်လို့ သိရပါတယ်။

အသုံးမပြုတော့သည့် ဇီဝဓါတ်ငွေ့ ဓါတ်အားပေးစက်ရုံမြင်တွေ့ရစဉ် (ဓါတ်ပုံ - ကေတီ)

ရှားတောမြို့မှ ဒေသခံ အမျိုးသား တဦးက “နောက်  သုံးလေး လကျရင်မီးရမယ်။ မီးစက်ကို အစိုးရ ကပေးတာ။ မီးစက်အသစ်ရပြီ ပြီးခဲ့တဲ့ တရက်လောက် ကရောက်လာတာပါ။ စက်ကြီးဆိုတော့ စုစည်းရွာ အထိတော့ ပေးနိုင်တာပေါ့။” လို့ပြောပါတယ်။ လျှပ်စစ်ဌာနမှ ဝန်ထမ်းတွေက မီးကြိုးတွေ သွယ်တန်းဖို့ ၊ လျှပ်စစ်တိုင်တွေကို စိုက်ထူဖို့ စုစည်းရွာတွေဘက်ကို သွားရောက်တိုင်း တာနေကြတာကို တွေ့ရပါတယ်။ ယခင်က 100 KVA မီးစက်ကို အသုံးပြုပြီး လက်ရှိအခြေ အနေမှာတော့ 300 KVA မီးစက်နဲ့
ရှားတောမြို့ပေါ်ကိုသာလျှင်  ဖြန့်ဝေနေသေး တာဖြစ်ပါတယ်။
မီးကိုတော့ တနေ့လျှင် ညနေ ၆ နာရီခွဲကနေ ည ၉ နာရီခွဲအချိန်အထိသာ မီးရပါတယ်။ စုစည်းရွာဘက်ကို ဖြန့်ဖြူးမည့်မီးကလည်း ထိုနည်းတူပင် တနေ့လျှင် ၃နာရီစာမျှသာ ရမှာဖြစ်တယ်လို့သိရပါတယ်။
ရှားတောမြို့ပေါ်မှ လျှပ်စစ်ဌာနမှ ဝန်ထမ်းနှင့်နီးစပ်သူ တဦးက “မီးစက်ကို ဒီဇယ်နဲ့လည်တယ်။ မီတာခကတော့ ကုန်ကျစာရိတ်အပေါ်မှာ ကြည့်ပြီးကောက်သွားတာပါ။ တလကို မီတာခ ၂၈၀၀ ၊ ၃၀၀၀ ကျပ်လောက်တော့ ကျပါတယ်။ မီးသီးအခြေအနေကြည့်ပြီး မီတာခ ကောက်ပါတယ်။” လို့ ပြောပါတယ်။
ယခင်ကလည်းရှားတောမြို့ပေါ်မှာ နွားချေးဖြင့် ဇီဝဓါတ်ငွေ့(Bio Gas ) ဓါတ်အားပေးစက်ရုံနဲ့ မြို့ပေါ်မှာ မီးကိုအသုံးပြုခဲ့ကြပါတယ်။ ၎င်းဓါတ်အားပေးစက်ရုံကလည်းယခုအချိန်မှာ နွားချေးမထည့်နိုင်တော့လို့ ဓါတ်အားမပေးနိုင်တော့ဘူးလို့သိရပါတယ်။

ငွေကြေးတတ်နိုင်တဲ့ ဒေသခံတချို့ကတော့ ဆိုလာပြားကိုအသုံးပြုပြီး လျှပ်စစ်မီးကို အသုံးပြုနေကြရတာကို တွေ့ရပါတယ်။

ရှားတောမြို့တွင် ဆိုလာပြားဖြင့် လျှပ်စစ်မီးသွယ်တန်းထားသည်ကို မြင်တွေ့ရစဉ် (ဓါတ်ပုံ - ကေတီ)

လျှပ်စစ်မီးကိစ္စနဲ့ပတ်သက်လို့လည်း တပြည်နယ် လုံးလျှပ်စစ်မီးရဖို့အရေးကို ကရင်နီ အမျိုးသား တိုးတက်ရေးပါတီ (KNPP) နဲ့ အစိုးရ ပဏာမ တွေ့ဆုံဆွေးနွေးခဲ့စဉ် အချိန်ကလည်း ထည့်သွင်းတင်ပြဆွေးနွေးခဲ့ကြပြီးဖြစ် ပါတယ်။ လောပိတရေအားလျှပ်စစ်ကနေ ရှားတောမြို့ကို ကားလမ်မအတိုင်းမဟုတ်ဘဲ လျှပ်စစ်ဓါတ်အား သွယ်တန်းမယ်ဆိုလျှင် ၁၂ မိုင်ကျော်လောက်သာရှိတယ်လို့ သိရပါတယ်။

Read More

မြန်မာအစိုးတပ်၏ စောင့်ကြိုပစ်ခတ်မှုတွင် KIA ပြည်သူ့စစ် ၂ ဦးသေဆုံး

သတင်း  Post 31 August 2012Last Updated on 31 August 2012  By KNG

MHH ခေါ် KIA ပြည်သူ့စစ်တပ်ဖွဲ့ဝင်များ

ကချင်ပြည်နယ် ၀ိုင်းမော်မြို့နယ် ဆမ်ပိုင် (Sambai) သွားလမ်းမှ မိုင် ၄၀ ကျော်ရှိသည့် ဒါဂါယန် (Daga Yang) နှင့် လိုင်ဖောန် (Lai Hpawng) ကြားတွင် ၂၉ ရက် ဗုဒ္ဓဟူးနေ့ ညနေ ၃ နာရီအချိန်က ကချင်လွတ် မြောက်ရေးတပ်ဖွဲ့ KIA ပြည်သူ့စစ် ၂ ဦး မြန်မာအစိုးရတပ်၏ စောင့်ကြိုပစ်ခတ်ခံရပြီး သေဆုံးခဲ့သည်။
၎င်းတို့ ၂ ဦးသည် ဆိုင်ကယ်ဖြင့် လိုင်ဖောန် (Lai Hpawng) KIA ပြည်သူ့စစ်တပ်ဖွဲ့ရှိရာသို့ အစားအသောက်နှင့် လိုအပ်သည့် ပစ္စည်းများကို လာပို့သည့်အချိန်တွင် မြန်မာစစ်တပ် ခမရ (၃၀၁) စစ်သားများ ခြုံခိုပစ်ခတ်ခြင်းဖြစ် သည်။
“အရင်ကတော့ ထိုလမ်း လွတ်လွတ်လပ်လပ် ကျနော်တို့ သွားနေတဲ့ လမ်းဖြစ်တယ်။ ဒါမဲ့ ထိုတပ်က ပြောက်ကျားနည်းလို့ ပြောရမယ်ထင်တယ်။ ကျနော်တို့ သွားနေတဲ့လမ်းမှာ ဒီလိုနဲ့အသင့်စောင့်နေပြီး ပစ်လိုက်တာ။”
ကချင်လွတ်မြောက်ရေးတပ်ဖွဲ့ (KIA) တပ်မဟာ (၅) အောက် တပ်ရင်း (၃)ဒေသတွင် ပြည်သူ့စစ်တပ်ဖွဲ့များအား ကူညီပေးနေသော တပ်ဖွဲ့ဝင် ၂ ဦးသည် ဂါးရာယန်ကျေးရွာ (Gara Yang mare)မှ ကို မဂျီဆိုင်းအောင် (Maji Seng Awng)ဖြစ်ပြီး၊ ဝါးရှောင် (Washawng)မှ ဦးခေါင်ဇယ် (Hkawng Je) ဖြစ်ကြောင်းသိရသည်။ ၎င်းတို့တွင် သေနတ်တလက်လည်းပါကြောင်းသိရသည်။
ထိုသူ ၂ ဦးသည် တိုက်ပွဲစတင်ချိန်မှ စပြီးထို နေရာများသို့ လိုအပ်သည့် ပစ္စည်း ရိက္ခာများပေးပို့နေသည့် သူများဖြစ်ကြောင်း KIA ရှေ့တန်းစခန်းမှ ဆိုသည်။
ယနေ့ နံနက်မှ ထိုနေရာတွင် တိုက်ပွဲများဖြစ်နေပြီး ညနေ ၃ နာရီမှ ပြန်လည်တိုက်ခိုက်မှုများ ဆက်လက် ဖြစ်ပွားနေကြောင်း ရှေ့တန်းမှ KIA အရာရှိတဦး KNG ကချင်သတင်းဌာနသို့ပြောသည်။
မြစ်ကြီးနား-လိုင်ဇာသွားလမ်းပေါ်ရှိ ဂါရားယန် (Gara Yang) ဘက်သို့ ထိုးစစ်ဝင်လာ မြန်မာအစိုးရတပ် စစ်ကား ၁ စီးကို ၂၉ ရက် ဗုဒ္ဓဟူးနေ့တွင် ကချင်လွတ်မြောက်ရေးတပ်ဖွဲ့ တပ်မဟာ (၅) အောက် တပ်ရင်း (၃) တပ်များမှ မိုင်းဖြင့် ပစ်ခတ်တိုက်ခိုက်ရာ မြန်မာအစိုးရဘက်မှ သေဆုံးဒဏ်ရာရရှိကြောင်း သိရသည်။
ထိုအစိုးရတပ် တပ်မ (၈၈) တပ်ကို နံနက် ၇ နာရီခွဲအချိန်တွင် ပစ်ခိုက်တိုက်ခိုက်လိုက်ရာ မြန်မာအစိုးရတပ်မှ ၂ ဦး ကျဆုံးပြီး ၇ ဦး ဒဏ်ရာရရှိကြောင်း KIA အရာရှိများဆိုသည်။
“သူတို့က ရွှေညောင်ပင်ဘက်မှ ကားနဲ့ဝင်လာတာ……ကျတော်တို့ဘက်က အသင့်ကြိုနေတာနဲ့ ပစ်လိုက်တာ” ဟု ရှေ့တန်းမှ KNG ကချင်သတင်းဌာနသို့ပြောသည်

Read More

ရင်ခုန်သံမြန်စေမယ့် ချန်ပီယံလိဂ်အုပ်စုများ ထွက်ပေါ်လာပြီ

ဆောင်းဦးလင်း| August 31, 2012

(ဓာတ်ပုံ – gcprive.greekconcierge.com)

ဘောလုံးရာသီစရင် ပရိသတ်တွေ စောင့်မျှော်နေတတ်တဲ့ ချန်ပီယံလိဂ်ပွဲစဉ်များ မဲခွဲမှုကို မနေ့က ပြုလုပ်သွားခဲ့ပါပြီ။  ထူးထူးခြားခြားအနေနဲ့ ကိုယ့်နိုင်ငံမှာ လိဂ်ချန်ပီယံတွေဖြစ်တဲ့ ရီးယဲလ်မက်ဒရစ်၊ မန်စီးတီး၊ အိုင်းယက်စ်၊ ဘရော့ရှား ဒေါ့မွန်အသင်းတို့ အုပ်စု (D) မှာ ထိပ်တိုက် တွေ့ဆုံကြတော့မှာဖြစ်ပြီး မရဏအုပ်စုအဖြစ် သတ်မှတ်ခြင်း ခံလိုက်ရပါတယ်။
လက်ရှိချန်ပီယံ ချယ်ဆီးအသင်းကတော့ စီးရီးအေ ချန်ပီယံ ဂျုဗင်တပ်နဲ့ တအုပ်စုထဲကျပြီး ရှက်တာဒိုးနက်၊ အက်ဖ်စီ နော့ဂျာလန် စတဲ့ အသင်းသေးတွေ ပါဝင်လာပါတယ်။ နာမည်ကြီး ဘာစီလိုနာအသင်းက ခြေမာတဲ့ ဘန်ဖီကာ၊ စပါတပ် မော်စကို၊ ဆဲယ်တစ် အသင်းတို့နဲ့ ထိပ်တိုက်တွေ့ဆုံရမှာဖြစ်ပါတယ်။
အင်္ဂလန် အသင်းတွေထဲက မန်ချက်စတာ ယူနိုက်တက် အသင်းကတော့ အုပ်စုချောင်တယ်လို့ ဆိုရမှာဖြစ်ပြီး ဘရာဂါ၊ ဂလက်တာစာရေး၊ ကလက်ခ်ျ စတဲ့ အသင်းတွေနဲ့ ယှဉ်ပြိုင်ရမှာဖြစ်ပါတယ်။ အာဆင်ဝင်းဂါးရဲ့ အာဆင်နယ်က ဂျာမန်ကလပ် ရှော်ကေး၊ အိုလံပီယာကော့စ်၊ မွန့် ပယ်လီယားစတဲ့ အသင်းတွေနဲ့ ယှဉ်ပြိုင်ရမှာ ဖြစ်ပါတယ်။
ပရိသတ် စိတ်ဝင်စားဆုံး အုပ်စုဖြစ်လာတဲ့ အုပ်စု (D) ကတော့ နာမည်ကြီး နည်းပြတွေဖြစ်တဲ့ မော်ရင်ညိုနဲ့  ရောဘတ်တို မန်ချီနီတို့ရဲ့ အားပြိုင်ပွဲဖြစ်လာနိုင်ပါတယ်။ ရီးယဲလ်မက်ဒရစ် ကစားသမားဟောင်း အီမီလီယိုကတော့ ရီးယဲလ်နဲ့ မန်စီးတီးအသင်းသာ အုပ်စုတက်ဖို့ ရေပန်းစားနေပေမယ့် နောက်တဆင့်တက်ဖို့ အသင်းတိုင်းဟာ အကောင်းဆုံး ခြေစွမ်းမှာရှိနေတာကြောင့် ပရိသတ်တွေ နှစ်ခြိုက်မယ့် ပွဲစဉ်တွေ ဖြစ်လာဖွယ်ရှိကြောင်း ပြောသွားခဲ့ပါတယ်။
မန်စီးတီး အသင်းခေါင်းဆောင် ဗင်းဆင့် ကွန်ပနီကတော့ “ဒီနှစ်လည်း ချန်ပီယံလိဂ်မှာလည်း သက်သက်သာသာနဲ့ အုပ်စုလမ်းတက်ဖို့ မမြင်ပြန်ပါဘူး။ ဒါပေမယ့် ပရိတ်သတ်တွေ အတွက်တော့ အကြိုက်တွေ့မယ့် ပွဲစဉ်တွေ ဖြစ်လာမှာပါ” ဆိုပြီး ပြောဆိုသွားခဲ့ပါတယ်။
အုပ်စုပွဲစဉ်တွေကို စက်တင်ဘာ ၁၈၊ ၁၉ ရက်တွေက စတင်ပြီး ဒီဇင်ဘာ ၄၊ ၅ ရက်တွေမှာ အုပ်စုပွဲစဉ်တွေ ပြီးဆုံးမှာ ဖြစ်ပါတယ်။ တချိန်တည်းမှာ ဘာစီလိုနာ ကစားသမား အန်ဒရေ အင်နီယေစတာက ယူအီးအက်ဖ်အေရဲ့  ဥရောပ တနှစ်တာ အကောင်းဆုံး ဘောလုံးသမားဆုကို ရရှိသွားပြီး အသင်းဖော် မက်ဆီ၊ ရီးရဲယ်မက်ဒရစ်မှ ကစားသမား ရော်နယ်ဒိုတို့ကို ဖြတ်ကျော်ကာ ရရှိသွားခဲ့ပါတယ်။ အင်နီယေစတာဟာ ယူရို ၂၀၁၂ တုန်းကလည်း ပြိုင်ပွဲအတွင်း အကောင်းဆုံး ဘောလုံးသမားဆုကို ရရှိခဲ့ဖူးပါတယ်။
ချန်ပီယံလိဂ် အုပ်စုဇယား
အုပ်စု (A)  ပေါ်တို၊ ဒိုင်နမိုကီးယပ်၊ ပီအက်စ်ဂျီ၊ ဒိုင်နမို ဇာဂရက်
အုပ်စု (B)  အာဆင်နယ်၊ ရှော်ကေး၊ အိုလံပီယာကော့်စ်၊ မွန့်ပယ်လီယား
အုပ်စု (C) အေစီမီလန်၊ ဇင်းနစ်၊ အန်ဒါလက်၊ မာလာဂါ
အုပ်စု (D) ရီးယဲလ်မက်ဒရစ်၊ မန်ချက်စတာစီးတီး၊ အိုင်းယက်စ်၊ ဘရော့ရှား ဒေါ့မွန်
အုပ်စု (E) ချယ်ဆီး၊ ရှက်တာဒိုးနက်၊ ဂျုဗင်တပ်၊ အက်ဖ်စီ နော့ဂျာလန်
အုပ်စု (F) ဘိုင်ယန်မြူးနစ်၊ ဗလင်စီယာ၊ လိုင်လီ၊ ဘိတ် ဘိုရီဆော့
အုပ်စု (G) ဘာစီလိုနာ၊ ဘန်ဖီကာ၊ စပါတပ် မော်စကို၊ ဆဲယ်တစ်
အုပ်စု (H) မန်ချက်စတာ ယူနိုက်တက်၊ ဘရာဂါ၊ ဂလက်တာစာရေး၊ ကလက်ခ်ျ
Source: BBC

Read More

Black List ပယ်ဖျက်စာရင်းထုတ်ပြန်မှု အမေရိကန်ကြိုဆို

မြန်မာနိုင်ငံပြည်ဝင်ခွင့်ပိတ်ပင်ခံထားရတဲ့လူပုဂ္ဂိုလ်၆ထောင်ကျော်ထဲက နိုင်ငံတော်သမ္မတရုံးကနေ ထုတ်ပြန်လိုက်တဲ့ နှစ်ထောင်ကျော်စာရင်းထဲမှာထူးထူးခြားခြားအမေရိကန်နိုင်ငံခြားရေးဝန်ကြီးဟောင်း Madeleine Albright ပါ ပါဝင်ပါတယ်။

ဦးသားညွ့န့်ဦး .30.08. 2012 (ဗွီအိုအေ)

 

မြန်မာနိုင်ငံပြည်ဝင်ခွင့် ပိတ်ပင်ခံထားရတဲ့ အမည်မည်း ပယ်ဖျက်စာရင်း  မြန်မာအစိုးရက ထုတ်ပြန်လိုက်တဲ့အပေါ် အမေရိကန်ပြည်ထောင်စုက ကြိုဆိုလိုက်ပါတယ်။ ဒါပေမယ့် သွားလာ လည်ပတ်မှုတွေ ကန့်သတ်ခံနေရတဲ့ ကျန်နေတဲ့သူတွေကိုလည်း အခုလို အမည်မည်းစာရင်းကနေ ပယ်ဖျက်ဖို့ တောင်းဆိုသလို၊ အကျဉ်းကျနေတဲ့ ရာနဲ့ချီတဲ့ နိုင်ငံရေးအကျဉ်းသားတွေကို အမြန်ဆုံး ပြန်လွှတ်ပေးဖို့ကိုပါ တိုက်တွန်း တောင်းဆိုလိုက်ပါတယ်။ ကိုသားညွန့်ဦးက ဒီအကြောင်း တင်ဆက်ထားပါတယ်။

မြန်မာနိုင်ငံပြည်ဝင်ခွင့် ပိတ်ပင်ခံထားရတဲ့ အမည်မည်းစာရင်းပါ လူပုဂ္ဂိုလ် ၆ထောင်ကျော်ထဲကနေ၊ ပယ်ဖျက်လိုက်တဲ့ နှစ်ထောင်ကျော်စာရင်းကို မနေ့ကစလို့ နိုင်ငံတော်သမ္မတရုံးကနေ ထုတ်ပြန်လိုက်ပါတယ်။ မြန်မာ့ဒီမိုကရေစီရေးအတွက် လှုပ်ရှားနေကြတဲ့ မြန်မာနိုင်ငံသားတွေအပြင် နိုင်ငံခြားသားတွေပါ ဒီစာရင်းထဲမှာ ပါဝင်ပါတယ်။ ထူးထူးခြားခြားဆိုရင် အမေရိကန်နိုင်ငံခြားရေး ၀န်ကြီးဟောင်း မက်ဒရင်းအောဗရိုက်ပါ ပါဝင်ပါတယ်။

အမေရိကန်ပြည်ထောင်စုကတော့ အခုလို ထုတ်ပြန်ချက်ဟာ ပြုပြင်ပြောင်းလဲရေးလုပ်ငန်းစဉ်ရဲ့ ခြေလှမ်းတရပ်အနေနဲ့ ကြိုဆိုပါတယ်။ ဒါပေမယ့် ကျန်ကန့်သတ်တားမြစ်ချက်တွေကိုလည်း ပယ်ဖျက်ပေးဖို့ တိုက်တွန်းတဲ့အကြောင်း အမေရိကန်နိုင်ငံခြားရေးဌာန အရှေ့အာရှဒေသဆိုင်ရာ ပြောခွင့်ရသူ Daragh Paradiso က ဗွီအိုအေ ကို ပြောပါတယ်။

“လွတ်လွတ်လပ်လပ် သွားလာခွင့်တွေ ရကြမယ့် မြန်မာအစိုးရရဲ့ ဒီ ထုတ်ပြန်ချက်တွေကို အမေရိကန်ပြည်ထောင်စုအနေနဲ့ ကြိုဆိုပါတယ်။ ဒါပေမယ့်လည်း အခုလို ပြည်ဝင်ခွင့် ပြည်ပထွက်ခွင့် စတဲ့ သွားလာမှုတွေ ချုပ်ခြယ်ကန့်သတ်ခံနေရဆဲ သူတွေနဲ့ပတ်သက်လို့ ပွင့်ပွင့်လင်းလင်း မရှိသေးတဲ့အပေါ်မှာတော့ ကျမတို့ စိုးရိမ်မကင်းဖြစ်နေရဆဲပါ။"

သတင်းမီဒီယာလွတ်လပ်ခွင့်အပါအ၀င် အခြားဖြစ်ထွန်းမှုတွေ မြန်မာအစိုးရက လုပ်လာပြီးတဲ့နောက်မှာပဲ အခုလို ကြေညာချက်တွေ ပေါ်ထွက်လာတာပါ။ ဒါကြောင့် ဒါဟာ မြန်မာအစိုးရရဲ့ ကျယ်ပြန်တဲ့ ပြုပြင်ပြောင်းလဲရေး လုပ်ငန်းတွေထဲက တခုလို့ ယူဆရမှာပါ။ အမေရိကန်ပြည်ထောင်စုအနေနဲ့ကတော့ တရားဥပဒေနဲ့အညီ အခိုင်အမာဖြစ်အောင် ရှေ့တိုး ဆောင်ရွက်သွားဖို့ တိုက်တွန်းလိုပါတယ်။ အကျဉ်းထောင်တွေထဲမှာ ကျန်နေသေးတဲ့ ရာနဲ့ချီတဲ့ နိုင်ငံရေးအကျဉ်းသားတွေရှိနေသေးတဲ့အပေါ် စိုးရိမ်မကင်းဖြစ်ရပြီး၊ ဒီလူတွေ အားလုံး အမြန်ဆုံး ခြွင်းချက်မရှိ ပြန်လွှတ်ပေး ဖို့ကိုလည်း မြန်မာအစိုးရကို တောင်းဆိုလိုက်ပါတယ်။”

အမည်မည်းစာရင်းကနေ ပယ်ဖျက်လိုက်တဲ့ နှစ်ထောင်ကျော်စာရင်းထဲမှာ ပြည်ပရောက် နိုင်ငံရေးလှုပ်ရှားသူတွေ၊ သတင်းသမားတွေအပြင် အခြား တက်သိပညာရှင်တွေလည်း ပါဝင်ပါတယ်။ ဒီအထဲ ကနေဒါနိုင်ငံ Alberta တက္ကသိုလ်က ဒေါက်တာ ခင်စောဝင်းလည်း တဦးဖြစ်ပါတယ်။

အခုလို အမည်မည်းစာရင်းကနေ ပယ်ဖျက်လိုက်တာဟာ ကောင်းမွန်တဲ့လက္ခဏာ မင်္ဂလာသတင်းလို့ သူက မြင်ပါတယ်။ ဒါပေမယ့် သူတို့တွေအနေနဲ့ မြန်မာနိုင်ငံထဲဝင်ပြီး ဘယ်လောက် အတိုင်းအတာ အထိ လူထုလုပ်ငန်းတွေ လုပ်ခွင့်ရမလဲဆိုတာကတော့ စောင့်ကြည့်ရဦးမှာဖြစ်တယ်လို့ ဒေါက်တာခင်စောဝင်းက ပြောပါတယ်။

“ လောလောဆယ်မှာတော့ ကောင်းတဲ့ လက္ခဏာ အပေါင်းလက္ခဏာလို့ ယူဆပါတယ်။ ပြီးတော့ ဒါဟာ ဘာပဲပြောပြော ယုံကြည်ချက်ကွဲပြား ခြားနား အတွေးအခေါ်တွေ ကွဲပြားခြားနားပေမယ့် ကျမတို့ကတော့ ဦးတည်ချက်ကတော့ တစ်ခုပဲ။ တိုင်းပြည်ရဲ့ကောင်းကျိုးအတွက် အားလုံး လက်တွဲပူးပေါင်းဆောင်ရွက်ပြီးတော့ လုပ်နိုင်တယ်။ လုပ်ကြမယ်ဆိုတဲ့ ဒါ လက္ခဏာတစ်ရပ်လို့ ကျမတို့ ယူဆတဲ့အတွက်ကြောင့် ဒါအင်မတန် မင်္ဂလာရှိတဲ့ သတင်းလို့ပဲ ကျမယူဆပါတယ်။

ဘယ်လောက် အတိုင်းအတာအထိ လုပ်နိုင်မလဲဆိုတာတော့ ကျမတို့စောင့်ကြည့်ရဦးမှာဖြစ်ပါတယ်။ ဒါ အခုမှ စစခြင်းဆိုတော့ ဘယ်လောက် အတိုင်းအတာအထိ ကျမတို့ လွတ်လပ်ခွင့်ရှိမလဲ ကိုယ်ယုံကြည်ရာ တကယ်ပြည်သူလူထု အတွက် တကယ်ကောင်းကျိုးဖြစ်စေမယ့် လုပ်ငန်းတွေ ဘယ်လောက်အထိ လွတ်လွတ်လပ်လပ် မှန်မှန်ကန်ကန် လုပ်နိုင်မလဲလို့ ဆိုတာတော့ ကျမတို့ စောင့်ကြည့်ရဦးမှာဖြစ်ပါတယ်။”

ဒေါက်တာခင်စောဝင်းတို့အနေနဲ့က ကျမ်းမာရေး လူမူရေး ကိစ္စတွေကို နယ်စပ်တွေမှာ လုပ်နေတာရှိပါတယ်။ အခု မြန်မာနိုင်ငံထဲ သွားပြီး လုပ်ဖို့ စိတ်ကူးစိတ်သန်းရှိပါသလားလို့ ကိုသားညွန့်ဦးက ဆက် မေးခဲ့ပါတယ်။

“ဟုတ်ကဲ့။ အရင်က လုပ်နေတာတော့ မဟုတ်ဘူး။ အရင်ကလည်း လုပ်တယ်။ အခုလည်း လုပ်နေတုန်းပေါ့။ အခုလည်း လုပ်နေရတယ်ဆိုတာက လိုအပ်ချက် အရပေါ့ ပြည်သူလူထုတွေက လိုအပ်နေသေးတယ်။ ဒီကျမ်းမာရေးကိစ္စတွေ နယ်စပ်ဒေသတွေမှာ လူတွေ အများကြီး ကျမ်းမာရေး ပြုစုစောင့်ရှောက်မူ ကို လက်လှမ်းမှီဖို့ဆိုတာကို လိုနေသေးတယ်ဆိုတာကို ကျမတို့ လောလောဆယ် လုပ်နေရတုန်းပါပဲ။

အဲ့တော့ ဒါက လိုအပ်ချက်အပေါ်မှာ မူတည်ပါတယ်။ တကယ်လို့ ပြည်သူလူထုရဲ့ လိုအပ်ချက်က နယ်စပ်မှာ မရှိဘဲနဲ့ ပြည်တွင်းမှာ ပိုပြီးတော့ လိုအပ်တယ် ဆိုလို့ရှိရင်လည်း ကျမတို့က ပြည်တွင်းမှာ လုပ်ဆောင်မှာပါ။ ဒါပေမယ့်လည်း အခုလိုမျိုး နယ်စပ်ဒေသ ဒီတရားမ၀င် သေးတဲ့သူတွေမှာ တရားဝင်နေထိုင်ခွင့် မရသေးတဲ့သူတွေအတွက် လိုအပ်နေသေးတယ်။ အဲ့ဒီ့ပြည်သူလူထုတွေ တကယ်ရှိနေသေးတယ်ဆိုရင်လည်း ကျမတို့ ဒီမှာ လည်း မလစ်ဟာရအောင်လို့ ဆက်လုပ်နေရဦးမှာပါပဲ။”

ဒေါက်တာခင်စောဝင်းဟာ မြန်မာနယ်စပ်မှာ အခြေစိုက်တဲ့ ဒေါက်တာစင်သီယာမောင်ဦးဆောင်တဲ့ မြန်မာနိုင်ငံဆေးပညာရှင်များအသင်းရဲ့ အမှုဆောင်တဦးဖြစ်ပါတယ်။ အဲဒီအဖွဲ့က အမှုဆောင်အားလုံး အခု အမည်မည်းစာရင်းကနေ ပယ်ဖျက်ခံရတယ်လို့လည်း သိရပါတယ်။

မြန်မာအစိုးရအနေနဲ့ အမည်မည်းစာရင်းကနေ နှစ်ထောင်ကျော်ကို အခု ပယ်ဖျက်လိုက်ပြီဖြစ်ပြီး၊ ကျန်နေသေးတဲ့ လေးထောင်ကျော် စာရင်းကိုလည်း စီစစ်ပြီး ပယ်ဖျက်သွားဖို့ အစီအစဉ်ရှိတယ်လို့ နိုင်ငံတော်သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေ မြန်မာပို်င်းကို ပြောခဲ့ပါတယ်။

Read More

သီလဝါ အထူးစီးပွားရေးဇုန်တွင် ပြည်သူများ ရင်းနှီးမြှုပ်နှံနိုင်

ရန်ပိုင်| August 31, 2012 (ဧရာဝတီ)

သီလဝါဆိပ်ကမ်း (ဓာတ်ပုံ – myanmarrealtime.com)

ရန်ကုန်မြို့တဖက်ကမ်း သီလ၀ါ အထူးစီးပွားရေးဇုန် တည်ဆောက်ရာ၌ ဂျပန်ကုမ္ပဏီကြီးများနှင့်အတူ မြန်မာနိုင်ငံသားများ အနေဖြင့်လည်း အများပိုင်စီးပွားရေး အစုအဖွဲ့တည်ထောင်ကာ အရင်းအနှီးထည့်ဝင်ရန် ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချူပ် (UMFCCI) က စီစဉ်နေကြောင်း သိရသည်။
မြန်မာအစိုးရနှင့် မစ်ဆူဘီရှီ၊ မရူဘီနီ၊ ဆူမစ်တိုမို စသည့် ကုမ္ပဏီကြီးများ အကြား အထူးစီးပွားရေးဇုန် တည်ဆောက်ရန်အတွက် ဂျပန်ကုမ္ပဏီများဘက်မှ ၄၉ ရာခိုင်နှုန်း၊ မြန်မာအစိုးရက ၅၁ ရာခိုင်နှုန်း ထည့်ဝင်ရန် သဘောတူညီခဲ့ကြောင်း၊ မြန်မာဘက်မှထည့် ၀င်ရမည့် အစုရှယ်ယာကို တဦးတယောက်တည်းက ထည့်ဝင်ပြီး အကျိုးခံစားခြင်း မရှိစေဘဲ နိုင်ငံသားအားလုံး ခွဲဝေခံစားရန် စီစဉ်ခြင်းဖြစ်ကြောင်း UMFCCI ဥက္ကဋ္ဌ ဦးဝင်းအောင်က ဆိုသည်။
“မြန်မာနိုင်ငံသား မည်သူမဆို ရှယ်ယာတွေကို ၀ယ်ယူပြီး ပါဝင်နိုင်အောင် အများပိုင်ကုမ္ပဏီဖွဲ့ပြီး အများရဲ့ လုပ်ငန်းတခုအနေနဲ့ ဆောင်ရွက်မယ်။ ဒါမှ ပြည်သူတွေလည်း အကျိုးအမြတ်ကို ခွဲဝေခံစားနိုင်မယ်” ဟု ၎င်းက ဧရာဝတီသို့ ပြောသည်။
အစုရှယ်ယာများ ရောင်းချရာတွင်လည်း တစုလျှင် ကျပ် ၁ သိန်းခန့်မှ စတင်ရောင်းချရန် စီစဉ်နေပြီး တဦးတယောက်တည်းမှ လက်ဝါးကြီးအုပ်ကာ အများအပြား ၀ယ်ယူခြင်းကိုလည်း ကာကွယ်ရန် စီစဉ်ထားကြောင်း၊ အများပိုင်ကုမ္ပဏီများ ဖွဲ့စည်းရာတွင် တည်ဆဲဥပဒေ များနှင့်အညီ ဆောင်ရွက်မည်ဖြစ်ပြီး၊ ရှယ်ယာများကို ရောင်းချရာတွင် မီဒီယာများမှတဆင့် ကြော်ငြာကာ ရောင်းချသွားမည် ဖြစ်ကြောင်း ဦးဝင်းအောင်က ဆိုသည်။
အစုရှယ်ယာရှင်များ အနေဖြင့်လည်း အထူးစီးပွားရေးဇုန် ဖွံဖြိုးမှုအပေါ်တွင် မူတည်ပြီး အကျိုးခံစားခွင့်များ ရရှိမည်ဖြစ်ကြောင်း ၎င်းက ဆက်ပြောသည်။
အဆိုပါ အထူးစီးပွားရေး စီမံကိန်းသည် ဧက ၆ ထောင်ကျော် ကျယ်ဝန်းပြီး နိုင်ငံတော်ပိုင်မြေများဖြစ်ကြောင်း တည်ဆောက်ရာတွင် စက်ရုံများ၊ ရုံးခန်းများ၊ ဆိပ်ကမ်းများ ပါဝင်မည်ဖြစ်ကြောင်း သိရသည်။
အိမ်နီးချင်း ထိုင်းနိုင်ငံ ချွန်ဘူရီခရိုင်ရှိ လန်ချာဘန် အထူးစီးပွားရေးဇုန်တွင်လည်း ကမ္ဘာကျော် Ford ကားကုမ္ပဏီ အပါအ၀င် Samsung ကုမ္ပဏီကြီးများ၏ စက်ရုံများတည်ရှိပြီး ရေနက်ဆိပ်ကမ်းသည် ကမ္ဘာပေါ်တွင် ကုန်တင်ကုန်ချ အများဆုံး လုပ်ကိုင်ရသည့် ဆိပ်ကမ်းများတွင် အဆင့် ၂၂ တွင် ပါဝင်သည်။
မကြာသေးမီကလည်း တနင်္သာရီတိုင်း ထားဝယ်မြို့နယ်ရှိ ထားဝယ်ရေနက်စီမံကိန်းနှင့် အထူးစီးပွားရေးဇုန်တခုကို အကောင်အထည်ဖော်ရန် ထိုင်းနိုင်ငံနှင့် သဘောတူညီမှုရယူခဲ့သေးသည်။

Read More

၈၈ မျိုးဆက် မုံရွာဒေသခံပြည်သူများနှင့် တွေ့ဆုံ

 

မြန်မာဌာန > သတင်းများ

2012-08-30

စစ်ကိုင်းတိုင်းဒေသကြီး လွှတ်တော် ဆောက်လုပ်ရေး စီမံကိန်းတ၀ိုက်က အဓမ္မ ပြောင်းရွှေ့ခံရတဲ့ မုံရွာမြို့က အိမ်ခြေ (၇၀) ကျော်ရဲ့ နစ်နာဆုံးရှုံးမှုတွေကို အကူအညီပေးနိုင်ဖို့ ကိုထွန်းမြင့်အောင်၊ ကိုမျိုးသန့်စတဲ့ ၈၈ မျိုးဆက်ကျောင်းသားများ အဖွဲ့တွေက ဒေသခံပြည်သူတွေနဲ့ မုံရွာမြို့မှာ ဒီကနေ့ သွားရောက်တွေ့ဆုံ ဆွေးနွေးခဲ့တယ်လို့ သိရပါတယ်။

တည်ဆောက်ဆဲ စစ်ကိုင်းတိုင်းဒေသကြီး လွှတ်တော် အဆောက်အဦးသစ်ဟာ မုံရွာမြို့နယ် မြို့သစ် (ခေါ်) မြ၀တီ အိုးဖိုတောင် ရပ်ကွက်မှာတည်ရှိပြီး ပြောင်းရွှေ့ခံရသူတွေအနေနဲ့ အခက်အခဲမျိုးစုံနဲ့ ရင်ဆိုင်နေရတယ်လို့ ၈၈ မျိုးဆက်ကျောင်းသားများ အဖွဲ့ဝင် လယ်သမားအရေး ဆောင်ရွက်နေတဲ့ ကိုထွန်းမြင့်အောင်က RFA ကိုပြောပါတယ်။

"စစ်ကိုင်းတိုင်းဒေသကြီးက လွှတ်တော်တည်ဆောက်ဖို့အတွက် အသိမ်းခံရတဲ့ ပြည်သူတွေရဲ့ နစ်နာချက်တွေကို အမြန်ဆုံး ဒီရက်ပိုင်းအတွင်းမှာပဲ သူတို့ကျေနပ်တဲ့အထိ ပြေလည်အောင် ဖြေရှင်း ဆောင်ရွက်ပေးဖို့ လိုတယ်ဆိုတာကို ကျွန်တော်ပြောချင်ပါတယ်။ လုပ်ပေးမယ်ဆိုတဲ့ ကတိကဝတ်တွေကို လုပ်ပေးဖို့၊ ဘာလဲ ဆိုတော့ အိမ်တွေပြောင်းပြီးတော့ အိမ်တွေက ကျကျနန ဆောက်လို့မရဘူး ဖြစ်နေတယ်။ နောက်တခါ ကလေးတွေ ကျောင်းသွားတာ ဝေးသွားတာရှိတယ်။ ဒီအခက်အခဲတွေ အားလုံး ပြေလည်အောင် ဖြေရှင်းပေးဖို့ အတွက်ကို လတ်တလောမှာ တိုင်းဒေသကြီးက သက်ဆိုင်ရာ တာဝန်ရှိ ပုဂ္ဂိုလ်တွေကို ကျွန်တော်တို့ အကြောင်းကြားပါမယ်။ ကျွန်တော်တို့ လှမ်းပြောပါမယ်"

စစ်ကိုင်းတိုင်း အာဏာပိုင်တွေဟာ လွှတ်တော်အဆောက်အဦး အနီးပတ်ဝန်းကျင်က လယ်ယာမြေဧက ၄၀ ကို အခုနှစ်ဆန်းပိုင်းက သိမ်းယူရာမှာ အိမ်ခြေအဆောက်အဦး ၇၀ ကျော် ဖယ်ရှားခံခဲ့ရပါတယ်။
ဖယ်ရှားခံရသူတွေရဲ့ နစ်နာဆုံးရှုံးမှုတွေ အတွက် အာဏာပိုင်တွေက ဆန်၊ သစ် စတာတွေ ထောက်ပံ့ပေးမယ်ဆိုပြီး မကြာခဏ လက်မှတ်ရေးထိုး ခိုင်းခဲ့တာတွေရှိပေမယ့် လောလောဆယ် အထိတော့ ဘာတစ်ခုမှ ပေးအပ်တာ မရှိသေးဘူးလို့ သိရပါတယ်။
ဒီအတောအတွင်း မုံရွာခရိုင်၊ ဆားလင်းကြီးမြို့နယ်က လက်ပန်းတောင်းတောင် ကြေးနီစီမံကိန်းမှာ လယ်ယာမြေသိမ်း တိုက်ပွဲဝင်နေတဲ့ တောင်သူလယ်သမား (၃၀၀) လောက်ဟာ ဆည်တဲကျေးရွာက ဘုန်းတော်ကြီးကျောင်းမှာ စုဝေးပြီး လယ်သမား ကော်မတီတစ်ရပ် ဖွဲ့စည်းလိုက်တယ်လို့ လယ်သမားတစ်ယောက်က ပြောပါတယ်။

"ဒီနေ့မှာ လယ်ယာသိမ်းခံရတဲ့ ရွာတွေတော်တော်များများ ဆွေးနွေးပွဲထိုင်ကြတယ်။ ဦးပိုင်ကနေပြီးတော့ သတင်းစာ ရှင်းလင်းပွဲ လုပ်ပါတယ်ဆိုတဲ့ဟာကို ဒီနေ့ ဒီဒေသခံတွေကနေပြီးတော့ သူတို့သတင်းစာ ရှင်းလင်းပွဲ လုပ်တဲ့ကိစ္စကို ရှုတ်ချပါတယ်။ အားလုံးအသိပေးပြီးတော့ ဒီနေ့ ကော်မတီတရပ်ဖွဲ့လိုက်တယ်"

ဆားလင်းကြီးမြို့နယ်က လက်ပန်းတောင်းတောင် ကြေးနီစီမံကိန်းကို မြန်မာစစ်တပ်ပိုင် ဦးပိုင်ကုမ္ပဏီနဲ့ မြန်မာ-၀မ်ပေါင် တရုတ်ကုမ္ပဏီတို့ ဖက်စပ်လုပ်ကိုင်နေတာဖြစ်ပြီး စီမံကိန်းတ၀ိုက်က ကျေးရွာ ၂၆ ရွာက လယ်မြေဧက ၇၈၀၀ ကျော်အဓမ္မ သိမ်းယူခံထားရပါတယ်။

Read More

၈၈ မျိုးဆက်နဲ့ ဂီတအနုပညာရှင်များ ရေဘေးဒုက္ခသည်ကို ထောက်ပံ့ကူညီ

 မြန်မာဌာန > သတင်းများ 

2012-08-30

ဧရာဝတီတိုင်းအတွင်းက ရေဘေး ဒုက္ခသည်တွေအတွက် ၈၈ မျိုးဆက် ကျောင်းသားခေါင်းဆောင်တွေနဲ့ ဂီတအနုပညာရှင်တွေက စားနပ်ရိက္ခာနဲ့ တခြားအထောက်အပံ့ ပစ္စည်းတွေ ဒီကနေ့ သွားရောက် လှူဒါန်းခဲ့ကြောင်း သိရပါတယ်။

RFA

၂၀၁၂ ခုနှစ် သြဂုတ်လ ၂၈ ရက်က ဧရာဝတီတိုင်း သာပေါင်းမြို့နယ်၊ ထန်းစင်လှကျေးရွာ ရေနှစ်မြုပ်နေသည်ကို တွေ့ရစဉ်။

သာပေါင်းမြို့နယ် စက်ဒေါင့်ကြီးကျေးရွာက ရေဘေးသင့် ပြည်သူတွေအတွက် ကျောင်းသားခေါင်းဆောင် ကိုအံ့ဘွယ်ကျော် ဦးဆောင်တဲ့ အဖွဲ့က ဆန်အိတ် ၁၆၈ အိတ် လှူဒါန်းခဲ့ပြီး ဂီတပညာရှင် ကိုရဲလွင် ဦးဆောင်တဲ့ မဇ္ဈိမလှိုင်း တေးဂီတအဖွဲ့က ဒါးက ကျေးရွာအုပ်စုက ရေဘေးဒုက္ခသည်တွေကို ဆန်အိတ်တွေနဲ့ စောင်တွေ၊ ခြင်ထောင်တွေ လာရောက် လှူဒါန်းခဲ့ကြောင်း ဒေသခံတစ်ဦးက ပြောပါတယ်။
ပြီးခဲ့တဲ့ သီတင်းပတ်ကလည်း ကိုအောင်ကျော်ကျော် ဦးဆောင်တဲ့ ၈၈ မျိုးဆက် ကျောင်းသားများအဖွဲ့ဟာ ဧရာဝတီတိုင်းအတွင်း သာပေါင်းမြို့နယ်က ရေနစ်မြှုပ်နေတဲ့ အိမ်ခြေ ၇၀၀ အတွက် အ၀တ်အထည်တွေ အများအပြား သွားရောက် လှူဒါန်းခဲ့ပါတယ်။
၈၈ မျိုးဆက် ကျောင်းသားများအဖွဲ့ဟာ အကူအညီ လိုအပ်နေသူတွေကို ထောက်ပံ့ကူညီနိုင်ဖို့ စေတနာဝသန် တေးဂီတ ရန်ပုံငွေတစ်ခုကို လာမဲ့ စက်တင်္ဘာ ၁ ရက်နေ့မှာ ကျင်းပမှာဖြစ်ပါတယ်။

Read More

ဖားကန့် အင်န်အယ်လ်ဒီ ဒုက္ခသည်တွေကို ကူညီ

မြန်မာဌာန > သတင်းများ

2012-08-30

ဖားကန့်မြို့နယ်အတွင်းရှိ ဒုက္ခသည် စခန်း ၃၁ ခုက စစ်ပြေးဒုက္ခသည်တွေကို ဖားကန့်မြို့ အင်န်အယ်လ်ဒီက ကူညီထောက်ပံ့နေတယ်လို့ သိရပါတယ်။

AFP

ကချင်ပြည်နယ်အတွင်း ယာယီဒုက္ခသည်စခန်းတစ်ခုတွင် ခိုလုံနေကြသော ကချင်ဒုက္ခသည် ကလေးငယ်နှစ်ဦးကို ဖေဖော်ဝါရီလကုန်ပိုင်းတွင် တွေ့ရစဉ်။

ကချင်ပြည်နယ် ဖားကန့် ကျောက်စိမ်းတွင်းဒေသမှာ လွန်ခဲ့တဲ့ တစ်ပတ်လောက် ကတည်းက စတင်ခဲ့တဲ့ ကေအိုင်အိုနဲ့ အစိုးရတပ်တွေရဲ့ တိုက်ပွဲတွေကြောင့် ဘာသာရေးကျောင်းတွေမှာ ခိုလှုံနေရတဲ့ ဒုက္ခသည်တွေကို မိမိတို့ ကူညီနေကြောင်း ဖားကန့်မြို့နယ် အင်န်အယ်လ်ဒီ ရုံးတာဝန်ခံ ဦးခင်မောင်ချင်းက ပြောပါတယ်။

"ဒုက္ခသည်တွေစုဝေးရာ ၃၁ နေရာရှိတယ်။ ၃၁ နေရာအားလုံးကို ကျွန်တော်တို့ အညီအမျှ ခွဲဝေနိုင်သလောက်ပေါ့။ ကျွန်တော်တို့ ပါတီဝင်တွေက တစ်နယ်လုံးကနေပြီးတော့ ဆန်၊ ဆီ၊ ဆား ၊ ငြုပ်၊ ကြက်သွန် ငွေရေးကြေးရေးကအစ တတ်နိုင်သလောက် နေရာတိုင်းကို ရောက်အောင်ပေးတယ်။ ကျွန်တော်တို့က ၂၈ နေ့ကနေစ အကူအညီပေးတယ်။ စခန်းတိုင်းမှာ လူဦးရေ ရှိသလိုပေါ့။ အချိုးကျနဲ့ စခန်းတစ်ခုမှာ ဆန်တစ်အိတ်ဆို တစ်အိတ်၊ ဆီ ၂ပုံးဆို ၂ပုံးပေါ့။ ကျွန်တော်တို့လည်း အကြမ်းဖျင်း ဝေစုခွဲပြီးမှ မရောက်ရ မရှိအောင်ပေါ့။ ရှိသမျှ စခန်းတိုင်းကို ရောက်အောင်သွားတယ်လေ။ ကျွန်တော်တို့ ပါတီအတော်များများကို ဆက်သွယ်လာတဲ့ အလှူရှင်တွေလည်း ရှိတယ်လေ။ တော်တော်များများကတော့ တတ်နိုင်တဲ့ လူတွေကနေ လာပြီးတော့ လှူကြတာ။ ကျွန်တော်တို့ကတော့ အညီအမျှဖြစ်အောင် ပြန်ဖြန့်ပေးတယ်"

ကေအိုင်အိုနဲ့ အစိုးရတပ်တွေရဲ့ တိုက်ပွဲကြောင့် တရုတ် မြန်မာနယ်စပ်နဲ့ ပြည်တွင်းစခန်းတွေမှာ အရင်က ဒုက္ခသည် စုစုပေါင်း ရှစ်သောင်းဝန်းကျင်ရှိပြီး အခု လောလောဆယ် ဖားကန့်ကျောက်စိမ်းတွင်း ဒေသမှာရှိတဲ့ ဒုက္ခသည်တွေနဲ့ပါဆိုရင် စုစုပေါင်း တစ်သိန်းကျော်လာပြီလို့ ဒုက္ခသည်အရေး ကူညီဆောင်ရွက်သူတွေက ခန့်မှန်းပြောဆိုပါတယ်၊

Read More

အတိုက်အခံတွေ မြန်မာပြည်သွားမည်

ူမန်မာဌာန > သတင်းမဵား

2012-08-30 

ပြည်ပရောက် အတိုက်အခံ အဖွဲ့အစည်း ခေါင်းဆောင်တချို့ဟာ သမ္မတဦးသိန်းစိန်ရဲ့ ခွင့်ပြုချက်နဲ့ မြန်မာနိုင်ငံကို နှစ်ပတ်ကြာ ခရီးစဉ်အဖြစ် မနက်ဖြန် သွားရောက်မှာ ဖြစ်ပါတယ်။

(Photo: AFP)

ပြည်ထောင်စုမြန်မာနိုင်ငံ အမျိုးသားကောင်စီ (NCUB) ၏ နိုင်ငံခြားရေး တွဲဖက် တာဝန်ခံ ဦးညိုအုန်းမြင့် (Photo: AFP)

အဓိကအားဖြင့် အမျိုးသားပြန်လည် သင့်မြတ်ရေး လုပ်ငန်းစဉ်တွေမှာ မိမိတို့ ပါဝင်နိုင်မယ့် အခန်းကဏ္ဍကို ဒီခရီးစဉ်အတွင်း တွေ့ဆုံဆွေးနွေး လေ့လာမှာ ဖြစ်တယ်လို့ ပြည်ပရောက် မြန်မာ့အရေး လှုပ်ရှားနေသူ ဦးညိုအုန်းမြင့်က ပြောပါတယ်။

"အဓိကကတော့ ကျွန်တော် တစ်နှစ်ကျော်ကျော်လောက် ကျွန်တော်တို့ အမျိုးသား ပြန်လည်သင့်မြတ်ရေး ပရိုဂရမ်ထဲမှာပါတဲ့ တိုင်းရင်းသားတွေနဲ့ အပစ်အခတ်ရပ်စဲရေးကနေပြီးတော့ ဒီကျွန်တော်တို့ အဖြေရှာရေး ဆိုတဲ့အပေါ်မှာ ကျွန်တော်တို့ အဓိက ဆောက်ရွက်တဲ့ အတွက်ကြောင့် ကျွန်တော့်အနေနဲ့ ဒီ Myanmar Peace Center လို့ခေါ်တဲ့ ဒီအစိုးရနဲ့ တိုင်းရင်းသား အင်အားစုတွေ အကြားထဲမှာ အပစ်အခတ်ရပ်စဲရေးအတွက် ဆောင်ရွက်တဲ့နေရာမှာ ကျွန်တော်တို့ ဘာတွေလိုအပ်သေးတယ်ဆိုတဲ့ အချက်တွေ ဆွေးနွေးဖို့လည်း ဖြစ်ပါတယ်။ ဒုတိယအချက်ကတော့ ကျွန်တော်တို့ အခွင့်အရေးရမယ်ဆိုရင် ကျွန်တော်တို့ သမ္မတကြီးနဲ့ တွေ့ဖို့အတွက် ကျွန်တော်တို့ ကြိုစားမှာ ဖြစ်ပါတယ်။ တဆက်တည်းမှာပဲ ၈၈ မျိုးဆက်၊ နောက်ဒီ တိုင်းရင်းသား အများစုတွေ အားလုံးနဲ့ ကျွန်တော်တို့ တွေ့ဆုံ ဆွေးနွေးချင်ပါတယ်။ ဒီပေါ်မှာမှ ရလာတဲ့ ရလဒ်ကနေပြီးတော့ ကျွန်တော်တို့ မြန်မာပြည်ရဲ့ အမျိုးသား ရင်ကြားစေ့ရေးနဲ့ ပြန်လည်ထူထောင်ရေး လုပ်ငန်းတွေမှာ ကျွန်တော်တို့ ဘယ်နေရာကနေပြီးတော့ အဓိက ဝင်ပါနိုင်သလဲဆိုတာ ကျွန်တော်တို့ သိချင်ပါတယ်"

ပြည်ပရောက် အတိုက်အခံ အင်အားစုတွေဟာ ပြည်တွင်းကို လေ့လာရေး ခရီးစဉ်အဖြစ် အသုတ်လိုက်ခွဲပြီး သွားရောက်မှာ ဖြစ်ပါတယ်။ မနက်ဖြန်မှာ ထိုင်းနိုင်ငံ ဘန်ကောက်မြို့ကနေ ရန်ကုန် မင်္ဂလာဒုံလေဆိပ်ကို ရောက်ရှိမယ့်သူတွေထဲမှာ ဒေါက်တာ နိုင်အောင်၊ ဒေါက်တာ သောင်းထွန်းနဲ့ ဦးညိုအုန်းမြင့်တို့ပါဝင်ပါတယ်။
စက်တင်ဘာလ (၁) ရက်နေ့မှာတော့ ဦးမိုးသီးဇွန်နဲ့အတူ ကျောင်းသားတပ်မတော် အဖွဲ့ဝင်ဟောင်း (၇) ဦး မြန်မာနိုင်ငံကို ရောက်ရှိမှာ ဖြစ်ပါတယ်။ အဲဒီနောက်ပိုင်းမှာ လူ့ဘောင်သစ် ဥက္ကဋ္ဌ ဦးအောင်မိုးဇော်နဲ့ မြန်မာနိုင်ငံ အလုပ်သမားသမဂ္ဂများ အဖွဲ့ချုပ် ခေါင်းဆောင် ဦးမောင်မောင်တို့ ရောက်ရှိမှာ ဖြစ်တယ်လို့ သိရပါတယ်။

Read More

KIA နှင့်အစိုးရတပ်တိုက်ပွဲ ယမ်းဂိုဒေါင် ပြင်းထန်စွာပေါက်ကွဲမှုဖြစ်

2012-08-30  ( မြန်မာဌာန > သတင်းများ)

အစိုးရတပ်နဲ့ KIA တပ်တွေ တိုက်ပွဲတွေ ဖြစ်ပွားနေတဲ့ ကချင်ပြည်နယ် ဖားကန့်ဒေသမှာ ကျောက်စိမ်းကုမ္ပဏီတစ်ခုက ကျောက်စိမ်းတူးဖော်ရာမှာ အသုံးပြုဖို့ သိုလှောင်ထားတဲ့ ယမ်းဂိုဒေါင်တစ်ခု မနေ့က မီးလောင်ပြီး ပြင်းထန်စွာ ပေါက်ကွဲခဲ့တဲ့ အတွက် ဒေသခံ ပြည်သူတွေကြားမှာ ထိတ်လန့် တုန်လှုပ်မှုတွေ ဖြစ်ပေါ်ခဲ့တယ်လို့ သတင်းရရှိပါတယ်။

ဖားကန့် ကုလားမှော် ကျေးရွာအနီးမှာရှိတဲ့ “ဝေ" ကျောက်မျက်ကုမ္ပဏီနားမှာ အစိုးရတပ်နဲ့ KIA တပ်တွေ တိုက်ပွဲဖြစ်နေချိန် KIA ဘက်က ပစ်လိုက်တဲ့ လက်နက်ထိမှန်ပြီး အခုလို ပေါက်ကွဲခဲ့တာလို့ ဒေသခံတစ်ဦးက RFA ကို အခုလိုပြောပါတယ်။

"မနေ့က မွန်းလွဲ တစ်နာရီ ကျော်ကျော်လောက်ကနေ လက်နက်ကြီးတွေနဲ့ နှစ်ဖက်တပ်တွေ ပစ်ကြတယ်။ ပစ်ကြခတ်ကြရင်းနဲ့ သုံးနာရီ ကျော်ကျော်လောက်မှာ KIA ဘက်က ပစ်လိုက်တဲ့ လက်နက်ကြီးက ကုမ္ပဏီရဲ့ ဆီဘောက်ဆာကို သွားထိပြီး ဆီဘောက်ဆာ မီးလောင်ပြီးမှ ကုမ္ပဏီကထားတဲ့ ယမ်းဂိုဒေါင်ပေါက်ကွဲသွားတဲ့ နောက်ပိုင်းမှာ ဖားကန့်တစ်မြို့လုံးမှာရှိတဲ့ လူတွေက အထိတ်အလန့်နဲ့ လူတွေအားလုံးက အကုန်ပြာယာခတ်ပြီးမှ ကိုယ့်ရဲ့ဘေးမှာပဲ ဖြစ်သလိုလို အနေအထားမျိုးနဲ့ သူတို့ တွေဟာအကုန်လုံး ကျီးလန့်စာစားနဲ့ အဲတာ ၃ နာရီကျော်လောက်မှာ ဖြစ်သွားတာ"

ဒီပေါက်ကွဲမှုကြောင့် ဒေသခံပြည်သူတွေကို ထိခိုက်မှုမရှိခဲ့ပေမဲ့ အဆောက်အဦးတချို့ ပျက်စီးမှုရှိခဲ့တယ်လို့ သိရပါတယ်။ ဖားကန့်ဒေသမှာ နှစ်ဖက်တိုက်ပွဲကြောင့် အခုလို ပြင်းထန်တဲ့ ပေါက်ကွဲမှု ဖြစ်ပွားမှုဟာ ပထမဆုံးအကြိမ် ဖြစ်တယ်လို့ သိရပါတယ်။
နှစ်ဖက်တိုက်ပွဲတွေကြောင့် နယ်မြေမလုံခြုံတဲ့အတွက် ဖားကန့်ဒေသက ဘုန်းတော်ကြီးကျောင်းတွေနဲ့ ခရစ်ယာန် ကျောင်းတွေက ဒုက္ခသည်စခန်း ၃၀ လောက်မှာ စစ်ပြေးစစ်ရှောင် ပြည်သူ တစ်သောင်းနီးပါး ရောက်ရှိနေပါတယ်

Read More

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ

ဖနိဒါ | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၉ နာရီ ၃၀ မိနစ်

ချင်းမိုင်(မဇ္စျိမ) ။        ။ ကချင်လွတ်လပ်ရေးအဖွဲ့ KIO နှင့် အစိုးရတပ်တို့အကြား ပစ်ခတ် တိုက်ခိုက်မှုများကြောင့် ဖားကန့်မြို့နှင့် နှစ်မိုင်အကွာ ဆိုင်းဂျာဘွမ် ကျေးရွာရှိ ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောင်ရုံထဲသို့ လက်နက်ကြီး ကျကာ ပေါက်ကွဲမှု ဖြစ်ခဲ့ကြောင်း သိရသည်။

အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ဖွဲ့များနှင့် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ ဗုဒ္ဓဟူးနေ့ မွန်းလွဲပိုင်း ၂ နရီမှစတင်၍ တိုက်ပွဲဖြစ်ပွားခဲ့ရာ ညနေ ၅ နာရီခွဲချိန်တွင် အဆိုပါ သိုလောင်ရုံပေါက်ကွဲခဲ့သဖြင့် ဖားကန့်မြို့ တမြို့လုံး တုန်ခါသွားခဲ့သည်ဟု ဒေသခံများက ဆိုသည်။

“လက်နက်ကြီး သွားကျတာလေ။ ကျည်ဆံက ယမ်းတိုက်ပေါ်မှာ သွားကျတာ။ ဝေအောင်ကမ္ဘာ မိသားစု အကျိုးတူ ကုမ္ပဏီလေ။ အဲဒီကုမ္ပဏီရှိတဲ့ နေရာက နှစ်ဖက် တပ်တွေရဲ့ အလယ်မှာ ဖြစ်နေတယ်။ အဲတော့ ယမ်းတိုက်ပေါ်ကျတဲ့ လက်နက်ကြီး ကျည်ဆံက ဘယ်ဘက်က ကျည်ဆံဆိုတာ ခန့်မှန်းလို့ မရဘူးလေ” ဟု အမျိုးသား ဒီမိုကရေစီအဖွဲ့ချုပ် NLD ဖားကန့်ရုံး တာဝန်ခံ ဦးခင်မောင်ချင်း က ပြောသည်။

ပေါက်ကွဲမှုနှင့် အနီးတဝိုက်ရှိ ကျေးရွာများမှ ဒေသခံရွာသားများမှာ ဖားကန့်မြို့ပေါ် ပြောင်းရွှေ့သွားကြသဖြင့် ထိခိုက်သေဆုံးမှု မရှိကြောင်း သိရသည်။

“သူတို့လည်းပစ်၊ ကျနော်တို့လည်း ပစ်ဆိုတော့ ဂိုဒေါင်ထဲက ခဲယမ်းတွေ ပေါက်သွားတယ်။ ဒီမနက် ပြန်သွားကြည့်
တော့ အပိုင်းအစတွေပဲ တွေ့ရတယ်” ဟု KIO ၏ ရှေ့တန်းမှ အရာရှိတဦးက ပြောသည်။ ကုမ္ပဏီဝင်းအတွင်း
မြေတူးစက်ကြီး (ဘက်ဖိုး) ငါးစီးနှင့် တချို့ ကားကြီးများ အပါအဝင် ၁ဝ ထက်မနည်း ပျက်ဆီးဆုံးရှုံးသွားသည်ကို
တွေ့ရပြီး သေဆုံးမှုအချို့လည်း တွေ့ခဲ့ရသည်ဟု ဆိုသည်။

အဆိုပါ ပေါက်ကွဲမှုနှင့် ပတ်သက်၍ စုံစမ်းမေးမြန်းရန် ဖားကန့်မြို့နယ် ရဲစခန်းသို့ မဇ္ဈိမက တယ်လီဖုန်းဖြင့် ဆက်သွယ်မေးမြန်းရာ “အဲဒါ ကျနော်တို့ မသိပါဘူးခင်ဗျာ” ဟု စခန်းမှ ဒု-ရဲအုပ် တဦးက ဖြေကြားခဲ့သည်။

ယင်းပေါက်ကွဲမှုကြီးဖြစ်ပွားပြီးနောက် အရောင်းအဝယ်နှင့် စက်ယန္တယားများ ရပ်ဆိုင်းထားရသည်ဟု သိရသည်။

အစိုးရ တပ်အင်အား ၃ဝဝ ခန့် ထိုးစစ်ဆင်လာရာမှ သြဂုတ်လ ၂၇ ရက်နေ့က ရှစ်နာရီကြာ တိုက်ပွဲတွင် အနည်းဆုံး ၈ဝ ခန့် ထိခိုက်ဒဏ်ရာရကာ ဗိုလ်မှူးတဦး၊ ဗျူဟာမှူးတဦး ကျဆုံးခဲ့သည်ဟု KIO အရာရှိက ဆိုသော်လည်း သီးခြား အတည်ပြုချက် မရယူနိုင်သေးပါ။

KIO တပ်နှင့် ပေ ၁,ဝဝဝ အကွာအဝေးရှိ မျောက်ဖြူကျေးရွာ အနီးတွင် အစိုးရတပ်ဖွဲ့များ ရှိနေသဖြင့် နှစ်ဖက်တင်းမာ
နေဆဲ ဖြစ်သည်ဟု ထိုအရာရှိက ပြောသည်။

ဖားကန့်ရှိ ကုမ္ပဏီအချို့က KIO ၏ တပ်ရင်း ၆ လက်အောက်ခံ လမောင်ကုန်း စခန်းအား သိမ်းယူရန် နေပြည်တော်ထိ သွားရောက်၍ တိုက်တွန်းမှုများ ရှိသည်ဟု သတင်းရရှိကြောင်း “အကျိုးတူကုမ္ပဏီ စီးပွားရေးလုပ်ငန်းရှင် ခြောက်ခုက ဒီနေရာကို ရှင်းပေးဖို့ နေပြည်တော်ထိ သွားပြောထားတယ်။ ဒါကြောင့် သူတို့က ကုမ္ပဏီတွေရဲ့ ကြေးစားလို စီးပွားရေး သမားတွေရဲ့ စကားကို နားထောင်ပြီး လုပ်လာတယ်ဆိုတော့ ကျနော်တို့လည်း စောင့်ကြည့်ပြီး ခုခံတိုက်နေတာ ခုလို ဖြစ်သွားတာပဲ” ဟု KIO အရာရှိက ပြောသည်။

သြဂုတ်လ ၁၉ ရက်နေ့မှစတင်၍ KIO တပ်နှင့် အစိုးရတပ်များအကြား တင်းမာမှုများ ရှိခဲ့ရာ မှော်မောင်ကုန်း၊
တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရော်ခ၊ ဇွပ်ငိုင်၊
မျောက်ဖြူ၊ မှော်မောင်းလယန် စသည့် ရွာများမှ ဒုက္ခသည်များ ဖားကန့်မြို့ပေါ်သို့ ထွက်ပြေးတိမ်းရှောင်ခဲ့သည်။

ဘုန်းကြီးကျောင်းနှင့် ဘုရားရှိခိုးကျောင်း များ၌ ဖွင့်လှစ်ထားသော ဒုက္ခသည်စခန်း ၃၁ တွင် လူဦးရေ ၉,ဝဝဝ ကျော် ရှိနေပြီ ဖြစ်ကြောင်း ဖားကန့် NLD ရုံးမှ ဦးခင်မောင်ချင်း က ပြောသည်။

NLD ပါတီက စစ်ပြေးဒုက္ခသည်များအတွက် ဆန် ၂၇ဝ အိတ်နှင့် ကျပ်ငွေ ၂၈ သိန်းကျော် ဗုဒ္ဓဟူးနေ့တွင် လှူဒါန်းခဲ့ပြီး လက်ရှိတွင် ဒေသခံ လူမှုအဖွဲ့အစည်းများသာ ကူညီ ထောက်ပံ့ပေးနေသည်ဟု ၎င်းက ဆိုသည်။

Read More

ထောင်ချောက်တွင်း မဆင်းမိစေရန် ရွှေဝါရောင် ခေါင်းဆောင် သတိပေး

နေမျိုး | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၂၂ နာရီ ၀၆ မိနစ်

 

နယူးဒေလီ (မဇ္ဈိမ) ။         ။ မြန်မာပြည်သူများ လူမျိုးရေး၊ ဘာသာရေး အဓိကရုဏ်း ထောင်ချောက်တွင်း မသက်ဆင်းမိစေရန် ရွှေဝါရောင် သံဃာ့လှုပ်ရှားမှုတွင် ‘အရှင်ဂမ္ဘီရ’ အဖြစ် ဦးဆောင်ခဲ့သည့် ကိုညီညီလွင် က သတိပေးလိုက်သည်။

အစိုးရ အာဏာပိုင်များသည် ပြည်သူလူထုအတွင်း အမျိုးမျိုးသွေးခွဲခဲ့သည့် သမိုင်းကြောင်း အတွေ့အကြုံများကို
ထောက်ပြထားသည့် မိတ်ဆွေတဦးထံ ပေးစာတွင် ၎င်းက ရေးသားထားခြင်း ဖြစ်သည်။

“မြန်မာပြည်သူလူထုဟာ အခွင့်အရေးတွေ ရပိုင်ခွင့်တွေအတွက် ဒေသဆိုင်ရာ ဆန္ဒပြပွဲတွေ ပေါ်ပေါက်လာတဲ့အခါ စစ်အာဏာရှင်တွေရဲ့ ထုံးစံအတိုင်း အဓိကရုဏ်း တခုကို ဖန်တီးပေးလိုက်ကြပြန်ပါတော့တယ်။ အဲဒါကတော့ ရခိုင်-ရိုဟင်ဂျာ အဓိကရုဏ်း ပဲဖြစ်ပါတယ်” ဟု ဇွန်လအတွင်း ဖြစ်ပွားခဲ့သည့် ရခိုင်ပြည်နယ်အတွင်း လူမှုအဖွဲ့ ပဋိပက္ခများ ကို ထောက်ပြလိုက်သည်။

ဂျပန်နိုင်ငံရှိ ယုယုကို ထံ သြဂုတ်လ ၂၆ ရက်နေ့ နေ့စွဲဖြင့် ပေးပို့သည့် အဆိုပါ ပေးစာအား The Best Friend အင်တာနက် စာမျက်နှာတွင် ဖော်ပြထားသည်။

ယုယုကိုသည် ၂ဝ၁၂ ခုနှစ် အစောပိုင်းက ဦးဂမ္ဘီရမိသားစုထံ လာရောက်လည်ပါတ်ခဲ့ပြီး နောက်ပိုင်းတွင် မြန်မာ အစိုးရ၏ အမည်မဲ Black list စာရင်းတွင် ပါဝင်ကာ ဗီဇာပိတ်ပင်ခြင်း ခံထားရသည်။

ထို့ပြင် “ရိုဟင်ဂျာဆန့်ကျင်ရေး ဆန္ဒပြပွဲတွေမှာ ရဟန်းတော်တချို့ ပါဝင်လာနေကြတာကို တွေ့ရတော့ ကိုယ်တော် ဝမ်းနည်းလို့ မဆုံးပါဘူး။ ၂ဝဝ၇ စက်တင်ဘာမှာ မြန်မာ ရဟန်းတော်တွေဟာ ဓမ္မရဲ့ မီးရူးတန်ဆောင်အဖြစ် ကမ္ဘာကြီး တခုလုံးသိအောင် ထွန်းလင်းပြခဲ့ပြီးပါပြီ။ ဗုဒ္ဓရဲ့ မိန့်ဆိုချက်တွေ ဖြစ်တဲ့ မေတ္တာ၊ ဓမ္မ၊ ငြိမ်းချမ်းမှု၊ အဟိံသ၊ သစ္စာအာဂရဟ တို့ရဲ့ အနက်အဓိပ္ပါယ်တွေကို အားလုံးသိအောင် ရှင်းပြနေရဦးမှာလား” ဟု ဦးဂမ္ဘီရ/လှိုင်ဘွား၏ စာတွင် မေးခွန်းထုတ်ထားသည်။

ပြစ်မှုကျူးလွန်သူများအား ဥပဒေအရ စီရင်ရမှာသာဖြစ်ပြီး လူမျိုးရေး ဘာသာရေး  အဖြစ် စစ်အာဏာရှင်တို့၏ ပုံဖော် မီးမောင်းထိုးပြဖွယ် မဖြစ်စေရန် ရှောင်ရှားသင့်ကြောင်းလည်း ဖော်ပြ ပါရှိသည်။

မြန်မာနိုင်ငံတွင် အသက် ၅၀ အရွယ်ရှိသူ တယောက်တလေမျှ ဒီမိုကရေစီ၊ လူ့အခွင့်အရေး၊ လွတ်လပ် တရားမျှတမှု ဆိုသည့် အရသာများ ငတ်မွတ် ခေါင်းပါးခဲ့ရကြောင်းလည်း ဆိုထားသည်။

၂ဝဝ၇ ရွှေဝါရောင် သံဃာ့လှုပ်ရှားမှု၏ မေတ္တာ၊ ဓမ္မ၊ ငြိမ်းချမ်းမှု၊ လူ့အခွင့်အရေး သရုပ်သကန် မှန်ကန်သည့် ထင်ဟပ် ချက်များကို စစ်အစိုးရက အကြမ်းဖက် နိမ်နှင်းခဲ့သည့်အတွက် ကုလသမဂ္ဂက လူသားမျိုးနွယ်ထုအပေါ် ကျူးလွန်သည့် ရာဇဝတ်မှုအဖြစ် အတိအလင်း ပြောဆိုထားသည်ဟု ဆိုသည်။

ဓမ္မာစရိယတန်း စာသင်သား ဘွဲ့အမည် ဦးဂမ္ဘီရ သည် သက်တော် ၂၉ နှစ်အရွယ်၌ ၂ဝဝ၇ ခုနှစ်၊ စက်တင်္ဘာလတွင် သံဃာ့ တပ်ပေါင်းစု၏ ဦးဆောင် ကိုယ်တော်တပါး အဖြစ် ပါဝင်ခဲ့ရာ အာဏာပိုင်များ၏ ဖမ်းဆီးမှုကို ခံခဲ့ရသည်။

အီလက်ထရောနစ် ပုဒ်မ အပါအဝင် ပုဒ်မ ၁၃ ခုဖြင့် ၂ဝဝ၈ ခုနှစ်၊ ဒီဇင်ဘာလတွင် ထောင်ဒဏ် ၆၈ နှစ် ချမှတ်ခံခဲ့ ရပြီးနောက် ၂ဝ၁၂ ခုနှစ်၊ ဇန်နဝါရီလတွင် သမ္မတ၏ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့သည်။

ယခုအခါ အကျဉ်းထောင် အတွင်းနှိပ်စက်ညှင်းပန်းမှုကြောင့် ရရှိလာသည့် ရောဂါဝေဒနာများ ခံစားနေရပြီး ကျန်းမာရေး အခြေအနေ ပုံမှန်ကောင်းမွန်ခြင်း မရှိသေးကြောင်း သိရသည်။

Read More